Chapter Title : 🤾മോനൂട്ടൻ്റെ സ്വന്തം ടീച്ചർ🧕 [ചിക്കു]

" ജോമോൻ ഇന്ന് പതിവിലും നേരത്തെയാണല്ലോ ജോമോനെ ...
എന്ന് മോനുവിനെ കണ്ടതും റബേക്ക മദർ ചിരിച്ച മുഖത്തോടെ അവനോട് തിരക്കി .

അവൻ അവരെ നോക്കി ഒന്ന് പുഞ്ചിരിക്കുക മാത്രം ചെയ്തു കൊണ്ട് സിസ്റ്റർ അനിത വരുന്നതും കാത്ത് ഓഫീസ് റൂമിന് മുന്നിൽ തന്നെ നിന്നു .

ആ ജോമോനെ ! നിന്നോട് ഒരു കാര്യം പറയാനുണ്ട് എന്ന് മദർ അവൻ്റെ അരികത്ത് ചെന്ന് നിന്ന് അവൻ്റെ തോളിൽ പിടിച്ചു കൊണ്ട് അവനോട് പറഞ്ഞു .

എന്താ മദറെ"
എന്ന് അൽപം പേടിയോടെ അവൻ മദറിനോട് തിരക്കി .

സിസ്റ്റർ അനിത ഇന്നലെ രാത്രി വേറെ മഠത്തിലെ സിസ്റ്റർമാരുടെ കൂടെ നാഗാലാൻ്റിലേക്ക് പോയി . അവിടെ ഒരാഴ്ച്ച കഴിഞ്ഞ് സ്കൂൾ തുറക്കുകയാണ് . സിസ്റ്റർ അനിതയെ അവിടത്തെ സ്കൂളിൽ പോസ്റ്റ് ചെയ്യാനാണ് സഭ തീരുമാനിച്ചത് . ഈ മഠത്തിൽ നിന്നും സിസ്റ്ററിൻ്റെ കൂടെ അർപണ എന്ന സിസ്റ്ററും വേറെ ഒരു സിസ്റ്ററും കൂടി ഉണ്ട് .

അത് കേട്ടതും മോനുവിൻ്റെ കണ്ണുകൾ നിറഞ്ഞൊഴുകി . അവന് വിഷമവും പിരിമുറുക്കവും കാരണം തല ചുറ്റുന്ന പോലെ തോന്നി .

"അയ്യേ ജോമോൻ എന്തിനാ അതിന് കരയുന്നത് . "
ഞാൻ അച്ചനോട് സംസാരിച്ച് ജോമോനെ മഠത്തിൻ്റെ ചിലവിൽ ടൗണിലെ ഡ്രൈവിങ്ങ് സ്കൂളിൽ വിട്ട് ഡ്രൈവിങ്ങ് പഠിപ്പിക്കാം . അതോർത്ത് ജോമോൻ വിഷമിക്കണ്ട കേട്ടോ ...
എന്ന് അവൻ്റെ കരച്ചിൽ കണ്ട മദർ അവനെ തൻ്റെ വീർത്ത അരക്കെട്ടിലേക്ക് ചേർത്ത് പിടിച്ചു കൊണ്ട് അവനെ ആശ്വസിപ്പിച്ചു .

മദറിൻ്റെ