Chapter Title : മുൻ കാമുകി ടീന [പാലാക്കാരൻ]

മൂന്നു മൂന്നര ആകുമ്പോൾ തിരിച്ചു ഇവിടെ എത്തിക്കും ഇവർ..ഞാൻ അപ്പൊൾ ഉണ്ടാകില്ല, ഇന്നൊരു നൂലുകെട്ട്‌ ചടങ്ങുണ്ട്,അളിയന്റെ. പോയില്ലെങ്കിൽ പൊണ്ടാട്ടി കോപിക്കും.എന്തേലും ഉണ്ടെങ്കിൽ വിളിച്ചാൽ മതി."

അതും പറഞ്ഞു ബോട്ടിലെ രണ്ടു  ജീവനക്കാർക്കും ഞങ്ങളെ പരിചയപ്പെടുത്തി കൊടുത്ത് ഷാജു യാത്ര പറഞ്ഞു പിരിഞ്ഞു.

ടീന അമ്പരപ്പ് മാറാതെ നിന്നു.

"വാ പെണ്ണേ.." ഞാൻ അവളെയും കൂട്ടി ബോട്ടിലേക്ക് കയറി.

വലിയ ആഡംബര ബോട്ടാണ് ഷാജുവിന്റെ മാലതി. അവന്റെ അമ്മയുടെ പേരാണത്.

ഗൾഫിൽ ഞാൻ ജോലി ചെയ്യുന്ന കമ്പനിയുടെ കസ്റ്റമർ ആയിരുന്നു ഷാജു.

മുപ്പതു ദിവസം ക്രെഡിറ്റ് ഉണ്ടെങ്കിലും എന്റെ ഇടപെടലിൽ അത് നാൽപ്പതു മുതൽ അറുപത് ദിവസം വരെ ആക്കി ഞാൻ അവനെ സഹായിച്ചിരുന്നു.

ഗൾഫിലെ ബിസിനസ് എല്ലാം അവസാനിപ്പിച്ച ശേഷം നാട്ടിലെത്തിയ അവനിപ്പോൾ രണ്ടു ഹൗസ് ബോട്ട് ഉണ്ട്.

നാട്ടിൽ വരുമ്പോൾ ഭാര്യയെ കൂട്ടി വരാൻ പലപ്പോഴായി അവൻ വിളിക്കുന്നു.

എന്തായാലും അത് ഉപകാരമായി.

ജിൻസിയെ അവന് അറിയില്ല.ഫേസ് ബുക്ക് ഇല്ലാത്ത ഷാജു ടീനയെ തിരിച്ചറിയാൻ സാധ്യത ഇല്ല എന്നതുകൊണ്ടാണ്  ഞാൻ ഈ പ്ലാൻ തിരഞ്ഞെടുത്തത്.

അവന്റെ വിചാരം ടീന ഭാര്യ ആണെന്ന് തന്നെയാണ്.

ബോട്ട് മെല്ലെ ചലിച്ചു തുടങ്ങി.

ഞാൻ ടീനയുടെ തോളത്ത് കൂടി കൈ ഇട്ട് ചേർത്ത് പിടിച്ചു. അവളൊരു പൂച്ച കുഞ്ഞിനെപ്പോലെ കുറുകി എന്നോട് ചേർന്ന് നിന്നു.

"സാർ.."

വിളി കേട്ട് ഞങ്ങൾ തിരിഞ്ഞു. ബോട്ടിലെ കുക്ക്‌ ആണ്.

"ഉച്ചക്ക് കൃത്യം ഒരു മണിക്ക് ചോറാകും.കായലിൽ നിന്നും നല്ല ഫ്രഷ് മീൻ പിടിച്ചു വറുത്ത് തരാം.."

"അത് കൊള്ളാല്ലോ...കരിമീൻ കിട്ടുമോ ചേട്ടാ..."

ആദ്യ