Chapter Title : മിനുസമുള്ള നാല് കാലുകൾ [രാജി]

അറിഞ്ഞിട്ട്  ഒന്ന് പോകാൻ  നേരം ഒത്തില്ല....അപ്പഴാ ബ്യൂട്ടി പാർലർ ?"

ലേശം  ചൊടിച്ച് ബിൻസി  പറഞ്ഞു

" പെണ്ണേ...നിനക്ക് ആള്  തെറ്റിയതാവും..."

ബിൻസി തുടർന്നു

"നിന്റെ കൂട്ട്  ബാക്കും  ചന്തിയും... മാത്യുച്ചായന്റെ  ബൈക്കിൽ നിന്നിറങ്ങി  പാർലറിലേക്ക് നടന്ന്  പോയത് അത് വഴി  ബസ്സിൽ പോയ  ഞാൻ  മിന്നായം  പോലെ  കണ്ടു... ങാ..."

ജെസ്സി പറഞ്ഞു നിർത്തി...

അത്രയും ആയപ്പോൾ  പറയണ്ടായിരുന്നു  എന്ന്  ജെസ്സിക്ക് തോന്നി

" മാത്യുച്ചായന്റെ  ബൈക്ക്  ഏതെന്ന്  നീ അറിയുവോ...നിനക്ക് തെറ്റിയതാവാം..."

ബിൻസി പറഞ്ഞു

ഇനിയിപ്പം  കാര്യം പറഞ്ഞില്ലെങ്കിലും പറഞ്ഞാലും  വിഷമാവസ്ഥയിൽ  ആണെന്ന് ജെസ്സിക്ക്  മനസ്സിലായി.... സത്യം പറയുന്നതാണ്  ഭംഗിയെന്ന്  ജെസ്സി തീരുമാനിച്ചു

" ങ്ങാ... നീയല്ലെങ്കിൽ... എനിക്ക്  തോന്നിയ താരിക്കും.."

നിസ്സാരവല്ക്കരിക്കാൻ ജെസ്സി ഒരു വിഫലശ്രമം നടത്തി

" അതിന്  മാത്യുച്ചായന്റെ വണ്ടിയെന്ന് എങ്ങനെ  മനസ്സിലായി.....?"

ഉള്ളിലെ  ഉൽക്കണ്ഠ  കാരണം  ബിൻസി  ചോദിച്ചു

"KL07.. 8818 ബുള്ളറ്റ്.."

ജെസ്സി പറഞ്ഞപ്പോൾ  ഒരു പൊട്ടിച്ചിരിയോടെ ബിൻസി ഫോൺ  കട്ട്  ചെയ്തു...

അധികം  വൈകാതെ  ഒരു  ഓട്ടോയിൽ  ബിൻസി അടുത്തുള്ള  ബ്യൂട്ടി പാർലറിൽ  പോയി  ഐബ്രോസ് ത്രെഡ്  ചെയ്ത് ഷേപ്പ് വരുത്തി.... ജെസ്സിയെ  ഒന്ന്  പറ്റിക്കാൻ...

കൂട്ടത്തിൽ ഭർത്താവിനെ  അന്യസ്ത്രീയുടെ  മുന്നിൽ വെളുപ്പിക്കാൻ  കൂടി ഒരു  ശ്രമം....

xxxxxxxxxx

മാത്യുവിന്റെയും  ബിൻസിയുടെയും  ദാമ്പത്യത്തിൽ വിള്ളൽ  വീണു കഴിഞ്ഞു

ബൈക്കിന് പുറകിൽ  മുട്ടിയുരുമ്മി  പരസ്യമായി പോകാൻ മാത്രം അടുപ്പമുള്ള  പെണ്ണ് ഏതെന്ന്  ബിൻസിയുടെ  ചോദ്യത്തിന്  തക്ക  മറുപടി നല്കാൻ മാത്യുവിന്  കഴിഞ്ഞില്ല...

ജോലി കഴിഞ്ഞ്  വന്നാൽ എന്നും വഴക്കും  മർദ്ദനവും  ആയി...

ദാമ്പത്യം  നരകതുല്യമായി... വീട്ടിലെ  അന്തരീക്ഷം