Chapter Title : നീലക്കൊടുവേലി 9 [Fire blade]

അറിയുമോ എന്ന് കൂടി എനിക്ക് അറിയില്ല.. "

സിദ്ധുവിന്റെ മറുപടി കേട്ട് ചിന്നൻ ചിരിച്ചു..

" അപ്പോ അതാണോ നിന്റെ പ്രശ്നം...? അത് നീ കേറ്റുമ്പോളും മുറുക്കം ഉണ്ടാവും... "

അവൻ പറഞ്ഞത് കേട്ടു സിദ്ധു അങ്ങനെ ആവുമായിരിക്കും എന്ന് ആലോചിച്ചു...സംഗതി ഇക്കാര്യത്തിൽ ചിന്നനു തന്നെയാണ് തന്നെക്കാൾ അറിവ്...

" നീ തന്ന ആ പൊടി എന്താടാ..?? "

സിദ്ധു ചിന്നനോട്‌ ചോദിച്ചു...

" അതൊരു സവിശേഷമായ ഒരു സാധനമാണ്.. നീ ഈ നായ്കുരണ പരിപ്പ് എന്ന് കേട്ടിട്ടുണ്ടോ..?? "

ചിന്നൻ ചോദിച്ചപ്പോൾ സിദ്ധു അറിയാമെന്നു തലയാട്ടി...

" അത് ഒരു ചെടിയല്ലേ...തൊട്ടാൽ ചൊറിയുന്ന ഒരു ഇല..? "

സിദ്ധു ആ ഇലയെ ഓർത്തെടുത്തു, പണ്ട് അറിയാതെ തൊട്ടിട്ടു പണി കിട്ടിയത് അവന്റെ ഉള്ളിൽ നിറഞ്ഞു..

" അത് തന്നെ .. അതിനൊരു പരിപ്പ് ഉണ്ട്, അതും അശ്വഗന്ധ എന്ന മറ്റൊരു സാധനം, പിന്നെ അമുക്കുരം വേറേം എന്തൊക്കെയോ ഉണ്ട് ഇതൊക്കെക്കൂടി എരുമപ്പാലിൽ ചേർത്ത് ഉണക്കി പൊടിച്ചു എടുക്കുന്നതോ അങ്ങനെ എന്തോക്കെയോ ആണ്...

അവർ ഇത് മുഴുവൻ പറഞ്ഞു തരില്ല, അതൊക്കെ അവരുടെ രഹസ്യകൂട്ടുകളാണ്...നമ്മുക്ക് ഇതിനു ഗുണമുണ്ടോ എന്നല്ലേ നോക്കണ്ടുള്ളൂ... "

അവൻ പറഞ്ഞത് അത്ഭുതത്തോടെ സിദ്ധു കേട്ടു... അവൻ ആദ്യമായിട്ടായിരുന്നു ഇതൊക്കെ അറിഞ്ഞത്..

പിന്നെ ചിന്നൻ പറഞ്ഞത് പോലെ കഴിച്ചിട്ട് കാര്യമുണ്ടെങ്കിൽ പിന്നെ എന്ത് രഹസ്യമായാലും കുഴപ്പമില്ലല്ലോ...എന്നാലും പണ്ടാരത്തിന്റെ കയ്പ്പ് ഇപ്പളും വായിൽ നിന്നും പോയിട്ടില്ല....

അല്ലെങ്കിലും നല്ല കാര്യങ്ങൾക്ക് ഇത്തിരി കയ്പ്പുണ്ടാവും, അതിനി മരുന്നിനായാലും ആത്മാർത്ഥ പ്രേമത്തിനായാലും...രണ്ടും അറിഞ്ഞ ഒരുപാട് പേർ ഉണ്ടാവുമല്ലോ...

അവർ