Chapter Title : മസാജ് തെറാപ്പിസ്റ്റ് 3 [Eros – God of Lust]

ആരും കേട്ടില്ല.

നിത്യ ടീച്ചറും ഒരു സെക്യൂരിറ്റി ചേട്ടനും അവിടത്തെ ഒരു നടത്തിപ്പ് കാരനും എന്റെ ടീ ഷര്‍ട്ട് പൊക്കി വിശദമായി പരിശോധിക്കാൻ തുടങ്ങി. ഞാൻ അനങ്ങാതെ നിന്നു കൊടുത്തു. പരിശോധിച്ചില്ലെങ്കിൽ ഗോള്‍ഡ മിസ്സിനും നിത്യ ടീച്ചർക്കും സമാധാനം കിട്ടില്ലെന്നറിയാം.

“ബാക്ക് മുഴുവനും ചുവന്ന് കിടക്കുന്നു, പക്ഷേ എങ്ങും മുറിഞ്ഞിട്ടില്ല.”  നിത്യ ടീച്ചർ ആശ്വാസത്തോടെ പറഞ്ഞു. മറ്റുള്ളവരും നല്ലപോലെ നോക്കി കുഴപ്പമില്ലെന്ന് പറഞ്ഞു.

“ശെരി, നമുക്ക് പോകാം.” ഞാൻ എന്റെ കൈ വിടുവിച്ച് കൊണ്ട്‌ വേഗം എന്റെ ടീ ഷര്‍ട്ട് താഴ്ത്തി നേരയാക്കി.

“ശെരി നമുക്ക് പോകാം.” ഒടുവില്‍ ഗോള്‍ഡ മിസ്സും സമ്മതിച്ചു.

ഞാൻ കുറച്ച് ബുദ്ധിമുട്ടിയാണ് നടന്നത്.

“നമുക്ക് ആശുപത്രിയിൽ പോയാലോ?” എന്റെ നടത്തം കണ്ടിട്ട് നിത്യ ടീച്ചർ ആശങ്കപ്പെട്ട് പറഞ്ഞു.

“ഒന്നും വേണ്ട ചേച്ചി. വേദന മാത്രമേയുള്ളു. വണ്ടിയില്‍ മരുന്നുണ്ട്, ഞാൻ അത് കഴിച്ചോളാം.”

“ശെരി വാ.” ഗോള്‍ഡ മിസ്സ് എന്റെ ഇടുപ്പിൽ കൈ ചുറ്റി മിസ്സിനോട് ചേര്‍ത്ത് പിടിച്ചുകൊണ്ട്  എന്നെ സപ്പോര്‍ട്ട് ചെയ്ത് നടന്നു. നിത്യ ടീച്ചറും എന്റെ തോളില്‍ കൈ വച്ച് നടന്നു….ഞാൻ വീഴുകയാണെങ്കിൽ എന്നെ പിടിക്കാന്‍ റെഡിയാണെന്നത് പോലെ.

“ഡ്രെസ്സ് മാറ്റാൻ ഹെല്പ് വേണോ കുട്ടാ?” ഒടുവില്‍ വണ്ടിക്കടുത്ത് വന്നതും നിത്യ ടീച്ചർ എന്നോട് ചോദിച്ചു.

“വേണ്ട ചേച്ചി, എനിക്ക് കഴിയും.” പെട്ടന്നു വന്ന നാണം മറച്ച് ഞാൻ മറുപടി കൊടുത്തു.

“എന്ന പോയിട്ട് വാ.” മിസ്സ് എന്നെ തന്നെ സൂക്ഷ്മമായി നിരീക്ഷിക്കുന്നതിനിടയിൽ പറഞ്ഞു.

ഞാൻ അകത്ത് കേറി നനഞ്ഞ ഡ്രസ് ഊരി ഒരു കവറിൽ ഇട്ടിട്ട് രാവിലെ വന്നപ്പോ