Chapter Title : ഞാനും സഖിമാരും 11 [Thakkali]

മറ്റേ ചേച്ചി വന്നു.   അവർ കയ്യിലുള്ള  ചുരിദാർ എടുത്തു നിവർത്തി  ഒന്ന് എല്ലാം നോക്കി മടക്കി ഒരു കവറിൽ ആക്കി.

എനിക്ക് തരുമ്പോൾ അവര് പറഞ്ഞു  “ഞാൻ അവര് നേരിട്ട് വരുമെന്ന് വിചാരിച്ചു.. ഇവിടുന്നു ഇട്ടു നോക്കി  എന്തെങ്കിലും അഡ്ജസ്റ്റ് ചെയ്യണമെങ്കില് ചെയ്യാമായിരുന്നല്ലോ .. .. ഇട്ടു നോക്കിയിട്ട് എന്തെങ്കിലും ശരിയാക്കാൻ ഉണ്ടെങ്കിൽ നാളെ കൊണ്ട് വന്നോ..” “ആ ശരി ചേച്ചി പിന്നേ കാണാം.” .. പൈസയും കൊടുത്തു അവിടുന്ന് ഇറങ്ങി. അമ്പിളി ചേച്ചിയുടെ അടുത്ത് പോയാലോ????

വേണ്ടാ.. എന്ത് പറഞ്ഞു പോകും? ഇനി എന്തെങ്കിലും പറഞ്ഞു പോയാലും ചിലപ്പോ കടയിൽ ആൾക്കാരുണ്ടാവും വൈകുന്നേരമായില്ലേ?

ഞാൻ നേരെ എന്റെ വീട്ടിലേക്ക് പോയി.. ചെറിയമ്മയും മോനും അവിടെയുണ്ടായിരുന്നു.

അവിടെ ചർച്ചയാണ്- അമ്മ ചെറിയമ്മയോട്  കുറച്ചു ദിവസം വീട്ടിൽ പോയി നിൽക്കാൻ പറഞ്ഞു. ചെറിയമ്മക്ക് പോകാൻ താല്പര്യവുമുണ്ട് പക്ഷേ അച്ഛൻ പോയിട്ട് പോണോ അതോ അതിനു മുമ്പേ പോണോ എന്നതാണ് വിഷയം.. മുന്നേ പോയാൽ വീട് മാറ്റം പ്രശ്നമാകും.  ഞാൻ ഇടപെട്ട് പറഞ്ഞു “അച്ഛൻ പോയിട്ട് പോയിക്കോ..”

“അപ്പോ അമ്മ ഒറ്റക്ക് ആയി പോകില്ലേ?” ചെറിയമ്മക്ക് വിഷമം

“അപ്പോ ഈ പോത്ത് ഇല്ലേ ഇവിടെ?” എന്റെ പുറത്തു അടിച്ചു കൊണ്ട് അമ്മ പറഞ്ഞു.. ആ ചെക്കൻ മുളച്ചു വരുന്ന പല്ല് കാട്ടി ചിരിക്കുന്നുണ്ട്,,,

ഞാൻ ചുരിദാറിന്റെ സഞ്ചി ചെറിയമ്മക്ക് കൊടുത്തു.. “ഇട്ടു നോക്ക് എങ്ങിനെ ഉണ്ട്?” ചെറിയമ്മ അതും വാങ്ങി അകത്തു പോയി

“എടാ പോയി കുളിച്ചു കുപ്പായം മാറ്റ്..” എന്നു പറഞ്ഞു അമ്മയും മോനെയും കൊണ്ട് അകത്തു പോയി.