Chapter Title : മഴയത്തു വന്ന മോഹം 4 [Vashalan]

കോളേജിൽ എത്തിയപ്പോൾ പതിവുപോലെ തിരക്ക് തുടങ്ങിയിട്ടില്ല. ഇന്നലെ സ്ട്രൈക്ക് ആയിരുന്നതുകൊണ്ട് ഇന്ന് എല്ലാവരും വരാൻ കുറച്ച് വൈകും.

​ഞാൻ നേരെ പോയി ക്ലാസ്സ് മുറിയുടെ വരാന്തയിൽ നിന്നു. കുറച്ചു കഴിഞ്ഞപ്പോൾ അജയ് അങ്ങോട്ടേക്ക് വരുന്നത് കണ്ടു. ഇന്നലെ മുഴുവൻ കിട്ടാതിരുന്നവനാണ്. എന്നെ കണ്ടതും അവൻ ഒരു കള്ളച്ചിരിയോടെ അടുത്തു വന്നു.

​ക്ലാസ്സ് മുറിയുടെ വരാന്തയിൽ വെച്ച് അജയ്യെ കണ്ടപ്പോൾ അവൻ പതിവുപോലെ ഓരോന്ന് ചോദിച്ചു തുടങ്ങി.

​"എന്താടാ ഇന്നലെ നിന്നെ എങ്ങും

കണ്ടില്ലല്ലോ? ഞാൻ നിന്നെ ഒത്തിരി നോക്കി," അജയ് ചോദിച്ചു.

​"ഞാൻ സിനിമയ്ക്ക് പോയി അജയ്. വെറുതെ സമയം കളയാൻ വേണ്ടി കയറിയതാ. നല്ല ബോറൻ പടമായിരുന്നു," ഞാൻ വളരെ ലാഘവത്തോടെ പറഞ്ഞു. സബീനത്തയെ കണ്ട കാര്യം ഞാൻ മനപ്പൂർവ്വം മറച്ചുപിടിച്ചു. അജയ്യെപ്പോലൊരുത്തനോട് അത് പറഞ്ഞാൽ സംഗതി കൈവിട്ടുപോകുമെന്ന് എനിക്കറിയാം.

​"ആഹാ... നീ ഒറ്റയ്ക്കാണോ പോയത്? അതോ ആരെങ്കിലും കൂടെ ഉണ്ടായിരുന്നോ?" അവൻ കണ്ണിറുക്കി ചോദിച്ചു.

​"ഒറ്റയ്ക്കായിരുന്നു. നീ എവിടെയായിരുന്നു? നിന്റെ ഫോൺ കിട്ടുന്നുണ്ടായിരുന്നില്ലല്ലോ," ഞാൻ സംസാരം മാറ്റാൻ നോക്കി.

ക്ലാസ്സിൽ ഇരിക്കുമ്പോഴാണ് അജയ് ഈ

വിവരം എന്നോട് പറയുന്നത്. "എടാ, അവൾ ഇന്ന് വരില്ല. അവളുടെ വലിയമ്മ മരിച്ചു. അതുകൊണ്ട് ഇന്ന് നമ്മുടെ പരിപാടികളൊന്നും നടക്കില്ല," അജയ് നിരാശയോടെ പറഞ്ഞു.

​ക്ലാസ്സിൽ ആകെ ഒരു മന്ദതയായിരുന്നു. ആൺകുട്ടികൾ മിക്കവരും മുങ്ങിയതുകൊണ്ട് ബെഞ്ചുകളെല്ലാം ഒഴിഞ്ഞു കിടക്കുന്നു. പഠിപ്പിസ്റ്റുകൾ അവരുടെ പുസ്തകത്തിൽ തല പൂഴ്ത്തിയിരിക്കുകയാണ്. പെൺകുട്ടികൾ അങ്ങോട്ടും ഇങ്ങോട്ടും നോക്കി വർത്തമാനം പറയുന്നു.

ക്ലാസ്സിന്റെ വാതിൽക്കൽ ആ രൂപം വന്നുനിന്നപ്പോൾ തന്നെ ഒരു വശ്യമായ നിശബ്ദത പടർന്നു.