Chapter Title : മേൽവിലാസം 1 [സിമോണ]

കൈ പിടിച്ച് പുറത്തേക്ക് നടക്കുമ്പോൾ എന്റെ ഉള്ളിലും എന്തൊക്കെയോ ആഹ്ലാദകരമായ വികാരങ്ങൾ ഉണർന്നുകൊണ്ടിരുന്നു...

ആദ്യത്തെ ഒറ്റ ദിവസം കൊണ്ട് തന്നെ വിചാരിക്കുന്നത് പോലെ അത്ര എളുപ്പമുള്ള പരിപാടിയല്ല ഈ ജോഗിങ്ങെന്ന് എനിക്ക് മനസ്സിലായി... തിരിച്ചുനടന്നുവരും വഴി എന്നോടൊപ്പം മെല്ലെ ഓടിക്കൊണ്ടിരുന്ന ഏട്ടൻ അതുംപറഞ്ഞെന്നെ കളിയാക്കിക്കൊണ്ടിരുന്നു... ദേഷ്യം വന്നപ്പോൾ ഏട്ടനോട് കെറുവിച്ച് മെയിൻ റോഡിൽ നിന്ന് വലത്തോട്ട് മാറി പുല്ലൊക്കെ നിറഞ്ഞ് കാടുപിടിച്ചുകിടന്നിരുന്ന ആളൊഴിഞ്ഞ പറമ്പിലൂടെ ഞാൻ അകത്തേക്ക് കയറി... ആ പുല്ലുകൾക്കിടയിലൂടെ കാണപ്പെട്ടിരുന്ന നടവഴി നേരെ കയറി എത്തുന്നത് ഏട്ടന്റെ വീടിന്റെ പിൻവശത്തുള്ള പറമ്പിലേക്കാണ്....

"ഹേ.... പോവല്ലേ മുത്തേ....."
മുഖംവീർപ്പിച്ചു കൊണ്ട് വേഗം നടന്ന എന്റെ പിറകെ ഏട്ടൻ ചിരിച്ചുകൊണ്ട് ഓടിയെത്തി... അപ്പോഴും മുഖം തിരിക്കാതിരുന്ന എന്നെ ഏട്ടൻ പിറകിലൂടെ കൈപിടിച്ചുനിർത്തി...
"അപ്പോഴേക്കും പിണങ്ങിയല്ലോ... അങ്ങനങ്ങ് ഓടിപ്പോയാലോ എന്റെ ചക്കര..."
ഏട്ടൻ എന്നെ അരികിലേക്ക് വലിച്ചടുപ്പിച്ച് കൈ ചുറ്റി ചേർത്ത്‌ പിടിച്ചു.

"എന്റെ തടി കുറയില്ല.. ചേട്ടൻ മാത്രേ ഇനി കളിയാക്കാൻ ബാക്കി ഉണ്ടായുള്ളൂ... ഇപ്പൊ ഏട്ടനും!!!!.."
വിതുമ്പിക്കൊണ്ട് അതുപറയുമ്പോൾ എന്റെ കണ്ണുകളിൽ നിന്ന് കവിളുകളിലൂടെ കണ്ണീർ ചാലുകൾ തീർത്തിരുന്നു...

"കരയല്ലേ മുത്തേ.... പ്ലീസ്....."
ചേട്ടൻ എന്റെ തുടുത്ത കവിൾത്തടങ്ങളിൽ നിന്ന് കണ്ണീർ തുടച്ച് ഇരുകൈകൾ കൊണ്ടും എന്റെ കവിളുകളിലമർത്തി മുഖം കോരിയെടുത്തു....
"ചേട്ടൻ എന്റെ മുത്തിനെ കളിയാക്കുവോ... ഞാൻ വെറുതെ പറഞ്ഞതല്ലേ... എന്റെ മുത്തിന് അതിനും മാത്രം തടി ഒന്നും ഇല്ലാട്ടോ.. എന്ന് മാത്രല്ല!!!!... "
അതും പറഞ്ഞ് ഏട്ടനെന്റെ ചെവിയോരം ചുണ്ടടുപ്പിച്ചു...
"ഏട്ടന് മുത്ത് ഇനിം തടിക്കുന്നതാ ഇഷ്ടം .."

ഞാൻ അത്ഭുതത്തോടെ ചേട്ടനെ