Chapter Title : നീതുവിന്റെ ഇലക്ഷൻ ഡ്യൂട്ടി [Rajadhi Raja]

ചിന്തിക്കാൻ പോലും പറ്റാത്ത അവസ്ഥ ആയിരുന്നു. പോളിംഗ് ബൂത്തിൽ സുരക്ഷിതായി 2 ദിവസം താമസിക്കാൻ കഴിയുമോ... എങ്ങനെ ബാത്‌റൂമിൽ പോകും... അതിനുള്ള സൗകര്യം അവിടെ ഉണ്ടാകുമോ.. ഭക്ഷണമൊക്കെ കഴിക്കാൻ കിട്ടുമോ... കൂടെ ഡ്യൂട്ടിക്ക് വരുന്നവരുടെ സ്വഭാവം എങ്ങനെ ആയിരിക്കും എന്നൊക്കെയുള്ള ചിന്തകൾ നീതുവിനെ അലട്ടികൊണ്ടേ ഇരുന്നു.

അരുണിനും ഇലക്ഷൻ ഡ്യൂട്ടി ഉണ്ടായിരുന്നു. ഭാഗ്യത്തിന് നീതുവിനും അരുണിനും ഇലക്ഷൻ ട്രെയിനിങ് ആറ്റിങ്ങൽ സ്കൂളിൽ വച്ച് ഒരേ ദിവസം ആയിരുന്നു. രാവിലെ 6 മണിക്കെങ്കിലും പുറപ്പെട്ടാലേ 10 മണിക്ക് മുൻപ് ആറ്റിങ്ങൽ എത്താൻ കഴിയു. സാദാരണ രാവിലെ 6 മണി കഴിഞ്ഞാണ് നീതു ഉറക്കം ഉണരാറ്. പിന്നെ കിച്ചണിൽ കയറി ബെഡ് കോഫിയുമായി 7.30 ആകുമ്പോ അരുണിനെ വിളിക്കും. അരുൺ നല്ലൊരു ഉറക്ക പ്രീയൻ ആണ്. വിളിച്ചാലും ഒരു അര മണിക്കൂർ കൂടി അരുൺ തിരിഞ്ഞും മറിഞ്ഞും കിടക്കും.
അരുൺ ബെഡ്‌റൂമിൽ കയറി വരുമ്പോൾ നീതു പിറ്റേ ദിവസം ഇടാനുള്ള വസ്ത്രങ്ങൾ ഇസ്തിരി ഇടുകയായിരുന്നു.

അരുണേട്ടാ നാളെ 6 മണിക്ക് ഇറങ്ങണം.. നീതു പറഞ്ഞു
ഏന്നെ അഞ്ച് മണിക്ക് വിളിച്ചാൽ മതി...
വിളിച്ചാൽ ഉടനെ എഴുന്നേൽക്കുന്നൊരാള്..നീതു കളിയാക്കി
നീ പോടീ... നാളെ ഞാൻ കൃത്യമായി എഴുന്നേറ്റിരിക്കും..

എഴുന്നേറ്റാൽ നിങ്ങൾക്ക് കൊള്ളാം... അല്ലെങ്കിൽ ഞാൻ തലയിൽക്കൂടി വെള്ളം ഒഴിക്കും...

മോള് വെള്ളവും കൊണ്ട് ഇങ്ങ് വരണം ട്ടാ....പറഞ്ഞിട്ട് അരുൺ പുതപ്പെടുത്തു തലവഴി മൂടി..

നീതു 4 മണിക്ക് അലാറം വച്ചിട്ട് കട്ടിലിൽ കിടന്നു...അരുണിന് പുറം തിരിഞ്ഞു കിടന്ന് നീതു ഓരോന്ന് ആലോചിച്ചു.. ഈ ഇലക്ഷൻ ഡ്യൂട്ടി നന്നായി പര്യവസാനിക്കാൻ നീതു ആത്മാർത്ഥമായി