Chapter Title : മസാജ് തെറാപ്പിസ്റ്റ് 2 [Eros – God of Lust]

“സാരമില്ല സർ, സർന്റെ അമ്മ പറഞ്ഞതിൽ കുറച്ചൊക്കെ സത്യമുണ്ട്… മസാജ് തെറാപ്പി ചെയ്യുന്ന ചിലരൊക്കെ സാഹചര്യം മുതലെടുത്ത് തെറ്റുകൾ ചെയ്യുന്നു എന്നതും വാസ്തവം. പക്ഷേ ആ ചിലർ മാത്രം ചെയ്യുന്ന തെറ്റുകൾക്ക് നമ്മുടെ സമൂഹത്തിൽ വലിയൊരു ശതമാനം ആളുകളും സകല തെറാപ്പിസ്റ്റുകളേയും അടച്ചാക്ഷേപിക്കുകയാണ് ചെയ്യുന്നത്. തെറ്റുക്കാരെന്ന മുൻവിധിയോടേയാണ് ആദ്യമായി കാണുന്നവരെ പോലും വിലയിരുത്തുന്നത്, ഇപ്പൊ സർന്റെ അമ്മ ചെയ്തത് പോലെ.” മനസ്സിനേറ്റ മുറിവിനെ മറച്ചു കൊണ്ട്‌ പുഞ്ചിരിയോടെ തന്നെ ഞാൻ പതിഞ്ഞ ശബ്ദത്തിൽ പറഞ്ഞു.

ഉടനെ അമ്മച്ചിയുടെ മുഖം വല്ലാണ്ടായിപ്പോയി. ആ കണ്ണുകളിൽ ചെറിയൊരു കുറ്റബോധം ഉണ്ടായത് പോലെ എനിക്ക് തോന്നി. എന്തുകൊണ്ടോ അമ്മച്ചിയുടെ ആ കുറ്റബോധ മുഖഭാവം കണ്ട് എല്ലാവരും ആശ്ചര്യപ്പെടുകയാണ് ചെയ്തത്.

“മസാജ് തെറാപ്പിസ്റ്റുകൾക്ക് ഈ സമൂഹത്തിൽ നല്ല പേരും വിശ്വാസവും നേടിയെടുക്കാൻ ബുദ്ധിമുട്ടാണ്, സർ. പക്ഷേ എന്നെ അറിയുന്നവര്‍ക്ക് മുന്നില്‍ ഞാൻ അതൊക്കെ എപ്പോഴേ നേടിയെടുത്തുക്കഴിഞ്ഞിരിക്കുന്നു.” നല്ല ഗൗരവത്തിൽ തന്നെ തലയുയർത്തി നിന്ന് ഞാൻ പറഞ്ഞു.

എന്നിട്ട് ഞാൻ എന്റെ ട്രോളി ബാഗ് വലിച്ചു കൊണ്ട്‌ സ്റ്റെപ്പിന് മുകളില്‍ നില്‍ക്കുന്ന അവർണയ്ക്ക് മുന്നില്‍ ചെന്നു നിന്നു. ഉടനെ അവൾ വഴി മാറി നിന്നിട്ട് എന്തു ചെയ്യണമെന്നറിയാത്ത പോലെ അവളുടെ അച്ഛനെ നോക്കി.

“മോള് വാ, ജിനു വരൂ.” അവർണയുടെ അച്ഛൻ അവളോടും എന്നോടും പറഞ്ഞിട്ട് വീട്ടിനകത്തേ ഹാളിലേക്ക് കേറി. അവർണ എളിയിൽ പിടിച്ചുകൊണ്ട് മുടന്തി, മുടന്തി അവളുടെ അച്ഛനെ പിന്തുടർന്നു. ഞാനും എന്റെ ട്രോളി ബാഗ് ഹാന്‍ഡിലിൽ തൂക്കിപ്പിടിച്ച് അവരെ പിന്തുടർന്നു.

വലിയ വിശാലമായ ഹാളായിരുന്നു. അവിടെ കണ്ട സകലതും വളരെ വിലപിടിപ്പുള്ള