Chapter Title : 🤾മോനൂട്ടൻ്റെ സ്വന്തം ടീച്ചർ🧕 [ചിക്കു]

ഉം .

നടത്തത്തിനിടയിൽ പതിവ് പോലെ മോനുവിൻ്റെ ബാലിശമായ സ്വയം പയ്യാരം ചിന്തകൾ വീണ്ടും ആവർത്തിച്ചു . അവൻ മഠത്തിൻ്റെ റോഡിലൂടെ പുറത്തേക്ക് എത്താറായതും, മദർ തന്നെ പിന്നിൽ നിന്ന് വിളിക്കുന്നുണ്ടോ എന്ന ഒരു തോന്നൽ അവനനുഭവപ്പെട്ടു . പെട്ടെന്ന് പേടിച്ചവൻ തിരിഞ്ഞു നോക്കിയപ്പോൾ അതവൻ്റെ വെറും തോന്നൽ മാത്രമായിരുന്നു . അപ്പോഴാണ് മഠത്തിൻ്റെ കെട്ടിടത്തിൻ്റെ സൈഡിലെ ഒഴിഞ്ഞ ഒരു മൂലയിൽ തനിക്ക് കയ്യെത്തിച്ച് ചാടിയാൽ കിട്ടുന്ന വിധം ഒരു സപോട്ട തൈ അവൻ്റെ കണ്ണിൽ പെട്ടത് . തൈ കുറച്ച് ചെറുതാണെങ്കിലും അതിൽ മൂന്നാല് പഴുത്ത സപോട്ടകൾ തൂങ്ങി നിൽക്കുന്ന പോലെ അവന് തോന്നി .

അത് കണ്ടതും അത് വരെ താൻ അനുഭവിച്ച കാര്യങ്ങളും, താൻ കണ്ട മങ്ങിയ കാഴ്ച്ചകളും എല്ലാം ഒറ്റ നിമിഷം കൊണ്ട് അവൻ മറന്നു . സപ്പോട്ട ആ സമയത്ത് അധികം കിട്ടാനില്ലാത്തത് കൊണ്ട് എത്തി പറിക്കാവുന്ന രീതിയിൽ സപ്പോട്ട തൂങ്ങി നിൽക്കുന്നത് കണ്ടതും അവന് ഗ്രഹളി പിടിച്ച പിള്ളാര് ചക്കക്കൂട്ടാൻ കണ്ട അവസ്ഥയായി. മദറിനോടുള്ള പേടി വക വെക്കാതെ പമ്മിയും പരുങ്ങിയും പക്കാ കള്ളൻമാരെ പോലെ അവൻ ആ തൈ നിൽക്കുന്ന സൈഡിലേക്ക് നടന്നു .

തൈയുടെ ചുവട്ടിൽ ചെന്ന അവൻ മേലോട്ടു നോക്കിയപ്പോൾ നാലോ അഞ്ചോ സപ്പോട്ട പഴുത്ത് പാകമായി നിൽക്കുന്നത് അവൻ കണ്ടു . സപ്പോട്ട തൈക്ക് പ്രായം അൽപം ഉണ്ടെങ്കിലും തന്നെ പോലെ വളർച്ച മുരടിച്ച് പോയതാണെന്ന് അവൻ മനസിലോർത്തുകൊണ്ട് ചാട്ടം തുടങ്ങി .

തൊട്ട് താഴെ നിൽക്കുന്ന ഒരു സപ്പോട്ട രണ്ട് ചാട്ടത്തിൽ തന്നെ അവന് കിട്ടി . പക്ഷേ അവൻ്റെ ആർത്തി വീണ്ടും വീണ്ടും അടുത്തത് പറിക്കാനായി ചാടാൻ അവനെ പ്രേരിപ്പിച്ചു കൊണ്ടിരുന്നു . അവൻ ചാടിക്കൊണ്ട് നിന്നതും വെളുത്ത കളർ ളോഹയിട്ട ഒരു കൊച്ചു സിസ്റ്റർ ബക്കറ്റും അതിൽ തുണികളുമായി അവൻ്റെ ഓപ്പോസിറ്റ് വരുന്നതവൻ കണ്ടു . പേടിച്ച് പോയ മോനു വേഗം മരത്തിൻ്റെ സൈഡിലുള്ള രണ്ട് കെട്ടിടങ്ങളുടെ നടുവിലുള്ള ഇടവഴിയിലേക്ക് ഓടിക്കയറി .
ആ ഇട വഴിയിൽ രണ്ടു സൈഡുകളിലായി