🤾മോനൂട്ടൻ്റെ സ്വന്തം ടീച്ചർ🧕

Monuttante Swantham Teacher | Author : Chikku

മകനെ തമ്പുരാട്ടിക്ക് കാഴ്ച്ച വെച്ച അമ്മ എൻ്റെ കഥക്ക് ശേഷം , ഒറ്റ ഇരിപ്പിൽ വായിച്ച് തീർക്കാവുന്ന ഒരു കഥ നിങ്ങൾക്കായി ഇതാ സമർപ്പിക്കുന്നു .

വർഷങ്ങൾക്ക് മുന്നെ പത്തനംതിട്ട ജില്ലയിലെ ഒരു ഉൾഗ്രാമത്തിലുണ്ടായ ഉരുൾപ്പൊട്ടലിൽ അച്ചനും അമ്മയും നഷ്ടപ്പെട്ടതാണ് ജോമോൻ എന്ന മോനൂട്ടന് .

അവൻ്റെ അപ്പയായ മോനിച്ചനും അമ്മ റീത്തക്കും എക സന്തതിയായിരുന്നു മോനൂട്ടൻ . തെങ്ങുകയറ്റക്കാരനായിരുന്ന മോനിച്ചൻ്റെ കുടുംബം വളരെ സന്തോഷത്തോടെ ജീവിതം തള്ളിനീക്കി മുന്നോട്ട് പോയിക്കൊണ്ടിരുന്നപ്പോഴാണ് ഒരു മഴക്കാല മാസം ഉരുൾപൊട്ടൽ എന്ന വില്ലൻ അവരുടെ ജീവിതം തകർത്തെറിഞ്ഞത് .

മോനൂട്ടൻ അന്ന് വീടിനടുത്തുള്ള പള്ളിവക സ്കൂളിൽ എട്ടാംക്ലാസിൽ പഠിക്കുകയായിരുന്നു . എന്തോ ഭാഗ്യത്തിന് അവൻ അന്ന് തൻ്റെ അമ്മയുടെ വീട്ടിൽ നിൽക്കാൻ പോയത് കൊണ്ട് ആ മഹാ ദുരന്തത്തിൽ നിന്നും അവൻ മാത്രം രക്ഷപ്പെട്ടു .

അവൻ്റെ വീടിനടുത്തു നിന്നും ആറ് കിലോമീറ്റർ അകലെ അവൻ പഠിക്കുന്ന സ്കൂളിന് അടുത്തായിരുന്നു അവൻ്റെ അമ്മ റീത്തയുടെ വീട് . ദുരന്തം ആ ഭാഗത്ത് ചലനം സൃഷ്ടിക്കാത്തത് കൊണ്ട് അവനും റീത്തയുടെ അമ്മയും അപ്പച്ചനും അതിൽ നിന്നും ഭാഗ്യം കൊണ്ട് രക്ഷപ്പെട്ടു .

എല്ലാം നഷ്ടപ്പെട്ട മോനുവിനെ റീത്തയുടെ അമ്മ അന്നക്കുട്ടിയും അപ്പച്ചൻ പൗലോസുമാണ് പിന്നീടങ്ങോട്ട് വളർത്തിയത് . തൻ്റെ പതിമൂന്നാം വയസിൽ ജീവിതത്തിൽ നേരിട്ട വലിയ ദുരന്തം അവനെ ആകെ അടിമുടി മാറ്റിമറിച്ചിരുന്നു . പഠിക്കാൻ മിടുക്കനായിരുന്ന ജോമോൻ പിന്നീടങ്ങോട്ട് പഠിത്തത്തിൽ ഉഴപ്പാൻ തുടങ്ങി . പള്ളിവക സ്കൂളിലെ സിസ്റ്റർമാരുടെ തല്ല് ഭയന്ന് ഒരു പ്രകാരം അവൻ പത്താം ക്ലാസ് കടന്നു. ശേഷം അവൻ +2 കഷ്ടിച്ച് പാസാവുകയും പിന്നീട് പഠിത്തം നിർത്തുകയും ചെയ്തു .

അവൻ പഠിത്തം നിർത്താൻ തക്കതായ കാരണം മറ്റൊന്നായിരുന്നു . എട്ടാം ക്ലാസിൽ പഠിക്കുന്ന സമയത്ത് തൻ്റെ ജീവിതത്തിൽ നേരിട്ട ആ മഹാ ദുരന്തത്തെ പറ്റിയും തൻ്റെ അമ്മയേയും അച്ചനേയും കുറിച്ചുള്ള ഓർമകളെ പറ്റിയും ഊണിലും ഉറക്കത്തിലും ചിന്തിച്ച് ചിന്തിച്ച് ഹോർമോൺ വ്യതിയാനങ്ങൾ സംഭവിച്ച് വളർച്ച മുരടിച്ചുപോകുന്ന ഒരു പ്രത്യേക തരം അസുഖം അവൻ്റെ ശരീരത്തെ അടിമുടി മാറ്റിമറിച്ചിരുന്നു .

+ 2 വിന് അവൻ്റെ ക്ലാസിൽ കൂടെ പഠിച്ചിരുന്ന മിക്ക ആൺ കുട്ടികൾക്കും താടിയും മീശയും ഉയരവും വെച്ചു . പെൺകുട്ടികൾക്ക് പോലും മോനുവിനേക്കാൾ ഉയരമുണ്ട് . ക്ലാസിലെ ഏറ്റവും ചെറിയവൻ എന്ന മറ്റുള്ളവരുടെ പരിഹാസം സഹിക്കവയ്യാതെയാണ് അവൻ പഠിത്തം അവസാനിപ്പിച്ചത് .

തൻ്റെ പ്രായത്തിലുള്ള ആൺകുട്ടികൾ കൈലിയും ഷർട്ടുമിട്ട് സൈക്കിളിൽ ചെത്തി നടക്കുമ്പോൾ ഷർട്ടിടാതെ മുട്ടിന് മുകളിൽ നിൽക്കുന്ന നിക്കറുമിട്ട് മോനു തോട്ടിലെ വെള്ളത്തിൽ പരൽ മീനിനെ പിടിച്ച് കളിച്ച് നടന്നു . കുറച്ച് വർഷങ്ങൾ കഴിഞ്ഞ് അവന് ഇരുപത് വയസായിട്ടുകൂടിയും അതിൽ നിന്ന് യാതൊരു വിത്യാസവും അവന് വന്നതേയില്ലായിരുന്നു .

മാത്രമല്ല പൈനാപ്പിൾ തോട്ടത്തിൽ കയറി പൈനാപ്പിൾ കട്ട് പറിക്കുക , വെള്ളരിക്കണ്ടത്തിൽ കയറി മുള്ളൻ വെള്ളരിക്ക