Chapter Title : നീല മാലാഖ 3 [അജു]

ചോദിക്കണം എന്നുണ്ട് പക്ഷെ പേര് എന്നൊക്കെ പറയുന്നത് എന്നെ സംബന്ധിച്ച് ഇപ്പൊ ജെസിബി വെച്ച് കോരേണ്ടത് തൂമ്പക്ക് എടുക്കാൻ നോക്കുന്നത് പോലെ ആണ്

പതിയെ പതിയെ ഞാൻ പറഞ്ഞൊപ്പിച്ചു..

അ...

അനു..

അനു..

വീണ്ടും ദേ വരുന്നു നമ്മുടെ ഡോക്ടറൂട്ടി..

അനുവിനെ കാണണോ

ഞാൻ തലയാട്ടി.. ഉഫ്‌ പിന്നെയും വേദന ഇരച്ചെത്തി

അവൾ മെല്ലെ ഡോറിനടുത്തേക്ക് നടന്നു എന്തൊക്കെയോ പറഞ്ഞു..

മെല്ലെ അകത്തേക്ക് നടന്ന് കയറി വരുവാണ് അനു

ഏഹ്..

ഇതെന്ത് കോലം..

ഇവൾ ഇത്ര പെട്ടെന്ന് പിന്നെയും ക്ഷീണിച്ചോ..

ഇത്ര പെട്ടെന്ന് സാരി മാറ്റി ചുരിദാറിട്ടോ വീട്ടിൽ പോയി..

ഞാൻ വീട്ടിൽ കൊണ്ട് പോവേണ്ടതായിരുന്നു

ശ്ശെ..

അവൾ അടുത്തേക്ക് വന്നപ്പോൾ കണ്ണുകളിലേക്ക് സൂക്ഷിച്ചു നോക്കി നല്ല ക്ഷീണം കാണുന്നുണ്ട്

അത് കരഞ്ഞു കരഞ്ഞു തളർന്നിട്ടുണ്ട് മുഖത്ത് വിഷാദം നിറഞ്ഞു കവിയുന്നുണ്ട്

കീഴ് ചുണ്ടിൽ വിഷമം കൊണ്ടുള്ള തേങ്ങൽ മങ്ങി നിൽപ്പുണ്ട്

എനിക്ക് എന്റെ പെണ്ണിനെ അങ്ങനെ കണ്ടപ്പോൾ മനോ നില തെറ്റും പോലെ തോന്നി

എന്തിനാ അനു നീ ഇങ്ങനെ നിൽക്കുന്നെ നീ എന്തിനാ കരഞ്ഞെ...

ഒന്ന് മിണ്ടാൻ പോലും കഴിയാതെ കിടന്ന ഞാൻ ഇത്രയും ഒറ്റ ശ്വാസത്തിൽ പറഞ്ഞപ്പോ വിശ്വസിക്കാൻ കഴിയാതെ ഡോക്ടറും ഓടി വന്നു

അതേയ് സംസാരിക്കല്ലേ സ്‌ട്രൈൻ എടുക്കല്ലേ ചുമ്മാ പ്രെശറ് കൂട്ടല്ലേ

ഇയാളെ കണ്ടാൽ കുറച്ച് സന്ധോഷം തോന്നും എന്ന് കരുതിയാ അകത്തേക്ക് കൊണ്ടുവന്നത്

താൻ ഇവിടെ വന്നിട്ട് ഇപ്പൊ 7 ദിവസം ആയി എന്തെങ്കിലും അറിവുണ്ടോ...??

അത് കേട്ടപ്പോൾ എന്റെ എനിക്ക് വിശ്വസിക്കാൻ എന്തോ ബുദ്ധിമുട്ട് പോലെ തോന്നി