Chapter Title : മഴയത്തു വന്ന മോഹം 11 [Vashalan]

ഞാൻ ഹൻസൂന്റെ കൈകൾ മെല്ലെ എന്റെ കൈവെള്ളയിൽ ചേർത്തുപിടിച്ചു. മുറിയിലെ ആ മങ്ങിയ വെളിച്ചത്തിൽ അവളുടെ മുഖം കൂടുതൽ തിളങ്ങുന്നുണ്ടായിരുന്നു. "നമ്മുടെ കല്യാണം കഴിഞ്ഞു എന്നത് ഇപ്പോൾ ഒരു യാഥാർത്ഥ്യമാണ് ഹൻസൂ. നമ്മൾ ഇതിനോടകം ഒരുപാട് കാര്യങ്ങൾ സംസാരിച്ചു, രഹസ്യങ്ങൾ പങ്കുവെച്ചു. എങ്കിലും ഇനി എന്തെങ്കിലും പറയാനോ അറിയാനോ

ബാക്കിയുണ്ടെങ്കിൽ അത് ഇന്ന് ഇവിടെ വെച്ച് തന്നെ നമുക്ക് സംസാരിക്കണം. എന്നാലേ നമ്മുടെ ജീവിതത്തിന് കൂടുതൽ ആഴമുണ്ടാകുകയുള്ളൂ."

​അവൾ എന്റെ കണ്ണുകളിലേക്ക് തന്നെ നോക്കിയിരുന്നു. ഞാൻ തുടർന്നു, "നമ്മുടെ പാസ്റ്റ് (past) എന്തുതന്നെ ആയാലും, ഇനി നമ്മൾ മുന്നോട്ടുള്ള ജീവിതത്തിലെ ഏറ്റവും പ്രധാനപ്പെട്ട ഘട്ടത്തിലേക്കാണ് കടക്കാൻ പോകുന്നത്. അതിനു മുന്നേ നമ്മുടെ ഇഷ്ടങ്ങളും ഇഷ്ടക്കേടുകളും നമ്മൾ തുറന്നു പറയണം. നിനക്ക് അങ്ങനെ എന്തെങ്കിലും എന്നോട് പറയാനുണ്ടോ?"

​എന്റെ വാക്കുകൾ കേട്ടപ്പോൾ അവളുടെ മുഖത്ത് ഒരു വല്ലാത്ത സന്തോഷം പടർന്നു. അവൾ പതുക്കെ എന്റെ തോളിലേക്ക് ഒന്ന് കൂടി ചാഞ്ഞു. "എനിക്ക് ഷാജുവിനോട് ഒരു കാര്യം പറയാനുണ്ട്. ഞാൻ അത് മനഃപൂർവ്വം മറച്ചു വെച്ചതല്ല, പക്ഷേ അത്

പറയാനുള്ള ഒരു സാഹചര്യം ഇതുവരെ വന്നില്ല. അതുകൊണ്ടാണ്..."

​ഞാൻ അവളെ നോക്കി ആത്മവിശ്വാസം നൽകുന്ന രീതിയിൽ ഒന്ന് ചിരിച്ചു. "അതേ... അതുതന്നെയാണ് ഞാൻ പറഞ്ഞു വന്നതും. നമ്മൾ പരസ്പരം എല്ലാം അറിഞ്ഞിരിക്കണം, അത് നല്ലതായാലും ചീത്തയായാലും. എന്നാലേ ഈ വിവാഹബന്ധം കൂടുതൽ മുറുകുകയുള്ളൂ. അതുകൊണ്ട് നീ ഇനി എന്ത് തന്നെയായാലും പറഞ്ഞോളൂ. നമ്മുടെ തുടർന്നുളള ജീവിതത്തിൽ അതൊരിക്കലും ഒരു വില്ലനായി വരില്ല എന്ന് ഞാൻ നിനക്ക് ഉറപ്പ് തരുന്നു. അതുപോലെ