Chapter Title : നിധിയുടെ കാവൽക്കാരൻ 11 [കാവൽക്കാരൻ]

ഉള്ളിലുണ്ടായിരുന്നു....

സച്ചിനും രാഹുലും ഇതൊന്നും കാണാത്തത് നന്നായി... 😐

​ആ സുഖത്തിനും യുദ്ധത്തിനും ഇടയിൽപ്പെട്ട് ഞാൻ ഉരുകുമ്പോഴാണ്...

​"ഠപ്പേ....!!"

​ക്ലാസ്സിന്റെ വാതിൽ തള്ളിത്തുറന്ന് വലിയൊരു ശബ്ദം കേട്ടത്.

​ഞെട്ടിപ്പോയ ആമി എന്റെ മടിയിൽ നിന്നും ചാടി എഴുന്നേറ്റു. എന്റെ കൈകൾ രണ്ടും രണ്ട് വഴിക്ക് തെറിച്ചു.

ക്ലാസ്സിലെ ബഹളം മുഴുവൻ ആ നിമിഷം നിലച്ചു.

എല്ലാവരുടെയും ശ്രദ്ധ വാതിക്കലേക്ക് തിരിഞ്ഞു.

​വാതിലിന്റെ അവിടെ, ഓടി കിതച്ചുകൊണ്ട്, പേടിച്ച് വിറച്ച് നിൽക്കുന്ന ഒരു പയ്യൻ.

അവന്റെ കണ്ണുകൾ തുറിച്ചു നിൽക്കുന്നുണ്ടായിരുന്നു. വിയർപ്പ് തുള്ളികൾ മുഖത്തൂടെ ഒലിച്ചിറങ്ങുന്നു. ശ്വാസം കിട്ടാതെ അവൻ പിടയുന്നത് കണ്ടപ്പോൾ തന്നെ എന്തോ വലിയ അപകടം നടന്നിട്ടുണ്ടെന്ന് എല്ലാവർക്കും മനസ്സിലായി.

​ക്ലാസ്സ് മുഴുവൻ നിശബ്ദമായി.

​"എന്താടാ...? എന്ത് പറ്റി...?"

​മുൻ ബെഞ്ചിലിരുന്ന ആരോ ചോദിച്ചു.

​അവൻ തൊണ്ട ഒന്നു വിഴുങ്ങി. പറയാൻ വാക്കുകൾ കിട്ടാത്തത് പോലെ അവൻ വിറച്ചു. ഒടുവിൽ വിക്കി വിക്കി അവൻ അത് പറഞ്ഞു.

​"അവിടെ... നമ്മുടെ കോളേജിന്റെ ബാക്കിൽ... കാടുപിടിച്ചു കിടക്കുന്നിടത്ത്..."

​അവൻ ഒന്ന് നിർത്തി, എല്ലാവരെയും ഒന്ന് നോക്കി. ആ കണ്ണുകളിലെ ഭയം ഞങ്ങളിലേക്കും പടർന്നു.

​"വീണ്ടും... ഒരു ഡെഡ് ബോഡി...!"

​ആ വാക്കുകൾ കേട്ടതും ക്ലാസ്സിൽ മരവിപ്പിക്കുന്ന ഒരു നിശബ്ദത പടർന്നു... എന്റെ ഉള്ളിലൂടെ ഒരു കൊള്ളിയാൻ മിന്നിമാഞ്ഞു....

തുടരും...

​