Chapter Title : നീലച്ചിറകുള്ള മോഹങ്ങൾ 2 [ഒലിവർ]

പച്ചപ്പൊക്കെ വിട്ട് ഈ സിറ്റിയുടെ തിരക്കിൽ ജീവിക്കുമ്പോൾ വിഷമം തോന്നാറില്ലേ?”

​ഗോകുൽ ഒന്നും മിണ്ടിയില്ല. അവർ തന്നെ തുടർന്നു. “വീട്ടിൽ ആരെല്ലാമുണ്ട്? അമ്മയും അച്ഛനും മാത്രമാണോ?”

​“അമ്മയും അനിയത്തിയും,” അവൻ വളരെ സാവധാനം മറുപടി നൽകി.

​“ആ... നല്ല കാര്യം. അനിയത്തി പഠിക്കുകയാണോ?”

​“ബാംഗ്ലൂരിൽ ബി.കോം ചെയ്യുന്നു.”

​“ബാംഗ്ലൂരോ!” ഗീതയുടെ ശബ്ദത്തിൽ ഒരു ചെറിയ ആവേശം മിന്നി. “അപ്പൊ എന്നെ വിട്ടുകഴിഞ്ഞാൽ നിനക്ക് അവളെ കാണാൻ പോകാമല്ലോ..”

​“ഇല്ല. ഡ്രോപ്പ് ചെയ്തിട്ട് നേരെ മടങ്ങും.” എന്തിനെന്ന് അറിയില്ലെങ്കിലും അവനൊരു കള്ളം പറഞ്ഞു.

​“അയ്യോ കഷ്ടം!” അവർ ഒരു ദീർഘശ്വാസം വിട്ടു. “അരവിന്ദ് നിന്നെ നന്നായി പണിയെടുപ്പിക്കുന്നുണ്ടല്ലേ? സ്വന്തം കാര്യങ്ങൾക്കൊന്നും സമയം കിട്ടില്ല. അല്ലാ… ഇവിടെ നിനക്ക് ലൈനൊന്നുമില്ലേ?”

​സംസാരം വ്യക്തിപരമായ അതിരുകൾ കടക്കുന്നത് ഗോകുലിന് ഇഷ്ടപ്പെട്ടില്ല. അവൻ മറുപടിയൊന്നും പറഞ്ഞില്ല. പക്ഷേ ഗീത വിടാൻ ഭാവമില്ലായിരുന്നു.

​“നിന്നെപ്പോലത്തെ ചുള്ളന് ഗേൾഫ്രണ്ട് ഇല്ലെന്ന് പറഞ്ഞാൽ ഞാൻ വിശ്വസിക്കില്ല. ഇപ്പഴത്തെ പെൺകുട്ടികൾക്ക് ഒന്നുകിൽ കണ്ണ് കാണില്ല, അല്ലെങ്കിൽ നിനക്ക് എറിയാനറിയില്ല.” അവർ പതുക്കെ അവനെ നോക്കി ഒന്ന് ചിരിച്ചു. “ അല്ല.. ഇതൊക്കെ കഴിഞ്ഞ് എന്താ നിൻ്റെ പരിപാടി? ജീവിതകാലം മുഴുവൻ വണ്ടി ഓടിക്കാനാവില്ലല്ലോ. എന്താ ആഗ്രഹം? അരവിന്ദ് നല്ലവനാ.. മനസ്സറിഞ്ഞ് നിന്നാൽ അവൻ അതിനുള്ള സപ്പോർട്ട് തന്ന് നിന്നെയൊരു നല്ല നിലയിൽ എത്തിക്കും.”

​ഹൈവേയിലേക്ക് വണ്ടി കയറിയതോടെ നഗരത്തിലെ തിരക്കുകൾ കുറഞ്ഞു. ഗീത കുറച്ചുനേരം മിണ്ടാതിരിക്കുന്നത് കണ്ടതോടെ അവരുടെ കത്തിയടി കുറഞ്ഞല്ലോ എന്നോർത്ത് ഗോകുൽ ഒന്ന് ആശ്വസിച്ചു. ഇനി ആ പെർഫ്യൂമിന്റെ ഗന്ധം മാത്രം സഹിച്ചാൽ മതിയല്ലോ എന്നായിരുന്നു