Chapter Title : ഓണം മുതൽ ന്യൂ ഇയർ വരെ [manuKKuTTan]

താഴെ വിരിച്ചിരുന്ന പായയിലേക്ക് കിടന്നു..അച്ഛൻ വലത് കൈത്തണ്ട നീട്ടി വെച്ചുകൊടുത്തു ആന്റി അച്ഛന്റെ തോളിൽ തലചായ്ച്ച് നെഞ്ചോട് ചേർന്നു കിടന്നു..അച്ഛൻ അവരെ നെഞ്ചോട് അടക്കി ചേർത്തു പിടിച്ചു..

"ആ നാറി അനിരുദ്ധൻ (അച്ഛന്റെ അമ്മാവന്റെ മകൻ) അന്ന് നമ്മളെ ഒറ്റി കൊടുത്തില്ലായിരുന്നുവെങ്കിൽ  ഇന്ന് ആരെയും പേടിക്കാതെ നമ്മുടെ വീട്ടിൽ  നമ്മുടെ മുറിയിൽ നമുക്ക് ഇങ്ങനെ കിടക്കാമായിരുന്നു…. കാർന്നോന്മാരുടെ കോപ്പിലെ ജാതി ഭ്രാന്ത്….

അവൻ അത് പറഞ്ഞ ഉടനെ എന്നോട് ഒന്നും ചോദിക്കാതെ എനിക്ക് ഒരു സംശയവും തരാതെ അച്ഛനും അമ്മാവനും ചേർന്ന് ഒറ്റ മാസം കൊണ്ട് എന്നെ ഗൾഫിലേക്ക് കയറ്റി അയച്ചു.. തറവാട്ടിലെ ഒരെ ഒരു ആൺ തരിയല്ലേ.. പിഴച്ചു പോകരുതെല്ലോ.. ഞാൻ ഇരുപത് വയസ്സുകാരൻ പൊട്ടൻ.. എന്തായാലും പ്രീ ഡിഗ്രി തോറ്റു.. ഇപ്പൊൾ നമ്മുടെ കാര്യം ആർക്കും അറിയില്ല ഗൾഫിൽ പോയി രണ്ടുവർഷംകൊണ്ട് ലക്ഷപ്രഭു ആയി വന്ന് നിന്നെ കെട്ടാം.. കാശ് ആയി കഴിഞ്ഞാൽ പിന്നെ ആരെതിർത്താലും നമുക്കൊരു പ്രശ്നമില്ലല്ലോ… അങ്ങനെ എതിർത്താൽ നിന്നേം കൊണ്ട് പറക്കാം.. അങ്ങനെ കുറെ സ്വപ്നങ്ങളുമായി ഗൾഫിലേക്ക് പ്ലേൻ കയറി.. ആ ചെറ്റകൾ നിന്റെ അച്ഛന്റെ നേരേ ചെന്നു… തമ്പ്രാൻ കല്പിച്ചാൽ പിന്നെ അടിയാനു മറുവാക്ക് ഇല്ലല്ലോ.. നിന്നോട് പോലും ആലോചിക്കാതെ നിന്റെ പതിനാറാമത്തെ വയസ്സില് അങ്ങേര് നിന്നെ അങ്ങ് ഇടുക്കിയിലെ ഏതോ പട്ടിക്കാട്ടിലേക്ക് കെട്ടിച്ചയച്ചു… രണ്ടുവർഷം കഴിഞ്ഞ് ഞാൻ നിന്നെ കെട്ടാൻ വന്നപ്പോൾ നീ കെട്ടി നിനക്ക് ഒരു കൊച്ച് ആയി നിങ്ങൾ സുഖമായി കഴിയുന്നു എന്നാണ് ഞാൻ അറിയുന്നത്… ഞാൻ മണ്ടൻ നിനക്കയച്ച  കത്തുകൾക്ക് മറുപടി വരാതായപ്പോൾ എങ്കിലും ഞാൻ ഒന്ന് അന്വേഷിക്കണമായിരുന്നു…

എങ്ങാനും പിടിച്ചിട്ട് ഉണ്ടെങ്കിൽ ഇനി ഞാനായിട്ട്  കൂടുതൽ പ്രശ്നങ്ങളൊന്നും ഉണ്ടാക്കേണ്ട നീ എന്തെങ്കിലും പറഞ്ഞു അഡ്ജസ്റ്റ് ചെയ്തോളും എന്ന് കരുതി ഞാൻ കത്തയക്കലും നിർത്തി… എന്റെ ജീവിതത്തിൽ ഞാൻ ചെയ്ത ഏറ്റവും വലിയ മണ്ടത്തരം… എന്റെ സ്വപ്നത്തിൽ പോലും ഞാൻ ആലോചിച്ചിരുന്നില്ല അനിരുദ്ധൻ  അറിഞ്ഞെന്നും അവൻ നമ്മളെ ഒറ്റി എന്നുമുള്ള കാര്യം..

"എല്ലാം വിധിയാണ് സേതുവേട്ടാ… ആരൊക്കെ എന്തൊക്കെ ചെയ്തിട്ടും നമ്മൾ ഇപ്പോഴും ഒന്നിച്ച്