മോനാച്ചന്റെ കാമ ദേവതകൾ 8

Monachante Kaamadevathakal Part 8 | Author : Shikkari Shambhu

[ Previous Part ] [ www.kambistories.com ]

പതിവിലും വൈകിയെത്തിയ ഈ അക്ഷരപിശകുകൾ സമയം കിട്ടിയാൽ വായിക്കണം എന്നഭ്യർത്ഥിച്ചുകൊണ്ട് നിർത്തിയിടത്തു നിന്ന് തുടങ്ങട്ടെ ❤️❤️❤️

പാതിരാ മുല്ലയുടെ ഗന്ധവും പേറിവന്ന തണുത്ത കാറ്റ് ജനലിലൂടെ അരിച്ചു കയറി ആലിസിനെ കുളിരണിയിച്ചു. അവൾ കിടന്നുകൊണ്ട് ആ ജനലിലൂടെ പുറത്തേക്കു നോക്കി. മഞ്ഞു മൂടിയ അന്തരീക്ഷത്തിൽ നിലാവിന്റെ ഒളിവെട്ടം പ്രകാശം പരത്തുന്നു.

അവൾ തല ചെരിച്ചു നോക്കി മേരി നല്ല ഉറക്കമാണ്. ആലിസിനു ഉറക്കം വരുന്നില്ലായിരുന്നു. എന്തോ ധൈര്യത്തിൽ അവൾ മോനാച്ചനെ നാളെ ഇങ്ങോട്ട് ക്ഷണിച്ചിരിക്കുന്നു.അവൻ നാളെ വരുമോ??? അവൾ ആലോചിച്ചു…. ഇനി വന്നാൽ ??? എന്തു സംഭവിക്കും, എന്തിനാ ഞാനവനെ വിളിച്ചത് ???

ഉത്തരമില്ലാതെ അവൾ പുറത്തേക്കു നോക്കി കിടന്നു.

മനസ്സിൽ വല്ലാത്ത വികാരങ്ങൾ ഒരുണ്ട് കൂടിയപ്പോൾ സഹിക്കാനാവാതെ എഴുതിയതാണ് ആ കത്തവൾ. പലവട്ടം എഴുതിയിട്ടും കീറി കളഞ്ഞിരുന്നു. മനസുമായുള്ള പിടിവലിയിൽ അവസാനമാണ് അവളാ കത്തെഴുതി കൊടുക്കുവാൻ തീരുമാനിച്ചത്. സ്കൂളിലോ കോളേജിലോ പഠിക്കുമ്പോൾ ഒരിക്കലും അവൾക്കോരാണിനോടും പ്രേമമോ കാമമോ തോന്നിയിട്ടില്ല. സ്കൂളിൽ പഠിക്കുമ്പോൾ അവറാൻ മുതലാളിയുടെ മകളാണെന്ന ഭയത്തിൽ ഒരിക്കലും ഒരാളും തന്റെ നേരെ നോക്കാറുപോലുമില്ല എന്നവൾ ഓർത്തു.

പക്ഷെ കോളേജിൽ പലരുടെയും പ്രണയാഭ്യർത്ഥനകൾ ഉണ്ടായിട്ടുണ്ട്. എന്തിന് മലയാളം മാഷ് പോലും പ്രണയാതുരയോടെ സമീപിച്ചതും പ്രണയം നിറഞ്ഞ കഥകൾ വായിക്കാൻ തന്നപ്പോളും അയാളിലെ പ്രണയം അവൾ തിരിച്ചറിഞ്ഞിരുന്നു. അവളതിനെയെല്ലാം തുടക്കത്തിലേ പിഴുതെറിഞ്ഞിരുന്നു. കോളേജിലെ സ്ഥിരം വായിനോക്കികളായ ചെറുക്കന്മാരുടെ ചൂഴ്ന്നു