Chapter Title : മഴയത്തു വന്ന മോഹം 16 [Vashalan]

ഇത് കണ്ടപ്പോൾ മിസ്സ് ചിരിച്ചുകൊണ്ട് ചോദിച്ചു, "എന്താ സബീ, ഞങ്ങളെ ഗസ്റ്റ് ആയി കാണുകയാണോ, ഇത്രയൊക്കെ സെറ്റ് ചെയ്യാൻ?"

​അതിന് സബീനത്ത ചിരിച്ചുകൊണ്ട് : "നീ മാത്രമായിരുന്നുവെങ്കിൽ ഇതൊന്നും ഞാൻ തരുമായിരുന്നില്ല. നിധീഷ് ആദ്യമായി

വരുന്നതല്ലേ, അതുകൊണ്ട് കരുതിയതാണ്. പിന്നെ കോളേജ് കഴിഞ്ഞ് നേരെ ഇങ്ങോട്ടല്ലേ വരുന്നത്, വിശപ്പും കാണുമല്ലോ. പക്ഷെ ഇനിയെന്നും ഇത് പ്രതീക്ഷിക്കരുത് കേട്ടോ!"

​ഇതുകേട്ട് എല്ലാവരും ചിരിച്ചു. പെട്ടെന്ന് നിധീഷ് എന്നെ നോക്കി ചോദിച്ചു, "ഇവൻ ഇവിടെ സ്ഥിരം ആളാണല്ലേ? അല്ലെങ്കിലും ഇത്രയധികം സ്വാതന്ത്ര്യം ഇവന് എങ്ങനെ കിട്ടുന്നു?"

​അതുകേട്ട ഉടനെ സബീനത്ത എന്നെ നോക്കി കണ്ണിറുക്കിക്കൊണ്ട് പറഞ്ഞു, "ഇവനെ എനിക്ക് കുഞ്ഞുനാൾ മുതലേ അറിയാം. ഇവന് ഇവിടെ എപ്പോഴും എന്തുമാകാം, എപ്പോൾ വേണമെങ്കിലും വരാം."

​സബീനത്തയുടെ ആ വാക്കുകളിൽ എനിക്കുള്ള സ്ഥാനം എന്താണെന്ന് നിധീഷിന് മനസ്സിലായി കാണും. ഞാൻ അതൊരു കള്ളച്ചിരിയോടെ സമ്മതിച്ചു.

സബീനത്ത മിസ്സിനെയും നിധീഷിനെയും വീട് ചുറ്റിക്കാണിക്കാൻ കൊണ്ടുപോയപ്പോൾ

ഞാൻ താഴത്തെ നിലയിൽ തന്നെയിരുന്നു. സബീനത്തയുടെ കുട്ടി ഇപ്പോൾ ഇത്തയുടെ ഉമ്മ വീട്ടിലാണ്. വെള്ളിയാഴ്ച സ്കൂൾ വിട്ടാലുടൻ സബീനത്തയുടെ വാപ്പ വന്ന് കുട്ടിയെ അങ്ങോട്ടേക്ക് കൊണ്ടുപോകാറാണ് പതിവ്, ഞായറാഴ്ചയേ തിരിച്ചെത്തുകയുള്ളൂ. അതിനാൽ ഈ വെള്ളിയാഴ്ച രാത്രി സബീനത്തയുടെ വീട് ഞങ്ങൾക്ക് പൂർണ്ണമായും സ്വകാര്യമായിരുന്നു.

​വീട് കണ്ടുതീർന്ന്  സബീനത്ത തയ്യാറാക്കിയ ചിക്കൻ കറിയും പത്തിരിയും ആസ്വദിച്ചു കഴിച്ചു. സബീനത്തയുടെ കുഞ്ഞിനെക്കുറിച്ച് മിസ്സ് ചോദിച്ചപ്പോൾ, കുട്ടി ഇപ്പോൾ ഉമ്മയുടെ വീട്ടിലെന്നും ഞായറാഴ്ചയേ വരൂ എന്നും സബീനത്ത മറുപടി പറഞ്ഞു. തിരികെ പോകാൻ നേരം അവർ പരസ്പരം വീണ്ടും വരാമെന്ന് ഉറപ്പും നൽകി.