Chapter Title : ഒരേയൊരാൾ 3 [ഹരി]

അണച്ച് അവൾ തിരിച്ചു വന്നു കിടന്നു. ഇരുട്ട് വീണ മുറിയിൽ മനസ്സിനകത്ത് മഞ്ഞുവീഴ്ച്ചയുമായി ജ്യോതി പതിയെ ഉറക്കത്തിലേക്ക് വഴുതി വീണു.

പിറ്റേന്ന് കാലത്ത് ഉറക്കമെഴുന്നേറ്റ ജ്യോതിക്ക് ഇന്നലെ സംഭവിച്ചത് ഏതോ ഗന്ധർവ്വന്റെ മന്ത്രവിദ്യയാണോയെന്ന് സംശയം തോന്നി. ആ ഒരു മൂഡിൽ അപ്പോള്‍ തോന്നിയ ധൈര്യത്തിൽ അന്നേരം ചെയ്ത കാര്യങ്ങള്‍ പുതിയൊരു പ്രഭാതത്തിന്റെ തിരിച്ചറിവിൽ ഓർത്തുനോക്കിയപ്പോൾ അവളുടെ ഉള്ളിലൊരു ഭയവുമുണ്ടായി. എത്ര വലിയ റിസ്കാണ് താനെടുത്തതെന്ന് അവൾ ആശ്ചര്യപ്പെട്ടു പോയി. രാജിയെങ്ങാനും ദേഷ്യപ്പെട്ടിരുന്നെങ്കിലോ? ഒച്ചവച്ചിരുന്നെങ്കിലോ? ഓർക്കാൻ കൂടി വയ്യ. എന്തൊരബദ്ധമായേനേ... എന്നാലും ഓർക്കുമ്പോൾ ഒരു സുഖമുണ്ട്....! വല്ലാത്തൊരു സുഖം... ഇതിനെയായിരിക്കാം കാമമെന്ന് വിളിക്കുന്നത്. അതോ പ്രേമമാണോ....? ഭയവും സന്തോഷവുമെല്ലാം കൂടിക്കുഴഞ്ഞ ഈ അവസ്ഥയെയാണോ ആളുകള്‍ പ്രണയമെന്ന് പറയുന്നതെന്ന് അവൾ സംശയിച്ചു... മനസ്സിടറാതിരിക്കാൻ ശക്തി തരണമെന്ന പ്രാർത്ഥന കേൾക്കാതിരുന്ന ദൈവങ്ങൾക്ക് നന്ദി!

'എനിക്കിപ്പോള്‍ രാജിയോട് പ്രണയമാണ്...! മോഹമാണ്...!!!'

ജ്യോതി മനസ്സില്‍ മന്ത്രിച്ചു.

അവൾ രാജിയുടെ കട്ടിലിലേക്ക് നോക്കി. അവൾ ഉണർന്നിട്ടില്ല. തനിക്ക് പുറം തിരിഞ്ഞ് കിടക്കുകയാണ്. എന്തോ ഒരു കൊതി തോന്നുന്നു. അവൾ എഴുന്നേറ്റു പോയി രാജിയുടെ കൂടെ കിടന്നു. ആ വടിവൊത്ത വയറിലൂടെ കയ്യിട്ട് കെട്ടിപ്പിടിച്ച് കിടന്നു. കുറച്ചു നേരം അങ്ങനെ കിടന്നു കഴിഞ്ഞപ്പോള്‍ രാജിയുടെ കൈ വയറിനെ ചുറ്റിയ തന്റെ കൈക്ക് മേല്‍ സ്പർശിച്ചത് അവളറിഞ്ഞു.

"എന്താ കുഞ്ഞാ...? എന്തു പറ്റി...?"

രാജി ഉറക്കച്ചടവോടെ ചോദിച്ചു.

"മ്ചും..."

ജ്യോതിയുടെ മറുപടി അതിലൊതുങ്ങി...

രാജി ഒന്ന് തല ചെരിച്ച് നോക്കി. പിന്നെ ചെറിയൊരു ചിരിയോടെ ചോദിച്ചു,

"ഈ കൈ ഇന്നലെ നന്നായി കഴുകിയല്ലോ അല്ലേ...?!"

ജ്യോതിക്ക് അതാകെ ചമ്മലായിപ്പോയി.

" പോടീ പുല്ലേ.... "

ജ്യോതി രാജിയുടെ തോളത്ത് പല്ലുകളാഴ്ത്തി...

"ആഹ്....!"

രാജി വേദനയോടെ ജ്യോതിക്ക് അഭിമുഖമായി തിരിഞ്ഞു കിടന്നു. വലതു കൈ ജ്യോതിയുടെ തലയ്ക്ക് അടിയിലൂടെ എടുത്ത് അവളെ തന്റെ നെഞ്ചിലേക്ക് അടുപ്പിച്ചു. ഇടതുകൈ അവളുടെ പുറത്തൂടെ അലസമായ് ഇട്ടു.

"അടങ്ങിക്കിടക്ക് കുഞ്ഞാ..."

രാജിയുടെ ശ്വാസം ജ്യോതിയുടെ മൂർദ്ധാവിൽ വന്നടിച്ചുകൊണ്ടിരുന്നു. രാജിയുടെ കഴുത്തിന്റെയും നെഞ്ചിന്റെയും സ്പർശനമേറ്റ് കിടക്കാന്‍ നല്ല സുഖമുള്ളതായി ജ്യോതിക്ക് തോന്നി. അങ്ങനെ കിടന്ന് വീണ്ടും അവൾ