Chapter Title : മേരി മാഡവും ഞാനും - [അവസാന ഭാഗം]

എന്നെ പിടിച്ചെണീപ്പിച്ചു. അടുത്ത ഫ്ളൈറ്റിൽ നാട്ടിലേക്ക് അയച്ചു. വീട്ടിലെ വേദനിപ്പിക്കുന്ന രംഗങ്ങൾ എന്തിന് വർണ്ണിക്കണം? മരവിച്ച നിലയിൽ അച്ഛൻ. അതിനിടെ യു എസ്സിൽ നിന്നും വന്ന ചേട്ടനും കുടുംബവും, പിന്നെ സിഗപ്പൂര് കാരി ചേച്ചി.....ഇവരുടെ കുടുംബംഗങ്ങളുടെ അമർത്തിയ പൊങ്ങച്ചം.. ഇളയ, എങ്ങുമെത്താത്ത എന്നോടുള്ള പുച്ഛം. അമ്മയോടുള്ള അവരുടെയെല്ലാം അടുപ്പത്തിന്റെ വർണ്ണനകൾ. ഉള്ളു വിങ്ങി. ഇളയ മകനായ ഞാൻ കർമ്മങ്ങളെല്ലാം ചെയ്തു. മുംബൈയിലേക്ക് പോന്ന അന്ന് 'അമ്മ തന്ന ഉമ്മയുടെ മധുരം...ആ ഓർമ്മ.. മനസ്സിലിട്ടു നടന്നു. എല്ലാവർക്കും തിരക്ക്. പിന്നെ കുറച്ചു ദിവസങ്ങൾ കഴിഞ്ഞ് സഞ്ചയനം. അതു കഴിഞ്ഞ് ചേട്ടൻ സ്ഥലം വിട്ടു. ചേട്ടത്തിയമ്മ സ്വന്തം വീട്ടിലേക്കും. അച്ഛനെ ഒരു മാറ്റത്തിനു വേണ്ടി എന്ന പേരിൽ (വാസ്തവത്തിൽ കണ്ണ് സ്വത്തിലും) ചേച്ചി സിംഗപ്പൂരിലേക്ക് കൊണ്ടുപോവാനുള്ള ഒരുക്കത്തിലും. രാജു.. അച്ഛൻ എന്നെ ഓഫിസ് മുറിയിലേക്ക് വിളിച്ചു. വീട്ടിൽ അന്ന് ആരുമില്ലായിരുന്നു. അളിയൻ ചേച്ചിയേം പിള്ളേരേം കൊണ്ട് വീട്ടിലേക്ക് രണ്ട് ദിവസത്തിനു പോയിരുന്നു. വെച്ചു വിളമ്പാൻ ഒരു വകയിലെ അമ്മായി കിഴവിയെ ഏർപ്പാട് ചെയ്തിട്ട്. ഒരു വിസ്കി സോഡ ചേർത്ത് നീട്ടി. ഞാൻ ഒന്ന് ശങ്കിച്ചു. അച്ഛൻ ചിരിച്ചു. നീ ഇതു പിടിക്ക്. പിന്നെ ഒരു പെഗ് സ്വയം ഒഴിച്ചു. ചാരു കസേരയിൽ ഇരുന്നിട്ട് എന്നെ പിടിച്ച് അടുത്തിരുത്തി. ഞങ്ങൾ കൂട്ടുകാരെപ്പോലെ വർത്തമാനം പറയാതെ തന്നെ വിനിമയം നടത്തി സുഖമുള്ള നിശ്ശബ്ദതയിൽ മെല്ലെ മദ്യം അകത്താക്കി. അ ടുത്ത പെഗ്ഗുകൾ ഞാൻ ഒഴിച്ചു. ഇപ്പോൾ.. നിനക്കറിയാമോ എന്നറിയില്ല.... നിന്റെ അമ്മയ്ക്കും എനിക്കും ഏറ്റവും പ്രിയപ്പെട്ടവൻ നീ ആയിരുന്നു. നീ പോയിക്കഴിഞ്ഞ് ഞങ്ങൾക്ക് അതു മനസ്സിലായി. ഒരിക്കലും മറ്റു മക്കളെ പോലെ നിനക്ക് വലിയ ആവശ്യങ്ങൾ ഒന്നും തന്നെ ഇല്ല. നിന്നെപ്പറ്റി അവൾ എന്നും പറയുമായിരുന്നു. ആ...പോട്ടെ..അച്ഛൻ നിശ്വസിച്ചു. ഇനി ഞാൻ പറയാൻ പോകുന്ന കാര്യം നീ ശ്രദ്ധിച്ചു കേൾക്കണം. എനിക്ക് നിന്റെ ചേട്ടന്റെയും, ചേച്ചിയുടെയും മനസ്സിലിരിപ്പ് നന്നായി അറിയാം. അവരായി, അവരുടെ പാടായി. ഞാൻ ഇല്ലാതെ ആയാൽ നിന്നെ പറ്റി ആർക്കും ഒരു താൽപ്പര്യവും കാണില്ല. അതുകൊണ്ട് ഞാൻ ഒരു വിൽപ്പത്രം എഴുതി വക്കീലിനെ ഏല്പിച്ചിട്ടുണ്ട്. പിന്നെ നിന്റെ പേരിൽ നല്ല ഒരു സംഖ്യ ബാങ്കിലും. മറ്റുള്ള മക്കൾക്കെല്ലാം ആവശ്യത്തിനും അനാവശ്യത്തിനും വാരിക്കോരി കൊടുത്തിട്ടുണ്ട്. നിനക്ക് ഒരു ബുദ്ധിമുട്ടും ഉണ്ടാവാൻ പാടില്ല. ഈ പറഞ്ഞ കാര്യങ്ങൾ മനസ്സിൽ തന്നെ ഇരിക്കട്ടെ. പിന്നെ നിന്റെ ഇപ്പോഴത്തെ പണി