Chapter Title : നിശാവരതന്ത്രം - ഉത്ഭവം [Zayanora]

തിരിച്ചറിയാനും ചില തീരുമാനങ്ങൾ സ്വയം എടുക്കാനുമുള്ള കഴിവുണ്ടായിരുന്നു.

അതിനെക്കാളുപരി അതിനുള്ളിൽ ഒരു മനുഷ്യന്റെ അണയാത്ത മോഹങ്ങൾ നിലനിന്നിരുന്നു.

നിശാവരതന്ത്രം.

വർഷങ്ങൾ പലതും കടന്നുപോയി.

ലോകം മാറി.

ഒരുകാലത്ത് മനുഷ്യരെ ഭയപ്പെടുത്തിയിരുന്ന മന്ത്രവാദങ്ങളുടെയും ആഭിചാരങ്ങളുടെയും കഥകൾ പതുക്കെ പഴങ്കഥകളായി മാറി.

പുതിയ തലമുറകൾക്ക് തിരുമലയൂർ ഇല്ലത്തിന്റെ പേരുപോലും പരിചയമില്ലാതായി.

അനിരുദ്ധൻ നമ്പൂതിരിയെക്കുറിച്ചുള്ള ഓർമകൾ ഏതാനും പഴയ കഥകളിലും കുടുംബചരിത്രങ്ങളിലും മാത്രമായി അവശേഷിച്ചു.

എന്നാൽ അയാളുടെ സൃഷ്ടി നശിച്ചിരുന്നില്ല.

ഒരിക്കൽ തിരുമലയൂർ ഇല്ലത്തിൽനിന്ന് അപ്രത്യക്ഷമായ കറുത്ത പുസ്തകം, തന്റെ ഉള്ളിൽ കുടികൊള്ളുന്ന ബോധം തിരഞ്ഞെടുത്ത ഇടങ്ങളിൽ പ്രത്യക്ഷപ്പെടാനുള്ള നിമിഷം കാത്തിരുന്നു.

ആ ബോധത്തിന് പുറംലോകത്തെ നേരിട്ട് സ്പർശിക്കാനാകുമായിരുന്നില്ല. പക്ഷേ അടുത്തതായി ആ പുസ്തകം എവിടെ പ്രത്യക്ഷപ്പെടണം എന്ന് തീരുമാനിക്കാൻ ഉള്ള അധികാരം അനിരുദ്ധന് അപ്പോഴും ഉണ്ടായിരുന്നു.

--------------------------------------

ദശാബ്ദങ്ങൾക്ക് ശേഷം

--------------------------------------

വീടിന്റെ മുറ്റത്ത് ഒരു മോട്ടോർബൈക്ക് വന്നുനിന്ന ശബ്ദം കേട്ടാണ് മിയയുടെ രണ്ടാനുമ്മ അടുക്കളയിലെ ജനാലയിലൂടെ പുറത്തേക്ക് നോക്കിയത്.

മിയയായിരുന്നു. കൂടെ അവളുടെ കാമുകനും.

അവരെ കണ്ടതും രണ്ടാനുമ്മയുടെ മുഖം കടുത്തു.

ബൈക്കിൽനിന്നിറങ്ങിയ മിയ ഹെൽമറ്റ് ഊരിമാറ്റി. അഴിഞ്ഞുവീണ മുടി കൈകൊണ്ട് ഒതുക്കിയശേഷം ബാഗിൽനിന്ന് തട്ടമെടുത്ത് തലയിൽ ചുറ്റി. കാമുകൻ ബൈക്ക് സ്റ്റാൻഡിലിട്ട് അവളുടെ പിന്നാലെ നടന്നു.

നാല്പതിനും നാല്പത്തിയഞ്ചിനും ഇടയിൽ പ്രായമുള്ള സ്ത്രീയായിരുന്നു മിയയുടെ രണ്ടാനുമ്മ. കറുത്ത തട്ടവും നീല നിറത്തിലുള്ള ടോപ്പും ഇറുകിയ ജീൻസുമായിരുന്നു അവരുടെ വേഷം.

അടുക്കളയിലെ ജനാലയ്ക്കരികിൽനിന്ന് അവർ ഇരുവരെയും ശ്രദ്ധിച്ചുകൊണ്ടിരുന്നു.

വീടിന്റെ മുൻവാതിലിനടുത്തെത്തിയപ്പോൾ മിയയുടെ കാമുകൻ അവളെ അരക്കെട്ടിലൂടെ ചേർത്തുപിടിച്ചു. മിയ ചിരിച്ചുകൊണ്ട് അവന്റെ നേരെ തിരിഞ്ഞു. അടുത്ത നിമിഷം അവൻ