Chapter Title : നൂറ എന്ന നൂർജഹാൻ 2 [ലോഹിതൻ]

സ്കൂളിൽ പോകുന്നത് വരെ പതിവില്ലാത്ത ഒരു വാക്കോ പ്രവർത്തിയോ ഭർത്താവിൽ നിന്നും ഉണ്ടാകാത്തതുകൊണ്ട് തന്റെ വായിൽ നിന്നും വീണു പോയ വാചകം അദ്ദേഹം കേട്ടിട്ടില്ല എന്ന് ഉറപ്പാക്കി...

എന്നാൽ എപ്പോഴും അതെക്കുറിച്ചു മാത്രമായിരുന്നു ഹമീദിന്റെ ചിന്ത...

സ്കൂളിൽ ക്ലാസ് എടുക്കുന്നതിൽ പോലും പൂർണമായി ശ്രദ്ധിക്കാൻ അയാൾക്ക് കഴിഞ്ഞില്ല......

ഒടുവിൽ അയാൾ ഒരു തീരുമാനം എടുത്തു.. ഇക്കാര്യം ഇങ്ങനെ മനസിലിട്ടു കൊണ്ട് നടന്നിട്ട് എന്ത് കാര്യം.. ചോദിക്കുക തന്നെ...

കേസിലെ പ്രധാന പ്രതിയോട് തന്നെ ചോദിക്കാം...

വൈകുന്നേരം പതിവ് പോലെ വീട്ടിലേക്ക് പോകാൻ മാഷിന്റെ കാറിൽ കയറി ഇരുന്നു ആസിഫ്...

അവന്റെ മുഖത്തേക്ക് നോക്കി ഒന്നു ചിരിച്ചിട്ട് അയാൾ ഡ്രൈവ് ചെയ്യാൻ തുടങ്ങി....

അഞ്ചു മിനിറ്റ് കഴിഞ്ഞപ്പോൾ ആണ് ആസിഫ് ശ്രദ്ധിച്ചത് .. വീട്ടിലേക്കു പോകുന്ന വഴിയിലൂടെയല്ല കാർ പോകുന്നത്...

കൊച്ചുപ്പാ.. നമ്മൾക്ക് വഴി മാറിപ്പോയി...

ഇല്ല ആസീ... വഴി തെറ്റിയതല്ല... ഇതുവഴി പോകേണ്ട ഒരു കാര്യമുണ്ട്...

പിന്നെ അവൻ ഒന്നും സംസാരിച്ചില്ല... പുറത്തെ കാഴ്ചകൾ നോക്കിയിരുന്നു..

കുറച്ചു ദൂരം പോയി കഴിഞ്ഞപ്പോൾ റോഡിന്റെ രണ്ടു സൈഡിലും വിശാലമായ വയലുകൾ മാത്രമായി...

ആസിഫ് ആ വഴി വന്നിട്ടുണ്ട്... വിജനമായ സ്ഥലം വയലിനു നടുവേ നെടു നീളത്തിൽ റോഡ്...

റോഡിലെ വീതി കൂടിയ ഒരിടത്ത് ഹമീദ് വണ്ടി സൈഡാക്കി....

ആസിഫ് എന്താണ് എന്ന അർത്ഥത്തിൽ ഹമീദിനെ നോക്കി...

ആസീ... നമുക്ക് കുറച്ചു സംസാരിക്കാം... സ്വസ്ഥമായി സംസാരിക്കുവാനാണ് തിരക്കില്ലാത്ത സ്ഥലം നോക്കി ഇങ്ങോട്ട് വന്നത്....

ആസിഫ് മാഷിന്റെ മുഖത്തേക്ക് വീണ്ടും നോക്കി...

ആസീ.. ഞാൻ ഇപ്പോൾ നിന്റെ മാഷ് മാത്രമല്ല കൊച്ചുപ്പ