Chapter Title : മേഴ്‌സി ടീച്ചറും ഞാനും തമ്മിൽ 6 [നാൻസി കുര്യൻ]

ചായ കുടിച്ചിട്ട് ഞങ്ങൾ അവിടെയുള്ള ഫാമികളിലേക്ക് പോയി.

കാർ നിർത്തിയപ്പോൾ തന്നെ ഒന്ന് രണ്ട് പേര് അടുത്ത് വന്നു.

"സ്ട്രോബെറി ഫാം ഉണ്ട് സാർ. കാണുന്നത് ഫ്രീ വാങ്ങിയാൽ മാത്രം ക്യാഷ് മതി."

ഞാൻ ചിരിച്ചു കൊണ്ട് അതൊഴിവാക്കി. എന്റെ പ്രായം തോന്നിക്കുന്ന ഒരു പയ്യൻ വന്നിട്ട് പറഞ്ഞു.

"ടെന്റ് ഹൌസ് വേണോ സർ"

"എവിടെയാ"

"ദാ അവിടെയായി"

പാടങ്ങൾക്കപ്പുറത്ത് മലകൾക്ക് താഴെയായി അവൻ കൈ ചൂണ്ടി കാണിച്ചു. കാണാത്തമഞ്ഞു മൂടി കിടന്നതിനാൽ കാഴ്ച വ്യക്തമല്ല.

ടീച്ചർ സീറ്റിൽ കണ്ണടച്ച് കിടക്കുകയായിരുന്നു. അത് കണ്ട് എനിക്ക് അപ്പോളൊരു ബുദ്ധി തോന്നി.

"നല്ല ക്ഷീണം ഉണ്ട് രാത്രിയിൽ ഇറങ്ങിയതാ. രണ്ട് മൂന്ന് മണിക്കൂർ ഒന്ന് ഉറങ്ങാൻ മാത്രം കിട്ടുമോ. അമ്മക്കാണെങ്കിൽ തലവേദന ഉറങ്ങിയാൽ മാറും"

ഞാൻ ടീച്ചറിനെ നോക്കി.

അവൻ വിചാരിച്ചു ടീച്ചർ എന്റെ അമ്മയാണെന്ന്. അതിന് വേണ്ടിയാണ് ഞാൻ അങ്ങനെ പറഞ്ഞതും.

"രണ്ട് മൂന്ന് മണിക്കൂർ ആണെങ്കിലും കുഴപ്പമില്ല സാർ വന്നോളു"

അവർ പറഞ്ഞ സ്ഥലത്ത് ഞാൻ കാറോതുക്കി.

സ്ട്രോബെറിയും ക്യാബേജും കൃഷി ചെയ്തിരിക്കുന്ന പടത്തിന്റെ നടുവിലോടെ ഞങ്ങൾ നടന്നു.

പാടത്തിനോടു ചേർന്ന് വലിയ മലയുടെ അടിവാരത്തായിരുന്നു ടെന്റ്. നല്ല വലുപ്പമുള്ള നാല് ടെൻറ്റുകൾ. ചുറ്റിനും കമ്പ് കൊണ്ടുള്ള വേലിയൊക്കെ കെട്ടി സുരക്ഷിതമാക്കിയിരിക്കുന്നു.

ആദ്യ ടെൻറ്റിൽ ഞങ്ങൾക്കായി സൗകര്യം ഒരുക്കി തന്നിട്ട് മൂന്ന് മണികൂർ കഴിഞ്ഞു വരാമെന്ന് പറഞ്ഞു ആ പയ്യൻ പോയി.

നല്ല വൃത്തിയുള്ള ക്രമീകരണങ്ങൾ ആയിരുന്നു അകത്തു. രണ്ട് പേർക്കും കിടക്കാവുന്ന കട്ടിലൊക്കെ ക്രമീകരിച്ചിരുന്നു. മഞ്ഞിൽ മുങ്ങി നിന്നതിനാൽ നല്ല തണുപ്പായിരുന്നു. ഞാൻ വെളിയിലേക്കിറങ്ങി