Chapter Title : മേഴ്‌സി ടീച്ചറും ഞാനും തമ്മിൽ [നാൻസി കുര്യൻ]

ഒക്കെ എടുത്തിരുന്നു. പുതിയ കാറിൽ നല്ല രസമുള്ള യാത്ര തന്നെ ആയിരുന്നു. ഞാനും ടീച്ചറും പരസ്പരം തമാശകളും മറ്റും പറഞ്ഞു കൂടുതൽ അടുപ്പമായി. കോട്ടയത്തെ ഒരു ഗ്രാമ പ്രദേശത്തേക്കായിരുന്നു യാത്ര ഏകദേശം രണ്ട് മണിക്കൂർ സമയം. ഇടക്ക് ഒന്ന് രണ്ട് സ്ഥലങ്ങളിൽ നിർത്തി അവിടെ ചെറിയ വെള്ളച്ചാട്ടങ്ങൾ ഉൾപ്പെടെയുള്ള കാഴ്ചകളൊക്ക കണ്ട് ഹോട്ടലിൽ കയറി ആഹാരമൊക്ക കഴിചാണ് ഞങ്ങൾ പോയത് അത് കൊണ്ട് തന്നെ മൂന്ന് മണിക്കൂറിലെറെയെടുത്തു കല്യാണവീട്ടിലെത്താൻ. പക്ഷെ ടീച്ചറും ഞാനും ആ യാത്ര വളരെയധികം ആസ്വദിച്ചു. അവിടെ ചെന്നപ്പോൾ പഴയ കാലത്തെ എന്നാൽ കാലത്തിനനുസരിച് മാറ്റങ്ങൾ വരുത്തിയ വലിയ വീട്. പണം ഉള്ളതിന്റെ അഹങ്കാരം അതിൽ ശരിക്കും കാണിച്ചിട്ടുണ്ട്.

വലിയ മുറ്റം ഗാർഡൻ തുടങ്ങിയ എല്ലാ സൗകര്യങ്ങളും. ബന്ധുക്കളിൽ ചിലരൊക്കെ നേരത്തെ എത്തിയിരിക്കുന്നു. ബാക്കിയുള്ളവർ എത്തിക്കൊണ്ടിരിക്കുന്നു. ഞങ്ങൾ ചെന്നപ്പോൾ തന്നെ കൊച്ചു കുട്ടികളെല്ലാം ഉൾപ്പെടെ ഒരു അൻപതു
പേരെങ്കിലും ഉണ്ടായിരുന്നെന്നു തോന്നുന്നു അവിടെ. ടീച്ചറും അവരോടൊത്തു ചേർന്നു. അമേരിക്കയിൽ നിന്ന് വന്നവരും ഗൾഫിൽ നിന്ന് വന്നവരുമൊക്കെയായി ഒരു കുടുംബ സംഗമം തന്നെ. എല്ലാവരും ഒരുമിച്ചു ചേരുന്നതിന്റെ സന്തോഷവും ബഹളവും അവിടെയുണ്ടായിരുന്നു. എന്നെ ബന്ധു എന്ന നിലയിൽ ആണ് ടീച്ചർ പരിചയപ്പെടുത്തിയത് പിന്നെ ടീച്ചറിന്റെ സ്റ്റുഡന്റ്റും ആണെന്ന് പറഞ്ഞതോടെ ഞാനും അവരിൽ ഒരാളായി.

ഓരോരുത്തർക്കും അവിടെ മുറികളൊക്കെ ക്രമീകരിച്ചിട്ടുണ്ടായിരുന്നു. കുടുംബ വീട് കഴിഞ്ഞു റോഡിൽ കൂടി മുന്നോട്ട് പോകുമ്പോൾ നൂറു മീറ്റർ ഉള്ളിൽ വലിയ രണ്ടു പുതിയ വീടുകൾ കൂടി ഉണ്ടായിരുന്നു. അമേരിക്കയിലുള്ള മക്കൾ പണികഴിപ്പിച്ചതെന്ന് പിന്നീട് അറിഞ്ഞു. അതിൽ ആദ്യ വീട്ടിൽ രണ്ടാം നിലയിലുള്ള