Chapter Title : മോള് ഒറങ്ങിയോ [സത്യ]

ഗൗരി അയാളെ പാളി നോക്കി..

കൃത്യം അയാളുടെ നോട്ടവും ഒരേ പോയിന്റില്‍... ഗൗരിയില്‍ തന്നെ ആയി...

33 വയസ്സിലും നിലയ്ക്കാത്ത ജീവിത സഖിക്ക് വേണ്ടിയുള്ള അന്വേഷണം... തന്റെ സങ്കല്പ റാണി തന്റെ മുന്നില്‍ എത്തി നില്‍ക്കുന്ന പോലെ പീറ്ററിന് തോന്നി

സ്‌കൂളിലും പുറത്തും ഒട്ടേറെ ചെറുപ്പക്കാരെ കണ്ടിട്ടുണ്ട് എങ്കിലും അന്നൊന്നും തോന്നാത്ത എന്തോ ഒരു ഇത്... ഒരു വല്ലാത്ത വികാരം... ഇന്ന് വരെ ചിന്തിച്ചിട്ടില്ല എങ്കിലും തന്റെ പ്രാണനാഥന്‍ കാത്ത് നില്ക്കുന്ന പോലെ ഗൗരിക്ക് ഒരു തോന്നല്‍...

കോഫി കഴിക്കാന്‍ ' ഇരുകൂട്ടരും വേണ്ടതിലും ഏറെ സമയം എടുത്തു...

കൂട്ടുകാരികള്‍ കാണാതെ ' ചുള്ളനെ ' കണ്ണില്‍ നിന്നും മറയുവോളം ഗൗരി കൊതി തീരെ നോക്കി നിന്നു...

അടുത്ത ദിവസവും ഒരു പരീക്ഷണം പോലെ കൃത്യ സമയത്ത് കോഫി കഴിക്കാന്‍ ഇരുവരും അവിടെ എത്തിയിരുന്നു...

' കോഫി കുടി ' ആവര്‍ത്തിച്ചു കൊണ്ടിരുന്നു...

ഇടയ്ക്ക് എപ്പഴോ അവര്‍ പുഞ്ചിരി കൈമാറി...

ഒരു ദിവസം..

ആദ്യം ഇറങ്ങിയെങ്കിലും പീറ്റര്‍ വെളിയില്‍ ചുറ്റിപ്പറ്റി നിന്നു..

' തോഴിമാരൊത്ത് ' ഇറങ്ങിയപ്പോള്‍ പുറത്ത് ' ഒരാള്‍ ' കാത്ത് നിന്നത് കണ്ട് ഗൗരി പറഞ്ഞു,

' നിങ്ങള്‍ നടന്നോളു... ഞാന്‍ വന്നേക്കാം..!'

അവര്‍ കള്ളച്ചിരിയോടെ ഗൗരിയുടയും ചെറുപ്പക്കാരന്റേയും മുഖത്ത് മാറി മാറി നോക്കി നടന്ന് പോയി..

' എന്താ പേര്..?'

പീറ്റര്‍ ചോദിച്ചു

' ഗൗരി...'

തലകുനിച്ച് നാണത്തോടെ ഗൗരി പറഞ്ഞു

ഗൗരി മെല്ലെ മിഴികള്‍ ഉയര്‍ത്തി നെല്ലിട നേരം പീറ്ററിനെ നോക്കി

' എന്റെ യോ...? പീറ്റര്‍..'

പീറ്റര്‍ എന്ന്