Chapter Title : ഓണക്കളി 3 [മിക്കി]

കണ്ടെത്താനാവാത്ത കുറേ  ചോദ്യങ്ങളും മനസ്സിലിട്ടുകൊണ്ട് അവൾ എങ്ങനെയൊക്കെയോ കുളി കഴിഞ്ഞ് ബാത്‌റൂമിന് പുറത്തേക്കിറങ്ങി.

“എത്രേം പെട്ടന്ന് ജിൻസിയേച്ചിയെ പോയി കാണണം..! ചേച്ചിക്ക് മാത്രമേ ഇനി എന്തെങ്കിലും ചെയ്യാൻ കഴിയു..! എന്തെങ്കിലും പോംവഴി ചേച്ചി കണ്ടെത്തി തരാതിരിക്കില്ല” ഞാൻ ഓർത്തു.

===

ജിൻസിയേച്ചി (എദോച്ചായന്റെ വൈഫ്‌) എന്റെ സ്വന്തം ചേച്ചിയെപോലെയാണ്, എന്തുണ്ടെങ്കിലും ഞങ്ങൾ തുറന്ന് സംസാരിക്കും, അതിപ്പോ ജോലിയുടെ കാര്യമായിരുന്നാലും എത്ര വലിയ പേഴ്സണൽ കാര്യമായിരുന്നാലും  ഞങ്ങൾ പരസ്പരം തുറന്ന് സംസാരിക്കും, ഒരുപക്ഷെ വിച്ചുവിനോട് പറയാത്ത ചില കുസൃതി രഹസ്യങ്ങൾപോലും ചേച്ചിയോട് ഞാൻ പറഞ്ഞിട്ടുണ്ട്.. ചേച്ചിയും അതുപോലെ തന്നെ എന്നോട് എല്ലാ കാര്യവും തുറന്ന് സംസാരിക്കും.

===

ഞാൻ ഫോൺ എടുത്ത് ചേച്ചിയെ വിളിച്ചു, അരമണിക്കൂറിനുള്ളിൽ ആവിടേക്ക് എത്തുമെന്ന് പറഞ്ഞു..

ഡ്രസ്സ്‌ മാറി റെഡിയായി പുറത്തേക്ക് ഇറങ്ങിയതും.

“എവിടെ പോവ പ്രിയെ..?” ചിന്നുവിന്റെ ചോദ്യം.

“ആ ചിന്നു ഞാൻ ജിൻസിയേച്ചിയുടെ ഫ്ലാറ്റ് വരെ പോവ..!” ഞാൻ പറഞ്ഞ് നിർത്തിയതും.

“പ്രിയ ഫ്ലൈറ്റിൽ നിന്ന് കഴിച്ചതല്ലാതെ ഇതുവരെ വേറൊന്നും കഴിച്ചില്ലല്ലൊ..! ഞാൻ എന്തെങ്കിലും കഴിക്കാൻ എടുക്കട്ടെ..?”

“ഒന്നും വേണ്ട ചിന്നു..! വിശപ്പില്ല..! ഞാനെന്ന ഇറങ്ങട്ടെ..! വൈകിട്ട് കാണാം” എന്ന് പറഞ്ഞ് വച്ചിലേക്ക് സമയം നോക്കിയ ശേഷം ഞാൻ ഫ്ലാറ്റിന് പുറത്തേക്കിറങ്ങി..

ജിൻസിയേച്ചിയുടെ ഫ്ലാറ്റിന് മുന്നിലേത്തിയ ഞാൻ ഹോളിംങ് ബെല്ലടിച്ചതും ചേച്ചി വന്ന് ഡോർ തുറന്നു, എന്നെ നോക്കി ഒന്ന് ചിരച്ച ശേഷം എന്റെ കയ്യിൽ പിടിച്ച് ഓരോ വിശേഷങ്ങളും ചോദിച്ചുകൊണ്ട് ഉള്ളിലേക്ക് കൊണ്ടുപോയി ഹാളിലെ സോഫയിൽ കൊണ്ടിരുത്തി, ചേച്ചിയും എന്റെ ഓപ്പോസിറ്റ് സൈഡിലെ സോഫയിലേക്കിരുന്നു.

“ഡി കുടിക്കാൻ ഉപ്പിട്ട ലൈം ജ്യൂസ്‌ എടുക്കട്ടെ.?” സോഫയിലേക്കിരുന്ന ജിൻസിയേച്ചി മറന്നതെന്തൊ പെട്ടന്ന് ഓർത്തെടുത്തപോലെ സോഫയിൽ നിന്നും എഴുന്നേറ്റ് നിന്ന് എന്നോട് ചോദിച്ചു.

“ഇപ്പൊ വേണ്ട ചേച്ചി..! പിന്നട്ടെ..!”ഞാൻ പറഞ്ഞ് നിർത്തിയതും

“എന്തോപറ്റിയടി മുഖം വല്ലാതിരിക്കുന്നെ..! നാട്ടിൽ നിന്ന് പെട്ടന്ന് വന്നതിന്റെയാണോ” സന്തോഷം മങ്ങിയ ക്ഷീണത്തോടെയുള്ള എന്റെ മുഖത്തേക്ക് നോക്കിയ ചേച്ചി ചോദിച്ചു.

“എനിക്ക് ചേച്ചിയോട് കുറച്ച് കാര്യങ്ങൾ പറയാനുണ്ട്” ഒട്ടും വളച്ചുകെട്ടില്ലാതെ എടുത്തടിച്ചതുപോലെ ഞാൻ ചേച്ചിയോട് പറഞ്ഞു.

“എന്താടി..? എന്തോ പറ്റി..?” എനിക്കെന്തോ കാര്യമായി