Chapter Title : മറ്റൊരു പൂക്കാലം 2 [സ്പൾബർ]

സറ്റയർ കേസിന്റെ മറവിൽ പതുങ്ങിയിരുന്ന് താഴേക്ക് നോക്കി..

അച്ചൻ ഹാളിലെ സെറ്റിയിലിരിക്കുന്നത് കണ്ടു..
എതിർ ഭാഗത്തുള്ള സെറ്റിയിൽ ഗായത്രിയും..നന്ദേട്ടൻ അച്ചന്റെ പുറകിൽ നിൽക്കുകയാണ്..
അവർ സംസാരിക്കുകയാണ്..

“വീട്ടിലിരിക്കാൻ ഒഴിവില്ലാതെ അഭിനയിച്ചിരുന്നു പണിക്കർ സാറേ…
ഇപ്പോ രണ്ട് വർഷമായി വീട്ടിൽ തന്നെയാണ്..
എന്താന്നറീല ആരും വിളിക്കുന്നില്ല…
എന്റെ അഭിനയം മോശാന്ന് ആരും പറയില്ല…
സഹനടിക്കുള്ള അവാർഡ് വരെ എനിക്ക് കിട്ടിയിട്ടുണ്ട്…”

ഗായത്രി അവളുടെ സങ്കടം പറയുകയാണ്…
അച്ചനത് കേട്ടിരിക്കുന്നുണ്ടെങ്കിലും,അച്ചന്റെ മുഖത്തെ ആർത്തി ഇവിടെ നിന്ന് നോക്കിയാൽ പോലും അറിയാം..
അഭ്രപാളികളിൽ മാത്രം കണ്ട സുന്ദരിയായ നടിയാണ് മുന്നിലിക്കുന്നതെന്ന യാതൊരു ഭാവവും നന്ദേട്ടന്റെ മുഖത്തില്ല..

“ എന്നെപ്പറ്റി ആരാണ് താങ്കളോട് പറഞ്ഞത്… ?”

അച്ചൻ ചോദിക്കുന്നത് സുരഭി കേട്ടു..

“ അത്… രാഷ്ട്രീനേതാവ് സുന്ദരേശൻ എന്റൊരു സുഹൃത്താണ്… അദ്ദേഹമാണ് എന്നോട് പറഞ്ഞത്.. താങ്കളെ വന്നൊന്ന് കാണാൻ…”

തന്റെ അച്ചന്റെ പേര് പറയുന്നത് കേട്ട് സുരഭി അമ്പരന്നു..
സിനിമാ നടിമാരൊക്കെയായിട്ടാണോ തന്റച്ചന്റെ കൂട്ട്… ?..

“ എത്ര കാലമായി ഇപ്പോ അഭിനയിച്ചിട്ട്….?”

അച്ചൻ വീണ്ടും ചോദിക്കുന്നത് സുരഭി കേട്ടു..

“ഇപ്പോ രണ്ട് വർഷമായി…
അതിനിടക്ക് ഒരു പടം ചെയ്തെങ്കിലും അത് പുറത്തിറങ്ങിയില്ല…”

“ പ്രത്യക്ഷത്തിൽ ശത്രുക്കളാരെങ്കിലുമുണ്ടോ…?”

“ അങ്ങിനെ ശത്രുക്കളൊന്നുമില്ല…
അറിഞ്ഞ് കൊണ്ട് ഞാനാർക്കും ഒരു ദ്രോഹവും ചെയ്തിട്ടില്ല…"

“ശത്രുക്കളുണ്ടാവാൻ നമ്മളാർക്കെങ്കിലും ദ്രോഹം ചെയ്യണം എന്നില്ല…
നമ്മുടെ വളർച്ചയിൽ അസൂയ പൂണ്ടും നമുക്ക് ശത്രുക്കളുണ്ടാവാം…
താങ്കളുടെ നാളൊന്ന് പറയൂ…”

“ അശ്വതി…."

രാഘവപ്പണിക്കർ കണ്ണടച്ച് കുറച്ച് നേരം ധ്യാനത്തിലിരുന്നു..

“സാമ്പത്തികമൊക്കെ ഇപ്പോ…?”

അയാൾ കണ്ണ് തുറന്ന് അവളുടെ മുഖത്തേക്ക് നോക്കി ചോദിച്ചു..