Chapter Title : മേലേടത്ത് വീട് [ജംഗിള്‍ ബോയ്‌സ്]

ജാനകിയും ഭര്‍ത്താവ് കാര്‍ ഡ്രൈവര്‍ കുട്ടപ്പനും ഉണ്ട്. കല്ല്യാണിക്ക് വയസ് 50. കുട്ടപ്പന് വയസ് 55. ജന്മനാ ഒരു വിക്കനാണ്. ശാരീരികമായി വലിയ ജോലിയൊന്നും എടുക്കാന്‍ പറ്റില്ല. നീളം കുറഞ്ഞ് മെലിഞ്ഞ ശരീരം. കല്ല്യാണിക്കും കുട്ടപ്പനും കുട്ടികളൊന്നും ഇല്ല. അവര്‍ക്ക് ഇവരുടെ പറമ്പില്‍ കുറച്ചകലെ ഒരു വീടുണ്ട്. കുട്ടപ്പനോടുള്ള ദയവ് തോന്നിയിട്ടാണ് ശശിധരമേനോന്‍ വാങ്ങിയ ബിഎംഡബ്ല്യു 3 സീരിസ് കാറില്‍ ഡ്രൈവറായി ജോലി കൊടുത്തത്. ഈ കാറിലാണ് മീര സ്‌കൂളില്‍ പോയി വരുന്നത്. വീട്ടിലേക്കുള്ള സാധനങ്ങളും മറ്റും കുട്ടപ്പന്‍ തന്നെയാണ് വാങ്ങുന്നത്. അങ്ങനെ പുഷ്പവല്ലി അമ്മയും മീരയും അവരുടെ മകന്‍ അക്ഷയും ആ വലിയ വീട്ടില്‍ താമസിക്കുന്നു. ഇവരെ സഹായിക്കാന്‍ കല്ല്യാണിയും കുട്ടപ്പനും. അങ്ങനെ സന്തോഷപൂര്‍ണ്ണായ ജീവിതം നയിച്ചു പോരുന്നതിനിടയില്‍ അവരുടെ ദുബൈയിലെ ബിസിനസ് തകര്‍ന്നു. അത് ആ വീട്ടില്‍ വലിയ മൂകത സൃഷ്ടിച്ചു. കാരണം കോടികളുടെ സാമ്പത്തിക കടബാധ്യത അവര്‍ക്കുണ്ട്. മനഃസമാധാനം ഇല്ലാതെയായി. സൂപ്പര്‍മാര്‍ക്കറ്റില്‍നിന്ന് മാറി ചിന്തിച്ച് തുടങ്ങിയ ബിസിനസ് തകര്‍ന്നു. അതിന് സൂപ്പര്‍ മാര്‍ക്കറ്റ് പണയം വെച്ച് യുഎഇയിലെ ബാങ്കില്‍ നിന്ന് ലോണെടുത്ത പണം തിരിച്ചടയ്ക്കാന്‍ അവര്‍ക്ക് നിവര്‍ത്തിയില്ല. അടവ് പലതും തെറ്റിയിട്ടും അവര്‍ക്ക് അത് വീട്ടാന്‍ പറ്റിയില്ല. ഒടുവില്‍ ശശിധരനെയും മകന്‍ രാഗേഷിനെയും രഞ്ജിത്തിനെയും പോലീസ് അറസ്റ്റ് ചെയ്തു. സുഹൃത്തുക്കള്‍ മിക്കവരും കൈവിട്ടു. ശശിധരന്റെ സുഹൃത്തായിരുന്ന ഡോക്ടര്‍ ഗംഗാധരകുറിപ്പ് ആര്യയോടും മകളോടും നാട്ടിലേക്ക് പോവാന്‍ ആവശ്യപ്പെട്ടു. കാരണം രണ്ടാഴ്ചക്കുള്ളില്‍ താമസിക്കുന്ന ഫ്‌ളാറ്റ് ഒഴിഞ്ഞുകൊടുക്കണം. നാട്ടിലേക്ക് വരാന്‍ കയ്യില്‍ പണവുമില്ല. ആര്യയുടെ എല്ലാ സ്വര്‍ണ്ണവും വിറ്റു. കഴുത്തില്‍ കിടക്കുന്ന താലിയും കയ്യിലെ വളയും മാത്രമേ