Chapter Title : മസാജ് തെറാപ്പിസ്റ്റ് 6 [Eros – God of Lust]

ആ റൂൾസ് തന്നെയാണ് എനിക്ക് നിന്നോടും പറയാനുള്ളത്. എന്റെ ജീവിതവും അങ്ങനെ തന്നെ മുന്നോട്ട് പോകും. അതുകൊണ്ട്‌ നിനക്ക് ഫ്രീയായി എന്തുവേണമെങ്കിലും തീരുമാനിച്ച് ജീവിക്കാം.” ഞാൻ അവളോട് കാര്യങ്ങൾ വ്യക്തമാക്കി.

അതിന്‌ അവൾ പുഞ്ചിരിച്ചു. എന്നിട്ട് ചോദിച്ചു, “നിന്റെ മിസ്സും ടീച്ചറും, നിന്നോട് കാണിക്കുന്നത് പോലത്തെ അടുപ്പം വേറെ ആരോടെങ്കിലും കാണിക്കുന്നുണ്ടോ..?”

“ഞാൻ അറിഞ്ഞ് അങ്ങനെ ഒന്നുമില്ല. അങ്ങനെയുള്ള കാര്യങ്ങൾ അവരോട് ഞാൻ ചോദിക്കാറുമില്ല.” റോഡില്‍ നിന്നും കണ്ണുകളെടുത്ത് അവളെ നോക്കി പറഞ്ഞ ശേഷം പിന്നെയും ഞാൻ റോഡിലേക്ക് ശ്രദ്ധിച്ചു.

“എപ്പോഴെങ്കിലും അവർ നിന്നെ വിട്ട് വേറെ ആരെയെങ്കിലും സ്വീകരിക്കുമെന്ന് നിനക്ക് തോന്നുന്നുണ്ടോ..? അതോ നിന്നോടുള്ള ബന്ധം നിലനിര്‍ത്തി കൊണ്ട്‌ തന്നെ വേറെ ബന്ധങ്ങളും നിലനിർത്തുമെന്ന് തോന്നുന്നുണ്ടോ..?” അവളുടെ അടുത്ത ചോദ്യം വന്നു.

“അറിയില്ല ധ്വനി. നമ്മൾ വെറും മനുഷ്യരാണ്. എനിക്ക് ഭാര്യ എന്ന ഉത്തരവാദിത്തമില്ല, അവര്‍ക്ക് ഭർത്താവ് എന്ന ഉത്തരവാദിത്തവുമില്ല. ഞങ്ങൾക്ക് അങ്ങനെയുള്ള ആഗ്രഹവുമില്ല. അങ്ങനെയാവുമ്പോ കൂടുതൽ സ്വതന്ത്ര്യത്തോടെ മനസ്സ് പോയ വഴിയേ ജീവിക്കാൻ തോന്നും. അതുകൊണ്ട്‌ പിന്നീട് നമ്മൾ എങ്ങനെ മാറുമെന്ന് ആര്‍ക്കും പറയാനാവില്ല.”

“നി പറഞ്ഞത് സത്യമാണ്.” ധ്വനി ഒരു മാലാഖയെ പോലെ പ്രകാശവതിയായി പുഞ്ചിരിച്ചു. “പക്ഷേ ഏതാനും ദിവസങ്ങളുടെ പരിചയം മാത്രമേ നമ്മൾ തമ്മിലുള്ളു, എന്നിട്ടും എന്റെ ഇന്നുവരെയുള്ള ജീവിതകാലം മുഴുവനും നീ എന്റെ കൂടെ ഉണ്ടായിരുന്നത് പോലത്തെ ഒരു ബോണ്ടാണ് എനിക്ക് പോലും നിന്നോട് ഫീൽ ചെയ്യുന്നത്. അപ്പോ മൂന്ന്‌ നാല്‌ വര്‍ഷമായി നിന്നെ അറിയുന്ന നിത്യ ടീച്ചർക്ക് എങ്ങനെയായിരിക്കുമെന്ന് നീ ചിന്തിച്ച് നോക്കിയിട്ടുണ്ടോ…? 15 വര്‍ഷമായി നിന്നെ അറിയുന്ന