Chapter Title : മുഹ്സിന 2 [ചങ്ക്]

അങ്ങോട്ട്‌ കൊണ്ട് പോകുവാനുള്ള തീരുമാനം..

അതും അടുത്തെങ്ങും നടക്കില്ല എന്നായിരുന്നു ഞാൻ കരുതിയത്.. പക്ഷെ അതിനും ഇക്ക ഒരു വഴി കണ്ടിരുന്നു.. നിന്നെ കൂടേ അങ്ങോട്ട്‌ കൊണ്ട് വരിക..

നീ ഉണ്ടാവുമെങ്കിൽ പിന്നെ പേടിക്കണ്ട ആവശ്യം ഇല്ലല്ലോ എന്ന് ഇക്കയും കരുതി കാണും… അവൾ അതും പറഞ്ഞു നിർത്തി.. കുറച്ചു നിമിഷങ്ങൾക് ശേഷം വീണ്ടും തുടർന്നു….

നിന്റെ ഇക്കയിൽ നിന്നും ഒരു ഉമ്മയാകുവാൻ എനിക്ക് സാധിക്കില്ല.. ഇനി അങ്ങനെ നടന്നാൽ തന്നെ അതൊരു മിറാക്കിൾ ആയിരിക്കും.. പക്ഷെ അതിന് പോലും. വർഷങ്ങൾ വേണ്ടി വരും….

എനിക്ക് കഴിയില്ല...അത്രയും കാലം ഈ പ്രെഷർ താങ്ങി ജീവിക്കാൻ.. ഒരു പക്ഷെ.. ഇതിനാലിതം ഞാൻ.. മുഹ്സിന ക് സംസാരിക്കാൻ കഴിയാതെ ഒരു നിമിഷം നിന്നു..

അവളുടെ വാക്കുകളിൽ വിറയൽ നിറയുന്നത് പോലെ.. എനിക്ക് മനസിലാവുന്നുണ്ട് അവൾ എന്താണ് പറഞ്ഞു വരുന്നതേന്ന്..

ഇനിയും ഈ ടോർച്ചർ തുടർന്നാൽ അവൾ ആത്മഹത്യ ചെയ്യുവാനോ.. അതെല്ലേൽ വിഷാദ രോഗത്തിന് അടിമ പെടുവാനോ സാധ്യതയുണ്ട്…

എന്നോട് എന്നും ചിരിച്ചു കളിച്ചു വർത്തമാനം പറയുന്ന ഇവളുടെ ഉള്ളിൽ ഇത്രത്തോളം ടെൻഷൻ ഉണ്ട് എന്നത് തന്നെ എന്റെ ആദ്യത്തെ അറിവായിരുന്നു.. ഞാൻ ഒരു നിമിഷം പടച്ചോനെ ഓർത്തു പോയി..

ചെയ്യുന്നത് തെറ്റാണെന്നു നല്ലത് പോലെ അറിയാം.. പക്ഷെ…

നിനക്കറിയുമോ അക്കു..നിന്റെ വീട്ടിൽ എന്തൊക്കെ യാണ് സംഭവിക്കുന്നത് എന്ന്…

നീ അറിയാറുണ്ടോ.. അവൾ എന്താണ് പറയുന്നതെന്ന് എനിക്ക് മനസിലാവുന്നില്ല…

എന്ത് സംഭവം… കാര്യം അറിയാത്തതു കൊണ്ട് തന്നെ അവളോട്‌ തന്നെ ഞാൻ തിരിച്ചു ചോദിച്ചു..

നീ എന്നല്ല ആരും അറിയാറില്ല.. ആരെയും ഞാൻ അറിയിക്കാറില്ല… എന്റെ ഇക്കയെ പോലും… നിന്റെ ഇക്കയോട് പറഞ്ഞിട്ടും കാര്യമില്ല…

എന്തേലും പറഞ്ഞാൽ തന്നെ പടച്ചോൻ തരുമ്പോൾ തരും ആ ഒരു ഉത്തരം മാത്രം കിട്ടും… എന്റെ ഉള്ളിലേ അടങ്ങാത്ത ആഗ്രഹം..

ഒരു പെണ്ണ് വിവാഹം കഴിച്ചാൽ പെട്ടന്നൊന്നും ഒരു കുഞ്ഞിനെ ആഗ്രഹിച്ചില്ലെന്ന് വരാം.. എന്നിരുന്നാലും.. കുഞ്ഞുങ്ങളുമായി, അവരെ കുളിപ്പിച്ചും നല്ല ഉടുപ്പിട്ടും.. ഭക്ഷണം ഊട്ടി കൊടുത്തും നിലത്തോ കട്ടിലിലോ വെക്കാതെ സ്വന്തം കയ്യിൽ ഒക്കത് വെച്ചു (