Chapter Title : നീതുവും വസുന്ധര ടീച്ചറും [ Master ]

അരക്കിലോമീറ്റര്‍ അകലെയാണ് ഓട്ടോ സ്റ്റാന്റ്. വീട്ടിലേക്ക് ഇനി ഓട്ടോ വിളിച്ചേ പോകാന്‍ പറ്റൂ. അവിടെ നിന്നും ബസ് എപ്പോഴാണ് എന്നെനിക്ക് അറിയില്ലായിരുന്നു. ഞാന്‍ ചുറ്റും നോക്കിക്കൊണ്ട്‌ കരുതലോടെ നടന്നു. വസുന്ധരാ മാമിന്റെ വീട് ഏതാണെന്ന് എനിക്കറിയില്ലായിരുന്നു. ഞാന്‍ ഒരു അരികിലൂടെ പോകുമ്പോള്‍ ഒരു ഓട്ടോ എതിരെ വരുന്നത് കണ്ടു കാലിയായിരിക്കും എന്നുകരുതി കൈ കാണിച്ചു. അത്  അടുത്തെത്തി നിന്നപ്പോള്‍ ഞാന്‍ ഞെട്ടി. ഉള്ളില്‍ വസുന്ധരാ മാം. എന്നെ കണ്ട ടീച്ചര്‍ പണം നല്‍കിയ ശേഷം വണ്ടിയില്‍ നിന്നും ഇറങ്ങി.

“നീ എവിടെ പോയിട്ട് വരുകയാണ്?” ടീച്ചര്‍ സംശയത്തോടെ എന്നെ നോക്കി ചോദിച്ചു.

“ഞ..ഞാന്‍..” എന്ത് പറയണം എന്നറിയാതെ ഞാന്‍ വിക്കിയപ്പോള്‍ ടീച്ചര്‍ എന്നെ ആകെ ഒന്ന് നോക്കി. എന്നിട്ട് എന്തോ മനസിലായ മട്ടില്‍ തലയാട്ടി.

“നീ നീതുവിന്റെ വീട്ടില്‍ പോയിരുന്നു അല്ലെ”

ഞാന്‍ മിണ്ടിയില്ല.

“രാഹുല്‍..ഞാന്‍ നിന്നെയും കൂട്ടി അങ്ങോട്ട്‌ പോകണോ അതോ നീ സത്യം പറയുന്നോ?” മാം സ്വരം ഉയര്‍ത്തിയപ്പോള്‍ ഞാന്‍ ഭയത്തോടെ തല ഉയര്‍ത്തി.

“അത്..അവള്‍ വിളിച്ചിട്ടാണ്....” വിക്കലോടെ ഞാന്‍ പറഞ്ഞൊപ്പിച്ചു.

“ഓഹോ..അവള്‍ നിന്നെ വിളിച്ചു അല്ലെ. അവളുടെ പേരന്റ്സിനെ ഞാന്‍ കാണുന്നുണ്ട്. ഉം ഇതാണ് എന്റെ വീട്..നാളെ അവധിയല്ലേ..നീ കൃത്യം രണ്ടുമണിക്ക് ഇവിടെ എത്തണം..സത്യത്തില്‍ നിന്റെ പേരന്റ്സിനെ ആണ് വിളിക്കേണ്ടത്..തല്ക്കാലം ഞാനത് ചെയ്യുന്നില്ല....ഉം പോ..”

അങ്ങനെ പറഞ്ഞിട്ട് ടീച്ചര്‍ ഗേറ്റ് തുറന്നു വീട്ടിലേക്ക് കയറി. ഞാന്‍ ഒന്നും മിണ്ടാതെ സ്ഥലം വിട്ടെങ്കിലും എന്റെ മനസ്സില്‍ വല്ലാത്ത ആധി ഉടലെടുത്തിരുന്നു. ടീച്ചര്‍ക്ക് മനസിലായിട്ടുണ്ട് ഞാന്‍ നീതുവിനെ കാണാന്‍ തന്നെ പോയതാണെന്ന്. അച്ഛനോ അമ്മയോ ഇതറിഞ്ഞാല്‍ എന്നെ അവര്‍ കൊല്ലും. നാളെ എന്നെയും അവളെയും അവളുടെ പേരന്റ്സിന്റെ മുന്‍പില്‍ വച്ചു വിസ്തരിക്കാന്‍ ആണോ ടീച്ചറുടെ ഭാവം എന്ന് ഞാന്‍ ഭയന്നു. അതോ എന്നെ ഉപദേശിക്കാന്‍ ആണോ? അവളുടെ പേരന്റ്സിനെ വേണമെങ്കില്‍ ഇന്ന് തന്നെ ടീച്ചറിന് കാണാമല്ലോ; അടുത്തല്ലേ വീട്. അങ്ങനെ പല ചിന്തകളും എന്നെ വേട്ടയാടി. എന്തോ കുഴപ്പം സംഭവിക്കാന്‍ പോകുന്നു എന്ന ചിന്ത കാരണം എനിക്ക് രാത്രി ശരിയായി ഉറങ്ങാന്‍ സാധിച്ചില്ല. എന്തായാലും പോയെ പറ്റൂ.