Chapter Title : മെഹ്റിൻ- മഴയോർമകൾ 3 [മല്ലു സ്റ്റോറി ടെല്ലർ]

ഇടയ്ക്ക് ഇടയ്ക്ക് തഴുകി കൊണ്ടിരുന്നു. അത് വരെ ഉണ്ടായിരുന്ന എല്ലാ നല്ല നിമിഷങ്ങളും ഇതാ ഇവിടെ ... ഈ സെക്കന്റിൽ അവസാനിച്ചിരുക്കുന്നു. അവസാനമായി കണ്ട അവളുടെ മുഖം മനസ്സിൽ കണ്ട് കൊണ്ട് ഞാൻ മഴ തുള്ളികൾക്ക് ഒപ്പം മഴയോടൊപ്പം താഴേക്ക് പതിച്ചു. മഴ വെള്ളം ചുവന്ന നിറത്തിൽ അവിടെ പരന്ന് ഒഴുകി കൊണ്ടിരുന്നു

..................................................... ഞെട്ടി ഉണർന്ന ഞാൻ പയ്യെ കണ്ണുകൾ തുറക്കാൻ ശ്രമിച്ചു. ശക്തിയേറിയ പ്രകാശം കണ്ണിലേക്ക് അടിച്ചു കയറുന്നതിനാൽ കണ്ണുകൾ പല തവണ ചിമ്മി കണ്ണുകൾ പുർണ്ണമായി തുറന്നു. ഇരുട്ടിൽ നിന്ന് എന്റെ കാഴ്ചകൾ വെളിച്ചത്തിലേക്ക് കടന്നുവന്നു. ഞാൻ ചുറ്റിലും നോക്കി ....എവിടെയാണ് ഇത് ... ആശുപത്രി അല്ല ....അതേ... ഞാൻ ഇപ്പോൾ വീട്ടിൽ ആണ് ഉള്ളത്. കൈകൾ ഉയർത്തി നോക്കിയപ്പോൾ എവിടേയും കെട്ടുകൾ ഒന്നും ഇല്ല , പക്ഷേ കാലുകളിൽ ശക്തമായ വേദന ... "അമ്മേ" ഞാൻ നീട്ടി വിളിച്ചു. അമ്മ ഓടി വന്ന് എന്റെ നെറ്റിയിലും കവിളിലും തുറു തുരാ ചുംബനങ്ങൾ നൽക്കി. ആനന്ദ കണ്ണീർ തുടച്ചു കൊണ്ട് അമ്മ പറഞ്ഞു. " 6 മാസം കഴിഞ്ഞാണ് എന്റെ മോൻ കണ്ണ് തുറക്കുന്നത്. " ഞാൻ അമ്പരന്ന് പോയി. കൈകുത്തി എഴുന്നേറ്റ് ഇരിക്കാൻ ശ്രമിച്ച എന്നെ അമ്മ തടഞ്ഞു. "വേണ്ട, ഇപ്പോൾ എഴുന്നേൽക്കാൻ ശ്രമിക്കേണ്ട, ഒരു മാസം കഴിഞ്ഞേ ഇവിടെ നിന്നും എഴുന്നേൽക്കാൻ പറ്റു. ഡോക്ടർ ഇന്നല്ലെ രാവിലെ കൂടെ വന്ന് പറഞ്ഞിരുന്നു. മോനേ പിന്നേ ഒരു കാര്യം ..... മോൾ ... " " അവൾ പോയി എന്നല്ലേ ?" "ഉം" അമ്മ വിതുമ്പുവാൻ തുടങ്ങി. " കരയേണ്ട അമ്മേ ..... അവൾ എവിടേയും പോയിട്ടില്ല... എന്റെ മരണം വരെ അവൾ എന്റെ കൂടെ ഉണ്ടാവും ... അവളുടെ കൂടെ പോകുവാൻ വേണ്ടി ആണ് അന്ന് ഞാൻ ചാടിയത് .... പക്ഷേ അമ്മ ഇവിടെ ഉള്ളത് കൊണ്ടാവാം അവൾ എന്നെ കൊണ്ടു പോയില്ല...." ഞാൻ നിറകണ്ണുകളോടെ അമ്മയെ നോക്കി പറഞ്ഞു. " അമ്മയുണ്ട് മോന്" അമ്മയുടെ കൈകൾ എന്റെ നെറ്റിയിൽ തലോടി