Chapter Title : നനവാർന്ന സ്വപ്നങ്ങൾ 14 [Kambi Chettan]

വാക്കുകൾ കേട്ട് അർജുന്റെ കൈകൾ വിറയ്ക്കുന്നുണ്ടായിരുന്നു. മീരയുടെ കണ്ണിൽ നിന്ന് കണ്ണീർ ഒലിച്ചിറങ്ങുന്നത് കണ്ടപ്പോൾ അവന്റെ ഉള്ളിലെ സങ്കടം കടുത്ത ദേഷ്യമായി മാറി. അവൻ ഫോൺ കയ്യിലെടുത്ത് ഉറച്ച ശബ്ദത്തിൽ സംസാരിക്കാൻ തുടങ്ങി.

"മതി അമ്മേ, നിർത്ത്! ഇനി ഒരക്ഷരം മീരയെക്കുറിച്ച് ഇങ്ങനെ പറയരുത്. സ്വന്തം മകനോടും മരുമകളോടും ആണോ അമ്മ ഈ തെറിവാക്കുകൾ ഉപയോഗിക്കുന്നത്? നാട്ടുകാർ എന്ത് പറയും എന്ന് ആലോചിച്ച് സ്വന്തം കുടുംബത്തെയാണോ അമ്മ ഇങ്ങനെ വഴിയിൽ വലിച്ചുകീറുന്നത്?

എനിക്ക് വേണ്ടി, ഞങ്ങളുടെ ഭാവിക്ക് വേണ്ടി ഇത്രയും കാലം നിങ്ങൾ എന്താണ് ഉണ്ടാക്കി തന്നത്? രാത്രി പകലാക്കി പണിയെടുത്തു എന്ന് പറയുന്നതല്ലാതെ ഇത്രയും കാലമായിട്ട് നമ്മുടെ കുടുംബത്തിൽ ദാരിദ്ര്യം മാത്രമല്ലേ ഉള്ളൂ? ഒരു നല്ല ജീവിതം ജീവിക്കാൻ എപ്പോഴെങ്കിലും കഴിഞ്ഞിട്ടുണ്ടോ? എനിക്കും എന്റെ ഭാര്യക്കും ജീവിതത്തിലെ സുഖസൗകര്യങ്ങൾ അനുഭവിക്കണം എന്ന് ആഗ്രഹമുണ്ട്. അതിന് വേണ്ടിയാണ് ഞങ്ങൾ കഷ്ടപ്പെടുന്നത്, അല്ലാതെ അമ്മ പറയുന്നതുപോലെ മോശം വഴിയിലല്ല ഞങ്ങൾ ജീവിക്കുന്നത്.

പിന്നെ മീരയുടെ വസ്ത്രധാരണം... അവളുടെ ശരീരം മറ്റ് എല്ലാ പെണ്ണുങ്ങൾക്കും ഉള്ളതുപോലെ തന്നെയാണ് അമ്മേ. അതിൽ പ്രത്യേകിച്ച് ഒന്നും ഇല്ല. ഫാഷന്റെ ഭാഗമായി അതിൽ സ്വല്പം പുറത്തുകണ്ടു എന്ന് കരുതി ഇവിടെ ആകാശം ഇടിഞ്ഞു വീഴാൻ ഒന്നും പോകുന്നില്ല! പുതിയ കാലത്ത് ഇതൊക്കെ ഒരു പ്രൊഫഷനാണ്. നാട്ടിലെ വിവരമില്ലാത്ത നാലുപേർ അടക്കം പറയുന്നതുകേട്ട് സ്വന്തം മക്കളെ ഇങ്ങനെ അധിക്ഷേപിക്കാൻ അമ്മയ്ക്ക് എങ്ങനെ മനസ്സ് വന്നു? മീരയെ അമ്മയ്ക്ക് വിശ്വാസമില്ലെങ്കിലും എനിക്ക് അവളെ പൂർണ്ണ വിശ്വാസമുണ്ട്. ഇത്രയും തരംതാണ വാക്കുകൾ അമ്മയിൽ നിന്ന് ഞാൻ ഒട്ടും പ്രതീക്ഷിച്ചില്ല.