Chapter Title : മസാജ് തെറാപ്പിസ്റ്റ് 3 [Eros – God of Lust]

കുസൃതി ചിരിയോടെ പറഞ്ഞു.

“ഒന്ന് പോ നുണച്ചി മിസ്സേ, ഇത് ഉണ്ടാക്കിയത് മിസ്സ് തന്നെയാ.” ഞാൻ തറപ്പിച്ച് പറഞ്ഞു.

“ഓഹോ, അതെങ്ങനെ നിനക്കറിയാം?” നിത്യ ടീച്ചർ അല്‍പ്പം കൗതുകത്തോടെ ചോദിച്ചു.

“നിത്യാ ടീച്ചർ—”

“ചേച്ചി.” നിത്യ ടീച്ചറും എന്നെ തിരുത്തി.

“ഓക്കെ, നിത്യ ചേച്ചി ഇതുപോലെ മുഴുവന്‍ കുരുമുളകും ഇടാറില്ല, പൊടിച്ച് മാത്രമേ ടീ— ചേച്ചി ഇടു.” പറഞ്ഞിട്ട് ഞാൻ കൊതിയോടെ പത്തിരി പിച്ച് കുറച്ച് റോസ്റ്റ് അതിൽ പൊതിഞ്ഞെടുത്ത് വായിലിട്ടു. എന്നിട്ട് കണ്ണുകളടച്ച് പിടിച്ചിട്ട് ആരെയും കൊതിപ്പിക്കുന്ന തരത്തിൽ ചെറിയ ശബ്ദങ്ങളോടെ ഞാൻ ആസ്വദിച്ച്‌ ചവച്ചു.

“ഈ കൊതിയന്റെ ഒരു ചെയ്ത്ത് കണ്ടില്ലേ, ചേച്ചി..!!” നിത്യ ടീച്ചർ കുണുങ്ങി ചിരിച്ചുകൊണ്ട് എന്റെ തുടയിൽ പതുക്കെ നുള്ളി.

ഞാൻ ചവച്ചുകൊണ്ട് തന്നെ ഒരു കണ്ണ് മാത്രം തുറന്ന് നോക്കുമ്പോ ഗോള്‍ഡ മിസ്സ് വികൃതി കുഞ്ഞിനെ സ്നേഹത്തോടെ നോക്കുന്നത് പോലെ എന്നെത്തന്നെ പുഞ്ചിരിയോടെ നോക്കി ഇരിക്കുന്നത് കണ്ടു.

“രണ്ട് കണ്ണും തുറക്കടാ കള്ള കുട്ടാ.” ചിരിച്ചുകൊണ്ട് ടീച്ചർ പിന്നെയും മെല്ലെ തുടയിൽ നുള്ളി

“ദേ, ഇങ്ങനെ നോക്കി കൊതിയിടാതെ നിങ്ങളും കഴിച്ചേ. ഇല്ലെങ്കില്‍ എനിക്ക് വയറ്‌ വേദനിക്കും.” രണ്ട് കണ്ണും തുറന്ന് വായിൽ കിടക്കുന്നത് വിഴുങ്ങിയിട്ട് ഞാൻ പറഞ്ഞു.

“പോടാ വികൃതി കുട്ടാ, നീ ഇങ്ങനെ കഴിക്കുന്നത് കണ്ടാൽ ആർക്കാ കൊതി വരാത്തേ.” ഗോൾഡ മിസ്സ് ചിരിച്ചുകൊണ്ട് എന്റെ തോളില്‍ നുള്ളിയിട്ട് മിസ്സിന്റെ പ്ലേറ്റ് അടുത്തേക്ക് നീക്കി വച്ചു.

ഗോള്‍ഡ മിസ്സ് എന്നെ കുട്ടാന്ന് വിളിക്കാറുണ്ടെങ്കിലും, നിത്യ ടീച്ചറെ പോലും എല്ലാ നാല് വാക്കിനും ഒരു കുട്ടാ എന്ന