Chapter Title : മഴയത്തു വന്ന മോഹം 7 [Vashalan]

വരാന്തയിലൂടെ നടക്കുമ്പോഴാണ് കോളേജിലെ ക്രിക്കറ്റ് ടീം അംഗങ്ങൾ അജയ്യെ വളഞ്ഞത്. അജയ് അവരുടെ മെയിൻ പ്ലെയർ ആയതുകൊണ്ട് അടുത്ത മാച്ചിന്റെ കാര്യം പറഞ്ഞു അവർ അവനെ വിടാതെ പിടിച്ചു. എന്തുചെയ്യണമെന്നറിയാതെ അവൻ എന്നെ ഒന്ന് നോക്കി. "നീ വിട്ടോ ഷാജൂ, ഞാൻ ഇതൊന്ന് സെറ്റാക്കി വരാം" എന്ന് പറഞ്ഞു അവൻ അവരുടെ കൂടെ

ഗ്രൗണ്ടിലേക്ക് പോയി.

​ഞാൻ പതുക്കെ സ്റ്റാഫ് റൂമിലേക്ക് കയറി. ഭാഗ്യത്തിന് റീന മിസ്സ് ഇരിക്കുന്ന ആ അറ്റത്തെ ടേബിളിന് അടുത്ത് വേറെ ആരുമില്ലായിരുന്നു. മിസ്സ് തന്റെ കറുത്ത കുർത്തയുടെ ദുപ്പട്ട ഒന്നുകൂടി ഒതുക്കി എന്തോ എഴുതിക്കൊണ്ടിരിക്കുകയാണ്. ഞാൻ മിസ്സിന്റെ അരികിൽ ചെന്ന് പതുക്കെ വിളിച്ചു, "മിസ്സേ... ആ പോയിന്റിൽ ചെറിയൊരു ഡൗട്ട് ഉണ്ടായിരുന്നു".

​ഞാൻ വന്നത് കണ്ടതും മിസ്സ് മുഖമുയർത്തി മനോഹരമായി ഒന്ന് ചിരിച്ചു. എന്നാൽ തൊട്ടപ്പുറത്തെ ടേബിളിലിരുന്ന ഹിസ്റ്ററി മിസ്സും മറ്റൊരു സാറും ഇത് കേട്ട് എന്നെ ഒന്ന് കളിപ്പിക്കാൻ തുടങ്ങി. "ആഹാ, ഷാജുവിന് ഇപ്പോൾ ഡൗട്ട്സ് ഒക്കെ കാട്ടുന്നുണ്ട് ഞങ്ങളുടെ വിഷയത്തിനൊന്നും നിനക്ക് ഇത്ര വലിയ സംശയങ്ങൾ

ഉണ്ടാകാറില്ലല്ലോടാ?" എന്ന് ഹിസ്റ്ററി മിസ്സ് ഒരു ചിരിയോടെ ചോദിച്ചു.

​അതുകേട്ട് റീന മിസ്സ് ഒന്ന് ചമ്മി ഇരിക്കുന്നത് കണ്ടപ്പോൾ എനിക്ക് ആ കളിപ്പിക്കലിന് നല്ലൊരു കൗണ്ടർ കൊടുക്കണമെന്ന് തോന്നി. ഞാൻ വളരെ വിനയത്തോടെ എന്നാൽ അവർക്ക് കുറിക്ക് കൊള്ളുന്ന രീതിയിൽ പറഞ്ഞു, "അത് പിന്നെ മിസ്സേ... ഒരു വിഷയത്തിൽ ഡൗട്ട് വരണമെങ്കിൽ ആ ക്ലാസ്സിൽ എടുക്കുന്ന കാര്യങ്ങൾ പകുതിയെങ്കിലും മനസ്സിലാകണമല്ലോ. മനസ്സിലായാൽ മാത്രമല്ലേ ഡൗട്ട് വരാനും അത് ചോദിക്കാനും തോന്നൂ."

​എന്റെ