Chapter Title : ഓണം മുതൽ ന്യൂ ഇയർ വരെ [manuKKuTTan]

സംശയം..പക്ഷേ ഞങ്ങളെ എല്ലാം ഞെട്ടിച്ചു കൊണ്ട് അമ്മയാണ് ഒരു കിതപ്പ് പോലും ഇല്ലാതെ കൂളായി കയറിയത്.. പറമ്പിലെ പണിയിൽ നിന്നുള്ള സ്റ്റാമിന.. ഗൈഡ് ചേട്ടൻ ഏറ്റവും മുന്നിൽ അതിനു പുറകിലായി അളിയനും അച്ഛന്മാരും അതിനു പുറകിൽ ചേച്ചിയും അമ്മായി അമ്മയും ആദ്യം അവർക്കൊപ്പം നടന്നു തുടങ്ങിയെങ്കിലും അമ്മ ഞാൻ പുറകെ ഒറ്റയ്ക്കാണെന്നും പറഞ്ഞു എന്റെ കൂടെ ചേർന്നു.. ഞങ്ങൾ തൊട്ടും മുട്ടിയും പരസ്പരം സഹായിച്ചും നടന്നു.. അച്ഛൻ തിരിഞ്ഞ് ഇടക്കിടക്ക് ഞങ്ങളെ നോക്കുന്നുണ്ടായിരുന്നു.. ഞാൻ അമ്മയുടെ കൂടെ തന്നെ ഉണ്ടെന്ന്കാണുമ്പോൾ അച്ഛൻ അളിയന്റെ കൂടെ നടക്കും… ലതാന്റിയോട് എന്തൊക്കെ പറഞ്ഞാലും  അച്ഛന്റെ  മനസ്സിൽ ഇപ്പോഴും അമ്മയ്ക്കായി സ്നേഹവും കരുതലും ഉണ്ടെന്ന് എനിക്ക് മനസ്സിലായി.. ഇടയ്ക്ക് റസ്റ്റ് എടുത്തും പിന്നെ നടന്നും ഞങ്ങൾ തടാകത്തിന് അരികിലെത്തി.. അവിടെ നിന്ന് കുറെ ഫോട്ടോ എടുത്തു..  അങ്ങനെ അവിടെ  നിന്നപ്പോഴാണ് എലിസബത്ത്  മിസ്സിന്റെ വിളി വന്നത്.. ഞാൻ എല്ലാവരിൽ നിന്നും അകന്നു മാറി അവരോട് കുറച്ചുനേരം സംസാരിച്ചു.. അമ്മ എന്നെ സംശയത്തോടെ നോക്കുന്നുണ്ടായിരുന്നു.. ആ വിളിതലേന്നത്തെ എന്റെ കഥയെ ഒന്നുകൂടി ഊട്ടി ഉറപ്പിച്ചു.. അവിടെനിന്നും മുകളിലേക്ക് കയറാൻ ആർക്കും താൽപര്യമുണ്ടായിരുന്നില്ല.. ഞങ്ങൾ തിരിച്ചിറങ്ങി.. രണ്ടു മണിയായപ്പോൾ തിരിച്ചിറങ്ങിയ ഞങ്ങൾ നേരെ ഒരു ഹോട്ടലിൽ പോയി വെട്ടിവിഴുങ്ങി.. എല്ലാവർക്കും നല്ല വിശപ്പുണ്ടായിരുന്നു.. അതുകഴിഞ്ഞ് ഞങ്ങൾ നേരെ സൂചിപ്പാറ വെള്ളച്ചാട്ടത്തിലേക്ക് വിട്ടു.. അവിടെ ചെന്നപ്പോൾ കാറിൽ ഇരുന്നുകൊണ്ട് തന്നെ ഞാൻ ജീൻസും ഷർട്ടും ഊരിമാറ്റി ഷർട്ടും ട്രൗസറും ഇട്ട് വെള്ളച്ചാട്ടത്തിലേക്ക് ഓടി.. അമ്മയും  ചേച്ചിയുടെ അമ്മായി അമ്മയും ഒഴിച്ച് ബാക്കി എല്ലാവരും ഡ്രസ്സ് മാറി വന്ന് വെള്ളത്തിലിറങ്ങി..

" അവിടെ ഇങ്ങനെ കരയ്ക്കു നിൽക്കാൻ ആണോ ഇവിടെ വരെ വന്നത്.." ഞാൻ കരയിലേക്ക് കയറി വന്ന് അമ്മയോട് ചോദിച്ചു..

"നല്ല തണുപ്പുള്ള വെള്ളമാണ്.. ഇതിൽ ഇറങ്ങിയാൽ നാളെ ഞാൻ പനിപിടിച്ച് കിടപ്പാകും.. ഞാൻ ഇവിടെ ഇരുന്നോളാം ലത വേണമെങ്കിൽ അവരുടെ കൂടെ ഇറങ്ങിക്കോ.." ചേച്ചിയുടെ അമ്മായിഅമ്മ പറഞ്ഞു

"ഞാൻ മാറാൻ ഡ്രസ്സ് ഒന്നും കൊണ്ടുവന്നിട്ടില്ല.." അമ്മയും ന്യായം പറഞ്ഞു.

" ഇത് പറയും എന്ന് എനിക്കറിയാമായിരുന്നു