Chapter Title : നിശാഗന്ധി 6 [വേടൻ]

പിന്നെ അമ്മക്കും സോഫിയക്കും അച്ഛനും നേരെയായി.

"" നിങ്ങളെന്നാ സംസാരിച്ചിരിക്ക്.. നിക്കും അച്ഛനും കുറച്ച് പണിയുണ്ട്... വാ അച്ഛാ...""

ഞാൻ അച്ഛനേം വിളിച്ചു പുറകോട്ട് നടന്നു, അപ്പോ പുറകിൽ നിന്നൊരു പിൻ വിളി,

"" അച്ഛ പൊക്കോ... ഇപ്പോ വിട്ടേക്കാം.. ""

പുള്ളിയൊന്ന് ചിരിച്ചു താഴേക്ക് ഇറങ്ങി, ഉടനെ അതു നോക്കി അവളെന്നെ വലിച്ചു പുറകിലേക്ക് കൊണ്ട് വന്നു,

ഒരു നിമിഷം ന്നേ നോക്കി നിന്നവൾ ന്നേ വരിഞ്ഞു മുറുക്കി ന്റെ മുഖമാകെ പലകുറി ഉമ്മവെച്ചു.

"" ഇതേങ്ങനെ...?? "" കരച്ചിലോടെ അവളെന്റെ മുഖത്തേക്ക് നോക്കി,

"" അത് അത് നീയന്ന് വീട്ടിൽ പോണോന്ന് പറഞ്ഞില്ലെ..അതിന്റെ പിറ്റേന്നേ ഞാൻ നിന്റെ വീട്ടിൽ പോയിരുന്നു..

ആദ്യം നിന്റെ തന്തപ്പടി കുറെ ഉടക്ക് കാണിച്ചെങ്കിലും അവസാനം പറഞ്ഞു സമ്മതിപ്പിച്ചു.. !!

സമ്മതിച്ചല്ലേ പറ്റു...

ന്റെ പെണ്ണിന്റെ ആഗ്രഹം അല്ലായിരുന്നോ ഇത്... ""

ഞാനവളുടെ നെറുകിലേക്ക് ചുണ്ടുകളാഴ്ത്തി.

"" ന്നാ പറഞ്ഞുടായിരുന്നോ ന്നോട്.. ഞാൻ വെറുതെ വിഷമിപ്പിച്ചില്ലേ ന്റെ കൊച്ചിനേ... ""

"" പറഞ്ഞാ അതിന്റെയൊരു ത്രിൽ പോവുല്ലേ പെണ്ണെ... ഇതാവുമ്പോ കണ്ടോ.. ന്റെ പെണ്ണിന്റെ മുഖത്തെ തെളിച്ചം... "" ഞനൊന്നൂടിയവളെ വലിഞ്ഞു മുറുക്കി,

പിന്നേം കുറെ സംസാരിച്ചു ഞാൻ നേരെ അവളെ വിട്ടു.

"" പിന്നെ... അധികം ഓവറാക്കാൻ നിക്കണ്ട... കേട്ടോ... ""

""ഏയ്യ് അച്ഛനെ ഞാൻ നോക്കിക്കോളാം.. നീ ടെൻഷനാവണ്ട... ""

ഞാൻ ഒരു മുൻകരുതലെന്ന പോലെ പറഞ്ഞതും,

"" അച്ഛന്റെ കാര്യല്ല... ഞനെന്റെ കെട്ടിയോന്റെ കാര്യാ പറഞ്ഞെ... ""

"" അയ്യേ... ഞനോ... മദ്യപാനോ.???..

ശിവ.... ശിവ.... ""

ഞാൻ മുഖത്തടിച്ചു,

""അഹ്.. ഓവറാക്കി ചളമാക്കണ്ട... ചെല്ല് ചെല്ല്...""

ഈ.... അവള് കണ്ട് പിടിച്ചു... ഞനൊരു ഉമ്മകൂടെ കാറ്റിൽ പറത്തി അവളിലേക്ക് വിട്ടു. അവളൊരു കൈ ഓങ്ങി അടിക്കാൻ ന്ന പോലെ വന്നതും ഞനോരൊറ്റ ഓട്ടം.

✨✨✨✨✨✨✨✨✨✨✨✨✨✨✨✨✨✨

"" അങ്ങനെ സിദ്ധുവിനും ലോക്ക് വീണു.. ല്ലെടാ..."'

കുളക്കടവിലെ പടികളിൽ നിരത്തിയ ഗ്ലാസിലോരണം വായിലേക്ക് കമഴ്ത്തി അമലിന്റെ ചിരി,

"" അവന്റെ അമ്മായിടെ ചേച്ചിടെ മോള്.... ന്നെക്കൊണ്ടൊന്നും പറയിക്കല്ല്... ""