Chapter Title : മരുപ്പച്ച 3 [പ്രസാദ്]

നീ അവരെ വിളിച്ചു വരുത്തിയത് ഇവിടുത്തെ ജോലി ചെയ്യിക്കാനാണെന്നു ഒടുവില്‍ പറയരുത്....”

“അതൊന്നുമില്ല മാമാ..... പിന്നെ മാമാ, ആരതിയ്ക്ക് കോച്ചിങ്ങിനു പോയാല്‍ കൊള്ളാമെന്നുണ്ട്.... ഇവിടെ എവിടെയെങ്കിലും സ്ഥലം ഉണ്ടോ?”

“ഞാനൊന്ന് നോക്കട്ടെ.... അന്വേഷിക്കാം....”

അപ്പോഴേയ്ക്കും അയാള്‍ ചായ കുടിച്ചു തീര്‍ന്നു കപ്പു തിരികെ കൊടുത്തു... അവള്‍ അതുമായി തിരികെ പോയി.... പിന്നെ അയാള്‍ ഫോണ്‍ എടുത്ത് ആരെയൊക്കെയോ വിളിച്ചു.... ഒടുവില്‍ കോച്ചിംഗ് സെന്‍ററില്‍ അഡ്മിഷനും ശരിയാക്കി.... അവിടെ ക്ലാസ്സ് തുടങ്ങിക്കഴിഞ്ഞിരുന്നു... അതുകൊണ്ട് തന്നെ നാളെ മുതല്‍ ക്ലാസ്സിനു പോകണം. അവിടുത്തെ ഹൈസ്ക്കൂളിനടുത്താണ് കോച്ചിംഗ് സെന്‍റര്‍. പത്ത് മിനിറ്റ് മാത്രം നടക്കാനുള്ള ദൂരം.... പിന്നെ പതിവുപോലെ രാത്രി...... അടുത്ത ദിവസം, രാവിലെ, അയാള്‍ അഫീസിലേയ്ക്ക് പോകുന്ന വഴി, അവളെ കോച്ചിംഗ് സെന്‍ററില്‍ കൊണ്ടാക്കി.....

അവളുടെ കൈയ്യില്‍ ബുക്കുകളൊന്നും ഉണ്ടായിരുന്നില്ല.... അതുകൊണ്ട് തന്നെ പോകുന്ന വഴി അയാള്‍, അവള്‍ക്ക് രണ്ടു നോട്ടുബുക്കും, പേനയും വാങ്ങി കൊടുത്തു.... അവിടുത്തെ അധ്യാപകര്‍, രണ്ടുമൂന്നു ബുക്കുകളുടെ പേരുപറഞ്ഞു..... കൂടാതെ പ്ലസ്സ്ടൂവിലെ ബുക്കും വേണമെന്ന് അറിയിച്ചു.... പിന്നെ അയാള്‍ ആഫീസിലേയ്ക്ക് പോയി..... തരികെ വരുന്ന വഴി അയാള്‍, അവള്‍ക്കുള്ള ബുക്കുകള്‍ വാങ്ങി.... പ്ലസ്സ് ടൂവിലെ ബുക്കുകള്‍, അവള്‍ വീട്ടില്‍നിന്നും എടുക്കാം എന്ന് പറഞ്ഞു.... അങ്ങനെ അവളുടെ പഠിത്തം നന്നായി മുന്നോട്ട് പോയി..... അടുത്ത തിങ്കളാഴ്ച, അവളുടെ അമ്മയും, അനിയത്തിമാരും മടങ്ങിപ്പോയി.... ആരതി, അവരുടെ ഒപ്പം പോയിട്ട്, ബുക്കുകളുമെടുത്ത് അയാള്‍ക്കൊപ്പം തിരികെ വന്നു.....

പിന്നെ പതിവ് പോലെ കാര്യങ്ങള്‍ പൊയ്ക്കൊണ്ടിരുന്നു.... ആതിരയുടെ ഡ്രൈവിംഗ് പഠനം അവധി ദിവസങ്ങളില്‍ പുരോഗമിച്ചു.... ആരതി, രാത്രി ഭക്ഷണം കഴിഞ്ഞു മുകളിലെ മുറിയിലേയ്ക്ക്