Chapter Title : മുൻഭാര്യയുടെ ആദ്യ കസ്റ്റമർ [Minnow]

കണ്ണിൽ ചുവപ്പ് കയറി, അയാൾ അപ്പോൾ തന്നെ അവിടെ നിന്നിറങ്ങി ഭ്രാന്തമായി കുറേ നേരം ഡ്രൈവ് ചെയ്തു. പിന്നെ തിരിച്ചു വന്നപ്പോൾ അവൾ എന്തോ പറയാൻ ശ്രമിച്ചു. " നിനക്ക് ഞാൻ 5 മിനുറ്റ് തരും, കയ്യിൽ കിട്ടുന്നത് എന്തെന്ന് വച്ചാൽ എടുത്ത് ഇവിടുന്ന് ഇറങ്ങ്, അല്ലെങ്കിൽ നിന്നെ ഇവിടുന്ന് ജീവനില്ലാതെ കൊണ്ടുപോകേണ്ടി വരും" മഹി പറഞ്ഞു. പിന്നീട് അവളെ കാണുന്നത് കോടതിയിൽ വച്ചാണ്.

അന്ന് യാചനയോടെ മുഖത്തിന്‌ പകരം അവൾ മറ്റൊരു മുഖം പുറത്തെടുത്തു. അവൾക്ക് മറ്റൊരു ബന്ധം ഉണ്ടായിട്ടില്ല എന്ന് അവൾ പച്ചക്കള്ളം പറഞ്ഞു. അതിൽ കൂടുതൽ മഹിയെ ഞെട്ടിച്ചത്, മറ്റൊരുത്തന്റെ കൂടെ കണ്ടിട്ട് പോലും അവളുടെ ദേഹത്തു ഒന്ന് കൈ വെക്കാത്ത അയാൾക്ക് നേരെ അവൾ ഗാർഹികപീഡനം, ക്രൂരത എന്നിവയൊക്കെ ആരോപിച്ചപ്പോളാണ്.

സെറ്റിൽമെന്റ് ആയി അവൾ ആവശ്യപ്പെട്ടത് അവൻ ജീവിതകാലം സമ്പാദിച്ചതിന്റെ വലിയൊരു പങ്കാണ്. അന്നാണ് മഹി മറ്റൊരാളായത്. അവളെ എങ്ങനെയെങ്കിലും ഒഴിവാക്കി എല്ലാം മറക്കാം എന്ന് ചിന്തിച്ചു നിന്നയിടത്തു നിന്ന്, അവളോട് പ്രതികാരം ചെയ്യണം എന്ന ചിന്തയിലേക്ക് അത് അയാളെ എത്തിച്ചു.

ഏറ്റവും വില കൂടിയ ഡിവോഴ്സ് ലോയറെ തന്നെ അയാൾ വരുത്തി. അവളുടെ ജാരനെ തന്നെ കോടതിയിൽ തെളിവായി നിരത്തിയപ്പോൾ അവൾക്ക് അടിപതറി. കോടതിവിധി എന്തായിരുന്നാലും അവൾക്ക് ജീവിക്കാൻ ഭിക്ഷയായി അയാൾ കൊടുക്കാനിരുന്നതും അയാൾ പിൻവലിച്ചു.

അവൾ തെരുവിൽ ആകുമെന്ന ഉറപ്പോടെ ആണ് അയാൾ അന്ന് കോടതിയിൽ നിന്ന് ഇറങ്ങിയത്. അന്ന് എല്ലാം നഷ്ടപ്പെട്ട് കരഞ്ഞു കൊണ്ട് കോടതി വരാന്തയിൽ ഇരിക്കുന്ന അവളെയാണ് അയാൾ അവസാനമായി കണ്ടത്.

അവളെ ഡിഗ്രി വരെ അയാൾ പഠിപ്പിച്ചിട്ടുണ്ട്, ഒരു ലോകപരിചയവും ഇല്ലാതിരുന്ന അവസ്ഥയിൽ നിന്ന് അവൾക്ക് കുറച്ചു കമ്പ്യൂട്ടർ ലിറ്ററസിയും ഇംഗ്ലീഷ് കമ്മ്യൂണിക്കേഷനും അയാൾ പഠിപിച്ചിട്ടുണ്ട്.

കൂടാതെ അവൾക്ക് ഡ്രൈവിങ്ങും അറിയാം, എന്തെങ്കിലുമൊക്കെ തൊഴിലെടുത്തു ബന്ധുവീട്ടിൽ നിൽക്കുന്നുണ്ടാവും എന്നാണ് അയാൾ കരുതിയത്. പിന്നെയാണ് അവളെ കുറിച്ച് അയാൾ ഒരു ഞെട്ടിക്കുന്ന വിവരം സുഹൃത്തിൽ നിന്ന് അറിഞ്ഞത്.

വിപിൻ മഹിയുടെ ബാല്യകാല സുഹൃത്താണ്, സ്ത്രീ വിഷയത്തിൽ അയാൾ കുറച്ചു ബലഹീനനാണ്. കുടുംബം കുട്ടികൾ ഇതൊന്നും തനിക്ക് പറഞ്ഞിട്ടില്ല എന്ന് പറഞ്ഞു ഇടയ്ക്കിടയ്ക്ക് ട്രിപ്പുകൾക്ക് പോയി അവിടെ കമ്പനിയാകാൻ മുന്തിയ എസ്‌കോർട്ടുകളെ വാടയ്‌ക്കെടുത്ത് കാര്യം സാധിക്കുന്ന ഒരുത്തൻ. മഹിയെ ഒരു ദിവസം വിളിച്ചു വരുത്തി വിപിൻ ഒരു ഫോട്ടോ കാണിച്ചു കൊടുത്തു.

"പാറു..." മഹി ഞെട്ടലോടെ ആണ് ആ ഫോട്ടോയിലേക്ക്