Chapter Title : നീന ടീച്ചർ [സ്റ്റാർ അബു]

അമ്മ ഉടനെ അച്ഛനെ അകത്തേക്ക് വിളിച്ചു. വെറുതെ കിടന്നു ചിതൽ അരിക്കുന്നതിനേക്കാൾ നല്ലത് ആരെങ്കിലും താമസിച്ചു, ക്ലീൻ ചെയ്തു കൊണ്ട് പോകുന്നതാണ് . അങ്ങിനെ ആ സംഭവം എന്നെയും സന്തോഷപ്പെടുത്തി . കാരണം , ഞായറാഴ്ച എന്റെ പണി ആയിരുന്നു അത് ക്ലീൻ ചെയ്യുന്നത് . പിന്നെ ടീച്ചർ ആകുമ്പോൾ നമുക്ക് പാലും പച്ചക്കറിയും വിൽക്കാം എന്ന ബിസിനസ്സ് ബുദ്ധി എന്റെ കാന്താരി അനിയത്തിക്ക് ഓടി .

അവളാണ് കണക്കുകൾ എല്ലാം നോക്കുന്നത് . അഞ്ചുപൈസ കുറഞ്ഞാൽ അവൾ ആ വീട് തലകീഴായി വെക്കുമെന്ന് അറിയുന്നത് കൊണ്ട് ഞങ്ങളുടെ വീട്ടിൽ കണക്കുകൾ കൃത്യമായിരുന്നു . അങ്ങിനെ ഞങ്ങളുടെ ചെറിയ സ്കൂളിലെ എന്നെ പഠിപ്പിച്ചിരുന്ന ശാന്ത ടീച്ചർ പിരിഞ്ഞു പോകുന്നതിനു വിളിച്ച മീറ്റിംഗിൽ ഞങ്ങൾ എല്ലാവരും പങ്കെടുത്തു. അന്ന് തന്നെ മറ്റേ ടീച്ചർ വരുമെന്ന് പറഞ്ഞിരുന്നെകിലും അവർ വന്നില്ല.

എന്തായാലും ആ ഞായറാഴ്ച വീട് ക്ലീൻ ചെയ്തു ഇട്ടു. ഒരു നാൽപ്പതു വയസുള്ള ടീച്ചർ വരുമെന്ന് പ്രതീക്ഷിച്ച എന്റെ എല്ലാ ചിന്തകളും തകിടം മറിച്ചു കൊണ്ട് ഇടുക്കികാരി ആയ നീന ടീച്ചറും ഭർത്താവും അമ്മയും കുട്ടിയും ആയി വൈകിട്ട് ന്റെ വീട്ടിലേക്കു അച്യുതൻമാഷ് കൂട്ടി കൊണ്ട് വന്നു. ഞാൻ വീട്ടിലേക്കു വന്നു കയറുമ്പോൾ വിരുന്നുക്കാരെ കണ്ടതും ആരാണ് എന്ന് മനസ്സിലാകാത്തത് കൊണ്ട് പിന്നിലേക്ക് പോയി, അടുക്കളയുടെ ജനലിലൂടെ ആദ്യമായി ഞാൻ നീന ടീച്ചറെ കണ്ടു.

സുന്ദരി, നല്ല നിറം, വട്ട മുഖം, വിടർന്ന കണ്ണുകൾ, അൽപ്പം തടിച്ച ചുണ്ടുകൾ, കഴുത്തിൽ സ്വർണ്ണ മാല ഉണ്ട്, കാതിൽ ജിമ്മിക്കി കമ്മൽ