Chapter Title : നാട്ടിൻപുറ കുൽസിതം [Star stories]

"നിങ്ങൾ ഇതൊക്കെ കാണുമോ?"ഉണ്ണിയുടെ ചോദ്യം.

നിവിത:"കണ്ടിട്ടില്ല. പക്ഷെ കേട്ടിട്ടുണ്ട്"

ഞാൻ:"ഞാനിത് കടയിൽ പോയി കയറ്റുന്നതാ, 100 രൂപക്ക്. "ഞാൻ തട്ടി വിട്ടു.

നിവിത:"ഏത് കടയിൽ നിന്ന്?"അവളുടെ മുഖത്തു ഒരു നിരാശ.

ഞാൻ:അതൊന്നും ഞാൻ പറയില്ല..
നിവിത:"അപ്പോൾ എന്റെ ഫോണിൽ കിട്ടില്ല ല്ലേ?"

ഞാൻ:"എന്റെ ഫോണിൽ നിന്ന് കയറ്റാം, പക്ഷെ എനിക്ക് 50 രൂപ തരണം? "ഞാനൊന്ന് എറിഞ്ഞു നോക്കി.

മുബാന:"ഇത് കാണാൻ പണം വേണോ, നിന്റെ കൂടെ കണ്ടാൽ പോരെ?ഇവർക്കൊക്കെ കാണിച്ചു കൊടുക്കുന്നില്ലേ?

ഉണ്ണി:"ഇവൻ ഞങ്ങളുടെ ഫ്രണ്ട് അല്ലെ, അപ്പൊ ഞങ്ങൾക്ക് കാണിച്ചു തരാം. നിങ്ങൾക്ക് വേണമെങ്കിൽ 50 രൂപ തന്ന് കണ്ടൂടെ?"അവനും എന്റെ കൂടെ നിന്ന് തന്നു.

മുർഷിദ:"ഞങ്ങളും നിങ്ങളുടെ കൂടെ പഠിക്കുന്നതല്ലേ ഡാ, ഞങ്ങളെയും കാണിക്ക്, ഞങ്ങൾ ഇതൊന്നും കാണാത്തോണ്ടല്ലേ?"
സോനു:"അവരെ കൂടെ കാണിച്ചേക്ക്, ഇവിടെ ഇരുന്ന് കണ്ടോട്ടെ, നീ വീഡിയോ ഇട് "

കള്ള തെണ്ടി, ചുളിവിൽ ഇച്ചിരി കാശ് ഉണ്ടാക്കാൻ വെക്കുമ്പോ അവൻ ആക്രാന്തം കൊണ്ട് അത് നശിപ്പിക്കും. ഞാൻ മനസ്സിൽ പറഞ്ഞു.
അഞ്ജലി:സോനുവിന് മാത്രേ മനുഷ്യത്വം ഒള്ളു. അവനാ നല്ല കുട്ടി "

"പിന്നെ, ഒരു നല്ല കുട്ടി, ഹാ, വന്നിരുന്നു കാണ് "അവനെ അങ്ങനെ നല്ല കുട്ടി ആക്കിയത് എനിക്ക് കൊണ്ടു, അങ്ങനെ അവൻ പുണ്യാളൻ ആവണ്ട. പണം പോട്ടെ, പവർ വരട്ടെ. പിന്നെ എടുക്കാം അവനെ എന്ന് വെച്ച് ഞാൻ വീഡിയോ ഇട്ടു.

അവർ അവിടെ മുന്നിൽ നിന്നിട്ട് ഏന്തി നോക്കുമ്പോൾ ഞങ്ങൾക്ക് കാണുന്നില്ല. ഫോൺ തിരിഞ്ഞു നിൽക്കുന്നത് കൊണ്ട് അവർക്കും തൃപ്തി ഇല്ല.

"ഓ, ഇതെന്താ വെള്ളരിക്ക പട്ടാണോ, ഇതൊന്നും കാണാൻ പറ്റുന്നില്ല എല്ലാം കൂടെ ചുറ്റി നിന്നിട്ട്"ഞാൻ ഒന്ന് ദേഷ്യപ്പെട്ടു.

"നിങ്ങൾക്ക് പിന്നേം കാണാലോ, ഞങ്ങൾ ഇപ്പൊ കണ്ടിട്ട് നിങ്ങൾക്ക് തരാം, അങ്ങനെ ചെയ്താലോ?"ബീനയുടെ അതിബുദ്ധി എനിക്ക് തീരെ ഇഷ്ടമായില്ല.

"അയ്യെടാ.. ഇതേ എന്റെ ഫോണ ഞാൻ കണ്ടിട്ട് നിങ്ങൾ കണ്ടാ മതി."ഞാൻ അതിനു തടയിട്ട് പറഞ്ഞു.

"എന്ന നീയും കണ്ടോ, അവരോട് മാറാൻ പറ, അവർക്ക് നീ പോവുമ്പോ കാണിച്ചു കൊടുക്ക്" എന്നായി വിജിത.