Chapter Title : 🤾മോനൂട്ടൻ്റെ സ്വന്തം ടീച്ചർ🧕 [ചിക്കു]

.

ആഹ് ഈ അന്നമോള് എൻ്റെ ചെവി വലിച്ച് പറിക്കും ! ആളെ കണ്ടിട്ട് ചേട്ടാന്ന് വിളിക്കാനുള്ള ലുക്ക് തോന്നണ്ടെ ! ഞാൻ കരുതിയത് എട്ടിലോ ഒമ്പതിലോ പഠിക്കുന്ന കുട്ടിയാണെന്നാ ! ഇരുപത് വയസോ ദൈവമെ ''...

അവൾ മോനുവിനെ നോക്കി കുന്തം വിഴുങ്ങിയ പോലെ നിന്നതും നാണക്കേട് തോന്നിയ അവൻ നേരെ റൂമിലേക്ക് പോയി കട്ടിലിൽ കമിഴ്ന്ന് കിടന്നു . പതിനെട്ട് വയസ് മാത്രമുള്ള കൊച്ചു പെണ്ണ് വരെ തന്നെ കൊച്ചു കുട്ടിയായി കണ്ടതിൻ്റെ വിഷമം ആ ഇരുപത് കാരനെ വല്ലാതെ അസ്വസ്ഥനാക്കിയിരുന്നു .

എന്നും പതിവ് പോലെ രാവിലെ ഏഴ് മണിയോടെ ലാണു വല്യമ്മച്ചിയെ കാണാനുള്ള വരവ് സ്ഥിരമാക്കി . അവൾ വന്നാൽ എപ്പോഴും വല്യമ്മച്ചിയെ ഒട്ടിച്ചേർന്ന് അടുക്കള ഭാഗത്ത് തന്നെ നിൽക്കലായിരുന്നു പതിവ് .വല്യമ്മച്ചിക്ക് പ്രായം അൻപത്തി ഏഴായെങ്കിലും കണ്ടാൽ ഏകദേശം സിനിമ നടി ജോളി ചിറയത്തിൻ്റെ ലുക്കായിരുന്നു . വീട്ടിൽ പഴയ സാരിയും ഉടുത്ത് ഇടകലർന്ന നരയുള്ള മുടി പിറകിൽ ഉരുട്ടിക്കെട്ടി വെച്ച് അൽപം തടിച്ച വല്യമ്മച്ചി നടക്കുന്നത് കണ്ടാൽ പ്രായം അത്ര തോന്നിക്കത്തെയില്ലായിരുന്നു .

മോനുവിൻ്റെ വല്യപ്പച്ചനായ പൗലോമാപ്ല ടാപ്പിങ്ങ് കഴിഞ്ഞ് വരുന്ന സമയത്താണ് പിന്നെ ലാണു അന്നക്കുട്ടിയുടെ അടുത്തു നിന്നും പോകുമായിരുന്നുള്ളൂ . അവൾ പോകാൻ നേരം ജോമോൻചേട്ടാ ഞാൻ പോണൂട്ടോ എന്ന് മോനുവിനെ നോക്കി ചിരിച്ച് കൊണ്ട് യാത്ര പറയുന്നത് ഒരു പതിവായി മാറി .

അവളുടെ ആ തിളങ്ങുന്ന സുന്ദരമായ മുഖവും, പോണി ടെയിൽ രീതിയിൽ പിറകിലേക്ക് കെട്ടി വെച്ച ഇളം ചെമ്പൻ മുടിയും, ചിരിക്കുമ്പോൾ