Chapter Title : നീതുവിലേക്ക് ഒരു കടൽ ദൂരം 2 [Sathi]

നിങ്ങള് സംസാരിച്ചിരിക്ക് .. ഞാൻ ഇപ്പൊ വരാമേ ...."

എന്നെ ലക്ഷ്മിയെ ഏൽപ്പിച്ച ശേഷം ശരത്ത് രംഗം കാലിയാക്കി.

ഒരു ടേബിളിൻ്റെ ഇരു വശവും ഇരുന്ന് ഞങ്ങൾ മനസ്സു തുറന്നു സംസാരിച്ചു. എൻ്റെ സ്വപ്നങ്ങൾ ലക്ഷ്മിയുടെ പ്രതീക്ഷകൾ .. അങ്ങനെ എല്ലാം. മൊബൈൽ നമ്പർ പരസ്പരം വാങ്ങി അന്ന് ഞങ്ങൾ പിരിഞ്ഞു.

ഞങ്ങൾക്ക് സമ്മതമാണെന്ന് വീട്ടുകാരെ അറിയിച്ചു .. പിന്നീട് കാര്യങ്ങൾ വളരെ വേഗത്തിൽ നീങ്ങി. അങ്ങനെ ഒരു മെയ് മാസം എട്ടാം തീയതി വിവാഹ നിശ്ചയം നടത്താൻ തീരുമാനിച്ചു. കല്യാണം ആഗസ്റ്റിലോ സെപ്റ്റംബറിലോ നടത്താമെന്നും ധാരണയായി.

ആദ്യമായി കണ്ടു പിരിഞ്ഞ നാള് മുതൽക്കേ ഞങ്ങൾ മണിക്കൂറുകൾ നീളുന്ന രാത്രി ഫോൺ വിളി തുടങ്ങിയിരുന്നു. ഒരു രാത്രി വിളിയിൽ ഞാൻ അവളോട് ചോദിച്ചു ..

" നീ ആരെ എങ്കിലും സ്നേഹിച്ചിട്ടുണ്ടോ ?"

അതിൻ്റെ മറുപടി ഒരു കരച്ചിലായിരുന്നു.

" എന്നോട് .. ഇത് .. ചോദിക്കുവാൻ രൂപേഷ് ഏട്ടന് എങ്ങനെ മനസ്സ് വന്നു .. എന്നെ പ്പറ്റി അങ്ങനെയാണോ കരുതിയിരിക്കുന്നത് "

മറുതലക്കൽ ഫോൺ കട്ടായി .. ഞാൻ തിരികെ വിളിച്ചിട്ട് ലക്ഷ്മി ഫോൺ എടുത്തില്ല. അവളോട് അങ്ങനെ ഒരു ചോദ്യം ചോദിച്ച നിമിഷത്തെ ഞാൻ ശപിച്ചു. പിന്നീട് കാര്യങ്ങൾ ഒന്ന് സെറ്റായി വരാൻ രണ്ടു മൂന്നു ദിവസം എടുത്തു. നേരിട്ട് കണ്ടപ്പോൾ ഞാൻ ആത്മാർത്ഥമായി മാപ്പു പറഞ്ഞു. അപ്പോഴും ആ കണ്ണ് നിറയുന്നത് ഞാൻ കണ്ടു.

അങ്ങനെ ആഘോഷമായി അഞ്ഞൂറിൽ അധികം ആൾക്കാരെ ക്ഷണിച്ചു കൊണ്ട് ഞങ്ങളുടെ വിവാഹ നിശ്ചയം നടന്നു. ഞാൻ ലക്ഷ്മിയുടെ വിരലിൽ എൻ്റെ പേര് എഴുതിയ മോതിരം അണിയിച്ചു. എൻ്റെ അച്ഛന് ചെറിയ രീതിയിൽ രാഷ്ട്രീയ ബന്ധങ്ങൾ ഉള്ളതു കൊണ്ട് വിശിഷ്ട വ്യക്തികളും നിശ്ചയത്തിന് വന്നിരുന്നു.

ലക്ഷ്മിയുടെ അച്ഛനും അമ്മയും എൻ്റെ അച്ഛനോടും അമ്മയോടും അപ്പോഴേക്കും നല്ല ബന്ധത്തിൽ ആയിക്കഴിഞ്ഞിരുന്നു.
നിശ്ചയ വേദിയിൽ വെച്ച് ലക്ഷ്മിയുടെ അച്ഛൻ അദ്ദേഹത്തിൻ്റെ ഒരു ആത്മാർത്ഥ സുഹൃത്തിനെ എനിക്ക് പരിചയപ്പെടുത്തി. പേര് രവി.

" ഇതാണ് രവി .. എൻ്റെ ബാല്യകാലം മുതൽക്ക് ഉള്ള സുഹൃത്താണ്