Chapter Title : മുനി ടീച്ചർ 2 [Decent]

വരാൻ തന്നെ പറ്റില്ല.”
ഒന്നും മിണ്ടാതെ ടീച്ചർ അടുക്കളയിലേക്കു പോയി. ഞാൻ എഴുന്നേറ്റു നേരെ റൂമിൽ പോയി. മോഷണ മുതൽ എടുത്തു മെല്ലെ വീണ്ടും ടവ്വലിനകത്തു പൊതിഞ്ഞു വച്ചു നേരെ താഴെ ബാത്‌റൂമിൽ തന്നെ കൊണ്ടുപോയി വച്ചു. ഭാഗ്യം!! ലിസിമ്മയും ടീച്ചറും അടുക്കളയിൽ തന്നെയാണ്. ഒരു മഹാപാതകം ചെയ്തതിനു പ്രായശ്ചിത്തം ചെയ്ത ആശ്വാസം. ടീച്ചറുടെ ദേഷ്യം ഒന്ന് തണുത്താൽ മതിയായിരുന്നു. ലിസിമ്മയോടെങ്ങാനും പറയുമോ ദൈവമേ?
ലിസിമ്മയും ടീച്ചറും ഒരുമിച്ചാണ് അടുക്കളയിൽ നിന്ന് വന്നത്. ടീച്ചറെങ്ങാനും ലിസിമ്മയോട് പറഞ്ഞോ? എന്റെ ഹൃദയം പടപാടാ ഇടിക്കാൻ തുടങ്ങി.
പാത്രങ്ങൾ ടേബിളിൽ വച്ച ശേഷം ലിസിമ്മ അടുക്കളയിലേക്കു തന്നെ പോയി. ടീച്ചർ എന്റെ മുഖത്തേക്ക് നോക്കുന്നില്ല. എനിക്ക് അങ്ങോട്ടും നോക്കാൻ പേടി.
"ഞാൻ തിരിച്ചു വച്ചിട്ടുണ്ട് എന്നു ഞാൻ ആംഗ്യരൂപത്തിൽ ടീച്ചറോട് പറഞ്ഞു.. ടീച്ചർ മൂർച്ചയേറിയ ഒരു നോട്ടം എനിക്ക് നേരെ എറിഞ്ഞു. ആദ്യമേ ഉരുകി നിൽക്കുന്ന ഞാൻ. ഒന്നും പറയാനോ ചോദിക്കാനോ സാധിക്കുന്നില്ല.
സോറി എന്ന് ഒരിക്കൽ കൂടി പറഞ്ഞു ഞാൻ ചപ്പാത്തി എടുത്തു ടീച്ചറുടെ പാത്രത്തിലേക്കിട്ടു കൊടുത്തു. ലിസിമ്മ വന്നിരുന്നു.
"എന്താ നിങ്ങൾ ഊമകളെ പോലിരിക്കുന്നത്?" രണ്ടു പേർക്കും മൗനം.
"കുട്ടൻ വിശന്നു പൊരിഞ്ഞിരിക്കുകയാ."
ടീച്ചറുടെ മറുപടി കേട്ടപ്പോൾ ഉള്ളിലെ മഞ്ഞുമല ഉരുകുന്ന ഒരു പ്രതീതി. എന്നാലും ടീച്ചർ അതികം സംസാരിച്ചില്ല. ആ പ്രസരിപ്പും ആവേശവും ഒന്നും മുഖത്തു കാണാനില്ല. ഞങ്ങൾ രണ്ടു പേരും അധികമൊന്നും സംസാരിച്ചില്ല.
"എന്ത് പറ്റിയെടാ നിനക്ക്?" ലിസിമ്മയുടെ ചോദ്യം.
"ഒരു പനി വരുന്നോ എന്ന് സംശയം" ഞാൻ പറഞ്ഞു.
ലിസിമ്മ എന്തൊക്കെയോ സംസാരിച്ചു കൊണ്ടിരുന്നു. ഒന്നും എന്റെ മനസിലേക്ക് പോയില്ല. നല്ല വിശപ്പുണ്ടെങ്കിലും കഴിക്കാൻ പറ്റിയില്ല. രണ്ടു ചപ്പാത്തി തന്നെ കഷ്ടപ്പെട്ടാണ് തിന്നത്. വേഗം തീർത്തു ഞാൻ കൈ കഴുകാൻ എഴുന്നേറ്റു.
അടുക്കളയിൽ പോയി കൈ കഴുകി ഞാൻ നേരെ മുകളിലേക്ക് കോണി കയറി.
"ഞാൻ കിടക്കുകയാ."
"ഉം" എന്ന് മാത്രം ലിസിമ്മ മറുപടി പറഞ്ഞു.
ലിസിമ്മ അറിഞ്ഞിട്ടുണ്ടാവുമോ എന്ന സംശയം വീണ്ടും വീണ്ടും എന്നെ അലട്ടി. ചെയ്ത മഹാ മണ്ടത്തരമോർത് എനിക്കന്നുറക്കം വന്നില്ല.