Chapter Title : ഓൺലൈൻ ആങ്ങള 3 [ഗില്ലി ബാല]

കൊടുത്തോ? ഞാൻ നിന്നോട് പറഞ്ഞതല്ലേ അവിടെയുള്ളവരെയൊക്കെ സൂക്ഷിക്കണമെന്ന്."

​അമ്മു: "അയ്യോ ഏട്ടാ... നിങ്ങൾ ഇങ്ങനെ പേടിക്കല്ലേ. ഞാൻ ഒന്നും കൊടുത്തില്ല. അവർക്ക് എന്റെ ഈ 'നാടൻ ലുക്ക്' കണ്ടിട്ടുള്ള കൗതുകമാണെന്ന് എനിക്ക് മനസ്സിലായി. അവന്മാരുടെ നോട്ടം കണ്ടാലേ അറിയാം ഉള്ളിലിരിപ്പ്. പക്ഷേ എനിക്ക് ഇതൊക്കെ കാണുമ്പോൾ ഒരു കോമഡി ആയിട്ടാണ് തോന്നുന്നത്. നാട്ടിലായിരുന്നെങ്കിൽ ഞാൻ പേടിച്ചുപോയേനെ, പക്ഷേ ഇപ്പോൾ എനിക്ക് അവരെ എങ്ങനെ കൈകാര്യം ചെയ്യണമെന്ന് അറിയാം."

​അവൾ ഓരോന്ന് പറഞ്ഞു ചിരിക്കുമ്പോഴും എന്റെ മനസ്സ് ആ 'രാഹുലിൽ' തന്നെയായിരുന്നു ഉടക്കിനിന്നിരുന്നത്.

​ഞാൻ: "ശരി... ആ ഇരിക്കട്ടെ, നിന്റെ ആ പഴയ സുഹൃത്ത്... രാഹുൽ? അവനെ ഇപ്പോഴും കാണാറുണ്ടോ? അതോ അവനും നിന്റെ ഐഡി ചോദിച്ചു പിന്നാലെ ഉണ്ടോ?"

​അമ്മു: (പൊട്ടിച്ചിരിച്ചുകൊണ്ട്) "രാഹുലോ? അയ്യോ ഏട്ടാ... അവൻ പാവമാ. അവൻ ഇപ്പോഴും കൂടെയുണ്ട്. പക്ഷേ അവനെപ്പറ്റി ഏട്ടൻ ഒട്ടും ടെൻഷൻ അടിക്കേണ്ട. അവൻ എന്നെക്കാൾ ഒരു വയസ്സിന് ഇളയതാ. അതുകൊണ്ട് അവനെയൊരു അനിയൻ കുട്ടിയെപ്പോലെയേ എനിക്ക് കാണാൻ പറ്റൂ. എനിക്ക് അവനോട് മറ്റൊരു ബന്ധവും തോന്നില്ലെന്ന് ഞാൻ ഉറപ്പു തരാം.

അവൻ എന്റെ കൂടെയുള്ളത് എനിക്കൊരു സേഫ്റ്റിയാണ്."

​രാഹുൽ അവളെക്കാൾ പ്രായം കുറഞ്ഞവനാണെന്ന് കേട്ടപ്പോൾ എന്റെ ഉള്ളിലെ ആ ഭാരം ഒരല്പം കുറഞ്ഞു.

എങ്കിലും, പ്രായം കുറഞ്ഞവനാണെങ്കിലും ഒരു പുരുഷന്റെ കണ്ണുകൾക്ക് ആരെയും വീഴ്ത്താൻ കഴിയുമെന്ന് എനിക്ക് നന്നായി അറിയാമായിരുന്നു. പ്രത്യേകിച്ച് അമ്മുവിനെപ്പോലെ വശ്യമായ സൗന്ദര്യമുള്ള ഒരു പെൺകുട്ടി കൂടെയുള്ളപ്പോൾ.

​ഞാൻ: "നീ ഉറപ്പു തരുന്നത് കൊള്ളാം. പക്ഷേ പ്രായം ഒന്നും ഈ കാര്യത്തിൽ ഒരു തടസ്സമല്ല