Chapter Title : നീലക്കൊടുവേലി 2 [Fire blade]

, ശരീരത്തിന്റെ വേദന മാത്രമല്ലല്ലോ ഇതുവരെ കന്യകനായിരുന്ന മനസിന്റെ വേദന കൂടി മാറ്റിയതിനല്ലേ... എന്ത് തന്നെ കൊടുത്താലും കൂടില്ല..

സുശീലയെ പറ്റി ചിന്ത പോയപ്പോളെ ഇന്നലെ കഴിഞ്ഞ സുഖരാത്രിയെ അവൻ ഓർത്തത്.. അറിയാതെ മനസ്സിൽ നിന്നൊരു തണുപ്പ് ചുണ്ടിന്റെ കോണിൽ ചിരിയായി പ്രത്യക്ഷപെട്ടു..

പെട്ടെന്ന് താൻ ഇരിക്കുന്ന സന്ദർഭം ഓർമയിൽ വന്ന സിദ്ധു കണ്ണുയർത്തി നോക്കുമ്പോൾ പുരികത്തിൽ ഒളിപ്പിച്ച സംശയവുമായി സിതാര അവനെ നോക്കികൊണ്ടിരിക്കുകയായിരുന്നു... അവന്റെ ദൃഷ്ടി അവളിലേക്കെത്തുമ്പോൾ നോട്ടം മാറി.. മുഖത്തെ കടുപ്പം ഇത്തിരികൂടി വർധിച്ചിട്ടുണ്ട്..

ഇന്നലെ ചേച്ചി കിടന്നത് തന്റെ മുറിയിലാണെന്ന് സിതാരക്കും അറിയാമായിരിക്കും... ഇന്ന് രാവിലെ അവളെ പേടിപ്പിച്ചതും എന്റെ മുഖത്തെ ചിരിയും അവളിൽ എന്തോ സംശയമുണ്ടാക്കിയിട്ടുണ്ടോ...? ആ... ആർക്കറിയാം...!!

എന്തായാലും അതിൽ താൻ ടെൻഷൻ അടിക്കേണ്ട കാര്യമില്ലന്ന് സിദ്ധു ആശ്വസിച്ചു...അവൾ എന്ത് വേണേൽ ചിന്തിക്കട്ടെ...

ഇടക്ക് എപ്പഴോ കണ്ണുയർത്തിയപ്പോളും തന്നെ ഇത്തിരി കുറുമ്പോടെ നോക്കുന്ന സിതാരയെ കണ്ടപ്പോൾ സിദ്ധുവിന് ദേഷ്യം വന്നു...

" എന്താടീ ഉണ്ടക്കണ്ണും വെച്ച് നോക്കി പേടിപ്പിക്കണത് ...?

അവൻ ദേഷ്യത്തോടെ ചോദിച്ചപ്പോൾ പ്രതീക്ഷിക്കാതെ ഇരുന്ന സിതാരയും നീതുവും ഞെട്ടിപ്പോയി..പ്രത്യേകിച്ച് സിതാര...

ഒന്നുമില്ലെന്ന് തലകൊണ്ട് മെല്ലെ ആട്ടുമ്പോളേക്കും കണ്ണിൽ നീർമണികൾ ഉരുണ്ടുകൂടി...ഉള്ളിൽ നിന്നും പൊട്ടി വന്ന തേങ്ങൽ കഷ്ടപ്പെട്ട് അടക്കുന്നതിന്റെ കിതപ്പ് വിറകൊള്ളുന്ന ചുണ്ടിന്റെയും മൂക്കിന്റെയും ചലനത്തിൽ നിന്നും
സിദ്ധു മനസിലാക്കി..

പിന്നെ ഒന്നിനും നിൽക്കാതെ ഭക്ഷണം വേഗം തീർത്തു അവൻ എഴുന്നേറ്റു.. അപ്പോളും രണ്ടുപേരും ഞെട്ടലിൽ നിന്നും മുക്തരായിരുന്നില്ല..

അവൻ എണീറ്റപ്പോളാണ് പിന്നീട് അവർ ബാക്കിയുള്ള ഭക്ഷണം കഴിച്ചു തുടങ്ങിയത്...

അവന് സന്തോഷം തോന്നി... അവൾടെ ഒരു ജാട...!! ഇത്രേ ഉള്ളൂ...ഇത്രേം പാവം ആണെന്ന് അവളുടെ അഹങ്കാരം കണ്ടാൽ പറയൂല... ഹമ്പോ..!!

അവൻ ഉമ്മറത്ത് പോയി ചാരുകസേരയിൽ കിടന്നു..... ഉണക്കാനുള്ള സാധനങ്ങൾ എല്ലാം വിശാലമായ മുറ്റത്തു നിരത്തിയിട്ടിട്ടുണ്ട്.....
ഏതൊക്കെയോ പണിക്കാരികളുടെ പീക്കിരിപ്പിള്ളേർ കളിച്ചുകൊണ്ട് നടക്കുന്നു...
അവരെ ശാസിച്ചുകൊണ്ടും ഉണക്കാനിട്ടവ ലക്ഷ്യമാക്കി വരുന്ന കിളികളെയും കാക്കകളെയും ഓടിച്ചും അവിടവിടായി ചില പെണ്ണുങ്ങളും കൂടി ഉമ്മറം ശബ്ദമയമാക്കി...

ഇതെല്ലാം അവിടുത്തെ പതിവുകളാണ്...

വൈകീട്ട് ചിന്നനോടൊപ്പം അവന്റെ സൈക്കിളിൽ കറങ്ങുമ്പോൾ സിദ്ധുവിന് രഹസ്യം