Chapter Title : ഞാനും എന്റെ ഇത്താത്തയും 8 [സ്റ്റാർ അബു]

വന്നു ബെഡിലേക്കു നോക്കിയപ്പോൾ അവൻ നല്ല ഉറക്കത്തിലാണ്. പക്ഷെ റൂമിൽ എല്ലാം വൃത്തിക്കെട്ട മണമാണ് നിൽക്കുന്നത്. ഞാൻ നേരെ ടിന്നിങ് ടേബിളിലേക്കു നടന്നു. അവൻ കൊണ്ട് വച്ച ഫുഡ് ഒരു പ്ലേറ്റിലേക്കു എടുത്തു കഴിച്ചു. അവിടെ ഇരുന്ന ഫ്രിഡ്‌ജിലെ വെള്ളമെടുത്തു കുടിച്ചു. സോഫയിൽ തന്നെ ഇരുന്നു, എപ്പോഴോ ഉറങ്ങി പോയി. മൊബൈൽ ശബ്‍ദം ഉണ്ടാക്കുന്നത് കേട്ടിട്ടാണ് ഞാൻ ഞെട്ടി ഉണർന്നത്. അവന്റെ പോക്കറ്റിൽ നിന്നാണ്, അവനെ തിരിച്ചു കിടത്തി ഫോൺ വലിച്ചു എടുത്തപ്പോഴേക്കും കട്ടായി. പക്ഷേ വീണ്ടും കാൾ വന്നു. കാൾ എടുത്തതും മുട്ടൻ തെറി....!!!! അവന്റെ ഉമ്മയാണ്. ഞാൻ ഒന്നും മിണ്ടിയില്ല. അവനെ വിളിച്ചു നോക്കി, അവനു ഒരു ബോധവും ഇല്ല. ഉമ്മ ഒന്നും മിണ്ടാത്തത് കേട്ടിട്ട് ഞാൻ ആണോ ? എന്ന് ചോദിച്ചു. ഞാൻ അവൻ കുളിക്കുകയാണ് എന്ന് കള്ളം പറഞ്ഞു. അവന്റെ ഉമ്മ എന്നോട് സോറി പറഞ്ഞു, എന്റെ വീട്ടുക്കാർ അവിടെ വന്നു എന്തൊക്കയോ പ്രശ്നങ്ങൾ ഉണ്ടാക്കി എന്ന് പറഞ്ഞു. അനിതയുടെ വീട്ടിലും പ്രശ്നങ്ങൾ ഉണ്ടാക്കി എനൊക്കെ ഉമ്മയുടെ വാക്കുകളിൽ എനിക്ക് മനസ്സിലായി. എന്തായാലും രണ്ടു ദിവസം കഴിയുന്നത് വരെ പുറത്തേക്കു പോകണ്ട എന്ന് പറഞ്ഞു. ഈ പ്രശ്നങ്ങൾ ഒന്ന് ഒതുങ്ങിട്ടു നാട്ടിലേക്ക് വന്നാൽ മതി എന്ന് പറഞ്ഞു. ഞാൻ അവൻ വന്നാൽ വിളിക്കാമെന്ന് പറഞ്ഞു ഫോൺ വച്ചു. എനിക്കറിയാമായിരുന്നു എന്റെ ഉപ്പയേക്കാൾ പ്രശ്നമാണ് ഉപ്പയുടെ ഇക്കമാർ. ഞാൻ ഫോൺ പിടിച്ചു സോഫയിൽ പോയിരുന്നു. ഉമ്മയെ വീട്ടിലെ നമ്പറിൽ വിളിച്ചു. ഉണ്ടായ കാര്യങ്ങൾ അറിയിക്കാമെന്ന് വച്ചു.

പക്ഷെ വീട്ടിൽ ആരും ഫോൺ എടുത്തില്ല. ഉപ്പയുടെ നമ്പറിൽ വിളിക്കാൻ എനിക്ക് പേടിയുമായിരുന്നു. ഞാൻ അനിതയെ വിളിച്ചു, അവൾ ഫോൺ എടുത്തു കാര്യങ്ങൾ ഒക്കെ തിരക്കി. എന്റെ ഉമ്മയെയും ഉപ്പയെയും ഉപ്പയുടെ സഹോദരന്റെ വീട്ടിലേക്കു കൊണ്ട് പോയെന്നും പറഞ്ഞു. അവളോട് സംസാരിച്ചപ്പോൾ എനിക്കൊരു ആശ്വാസം കിട്ടി. എന്റെ വീട്ടുക്കാർ ഉണ്ടാക്കിയ പ്രശ്നത്തിന് മാപ്പു പറഞ്ഞു. അവൾ എന്നെ സമാധാനിപ്പിച്ചു ഫോൺ വച്ചു. സോഫയിൽ ഇരുന്നു ഞാൻ നേരം വെളുപ്പിച്ചു. ഞാൻ എണീറ്റ് പോയി കുളിച്ചു വരുമ്പോൾ അവൻ