Chapter Title : 🤾മോനൂട്ടൻ്റെ സ്വന്തം ടീച്ചർ🧕 [ചിക്കു]

ഉച്ചക്ക് പന്ത്രണ്ട് മണിയോടെ കള്ളനെ പിടിക്കാൻ വർക്കിച്ചൻ മുതലാളിയും അയാളുടെ ഒരു പണിക്കാരനും പൈനാപ്പിൾ തോട്ടത്തിൽ പതുങ്ങിയിരുന്നു . നോക്കുമ്പോൾ ദാ വരുന്നു കുട്ടി നിക്കറും ബനിയനുമിട്ട് ലുട്ടാപ്പി കണക്കിന് പൊക്കം കുറഞ്ഞ മോനു . മോനു വന്ന് ഒരു പൈനാപ്പിൾ പിരിച്ച് പറിച്ചതും വർക്കിച്ചനും പണിക്കാരനും കയ്യോടെ അവനെ പിടികൂടി . മോനുവിനെ അറിയാത്തവരായി ആ നാട്ടിൽ ആരും തന്നെ ഉണ്ടായിരുന്നില്ല . പ്രത്യേകിച്ച് വർക്കിച്ചൻ . കഴിഞ്ഞ തവണ കപ്പ കട്ട് പറിച്ചതിന് വർക്കിച്ചൻ ഒരു ചുവട് കപ്പയും കൊടുത്ത് ഉപദേശിച്ച് വിട്ട മൊതലാ ഇപ്പോൾ ദാ പൈനാപ്പിളും കട്ട് പറിച്ച് തൻ്റെ മുന്നിൽ തൊണ്ടി സഹിതം നിൽക്കുന്നത് .

വർക്കിച്ചൻ ഒട്ടും മടിക്കാതെ തൊണ്ടി സഹിതം മോനൂട്ടനെ അവൻ്റെ വീട്ടിലേക്ക് കൊണ്ടുപോയി കാര്യം അവതരിപ്പിച്ചു . അത് കേൾക്കേണ്ട താമസം അരിശം പൂണ്ട അന്നക്കുട്ടി കിട്ടുന്ന വടികളെല്ലാം എവിടുന്നോ പെറുക്കി എടുത്ത് അവനെ പൊതിരെ തല്ലി . ഒരു വടി ഒടിയുമ്പോൾ അടുത്തത് തപ്പിപ്പിടിച്ചെടുത്ത് അച്ചാലും മുച്ചാലും അവർ മോനുവിനെ തല്ലി പതം വരുത്തി . വർക്കിച്ചനും പൗലോ മാപ്ലയും അത് കണ്ടിട്ട് സഹിക്കാൻ കഴിയാതെ ഒരു പ്രകാരം അന്നക്കുട്ടിയെ പിടിച്ച് മാറ്റി .

മോനു വാവിട്ട് തല്ല് കൊണ്ട് ഇനി ഞാൻ ചെയ്യില്ല വല്യമ്മച്ചീ .. അപ്പച്ചാ എന്നെ തല്ലല്ലേന്ന് പറാപ്പച്ചാ എന്നും പറഞ്ഞ് ഉറക്കെ കരയാൻ തുടങ്ങി .

നിന്നെ ഞാൻ വെച്ചേക്കില്ലട... ഹും" മനുഷ്യനെ നാണം കെടുത്താൻ .. നിനക്കിവിടെ എന്തിൻ്റെ കുറവാട ഞങ്ങൾ വരുത്തുന്നത് ഹ്മ് ?