Chapter Title : മീനത്തിൽ താലികെട്ട് 5 [കട്ടകലിപ്പൻ]

എന്തായാലും രാമായണം വായിക്കാനല്ലാലോ വന്നു കയറി കാണുക..!" ഞാൻ പുച്ഛം കലർന്ന രീതിയിൽ പറഞ്ഞു

ടപ്പേ,

കാതടിപ്പിക്കുന്ന ഒരു ശബ്ദം., എന്താണ് പറ്റിയത് എന്ന് പറയുന്നതിന് മുന്നേ വീണയുടെ വലത്തേ കൈ വിനുവിന്റെ മുഖത്ത് പതിച്ചു.,!

ഞാൻ വേഗം വീണയെ വട്ടം പിടിച്ചു മാറ്റി

" എന്റെ പൊന്നു വീണേ ഒരു സീൻ ഉണ്ടാക്കി ബാക്കിയുള്ളവരെ കൂടി വിളിച്ചു വരുത്താതെ., ഈ കാര്യം നമുക്ക് ഇവിടെ ഒതുക്കി തീർക്കാൻ പാടില്ലേ.!"

ഞാൻ പറഞ്ഞത് ശെരിയാണെന്നു വീണയ്ക്കും തോന്നി, ഇപ്പൊ വീട്ടിൽ ഉള്ളവരെ മുഴുവൻ വിളിച്ചു വരുത്തിയാൽ ചിലപ്പോൾ കയ്യിൽ നിൽക്കാതെ കാര്യങ്ങൾ ആവും.!

" ഇറങ്ങി പോടാ പട്ടി, ഞങ്ങളുടെ വീട്ടിൽ നിന്ന്..!" അപ്പോഴും കലി മാറാതെ വീണ പറഞ്ഞു, അഭിരാമി ചേച്ചി ഞങ്ങളെ നോക്കാൻ പറ്റാതെ തല കുമ്പിട്ടു നിന്നു.,

വിനു ഒന്നും മിണ്ടാതെ വന്ന വഴി ഇറങ്ങി പോവുന്നത് ഞാൻ കണ്ടു..!

" ഇതായിരുന്നു ചേച്ചിയുടെ മനസിലിരുപ്പ് അല്ലേ., ഇതുകൊണ്ടാണല്ലേ ചേച്ചി ഞങ്ങളെ ഒരുമിപ്പിക്കാൻ നോക്കിയത്..!" വീണയുടെ ദേഷ്യം മുഴുവൻ അഭിരാമി ചേച്ചിയോടായി.,

" മോളെ.. അത് പിന്നെ ഒരു അബദ്ധം പറ്റിപോയതാണ്., നീ ഇത് ഒരു പ്രെശ്നമാക്കി എന്റെ ജീവിതം നശിപ്പിക്കരുത്., ദൈവത്താൽ ആണേ ഞാൻ ഇനി ഇത് ആവർത്തിക്കില്ല,."

അഭിരാമി ചേച്ചി കരച്ചിലിനോളം വക്കം എത്തിയിരുന്നു.,

അത് കണ്ടപ്പോൾ എനിയ്ക്കും പാവം തോന്നി.,

" ചേച്ചി പറ്റിയത് പറ്റി, ഇനി അതിനെ പറ്റി പറയാതെ നമുക്ക് ഇത് ഇവിടെ ഉപേക്ഷിക്കാം,,!"

ഞാൻ ചേച്ചിയെ സമാധാനിപ്പിക്കാൻ നോക്കി,.

ചേച്ചി ഒന്നും മിണ്ടാതെ കീഴ്പോട്ടു